მეტროსადგურებში დამატებითი ამოსასვლელები მოეწყობა და ტურნიკების რაოდენობა გაიზრდება - კახა კალაძე

მეტროსადგურებში დამატებითი ამოსასვლელები მოეწყობა და ტურნიკების რაოდენობა გაიზრდება - კახა კალაძე

access_time2022-11-23 12:45:31

დილის და საღამოს საათებში, მეტროსადგურებში გაზრდილი მგზავრთა ნაკადის შესამცირებლად, ქალაქ თბილისის მერია ახალი ჩასასვლელ-ამოსასვლელების მოწყობას და ტურნიკების დამატებას გეგმავს. ამის შესახებ განცხადება თბილისის მერმა კახა კალაძემ გააკეთა.

 

პროექტი „ქალაქ თბილისის მეტროსადგურების მისაწვდომობის გაზრდა და გარე ინფრასტრუქტურის გაუმჯობესება“ „აზიის განვითარების ბანკის“ (ADB) დაფინანსებით ხორციელდება. მისი მიზანი  თბილისის მეტროსადგურების მისაწვდომობის გაზრდა და გარე ინფრასტრუქტურის გაუმჯობესებაა. პროექტის სავარაუდო ღირებულება 16 მილიონი აშშ დოლარია.

 

კახა კალაძის განცხადებით, პროექტი ოთხ მეტროსადგურზე მისაწვდომობის გაზრდას, ორზე დამატებითი ამოსასვლელების მოწყობას და 12 მეტროსადგურისთვის მიწისზედა ინფრასტრუქტურის გაუმჯობესებას მოიცავს.


 

„პროექტი მოიცავს ოთხ მეტროსადგურზე: „ახმეტელის თეატრი“, „დიდუბე“, „დელისი“, „ტექნიკური უნივერსიტეტი“ მისაწვდომობის გაზრდას, დამატებითი ამოსასვლელების მოწყობას „ახმეტელის თეატრისა“ და „მარჯანიშვილის“ მეტროსადგურების ტერიტორიაზე, ხოლო მიწისზედა ინფრასტრუქტურის გაუმჯობესებას 12 მეტროსადგურისთვის: „ღრმაღელე“, „ნაძალადევი“, „სადგურის მოედანი“, „მარჯანიშვილი“, „რუსთაველი“, „თავისუფლების მოედანი“, „300 არაგველი“, „ისანი“, „ტექნიკური უნივერსიტეტი“, „დელისი“, „დიდუბე“ და „ახმეტელი“. ამასთან, დაგეგმილია შერჩეული სადგურების სრული მექანიზაცია-აღჭურვა შშმ პირებისთვის.

 

ხაზი მინდა გავუსვა, რომ პრობლემის, რაც დილის საათებში გვაქვს, როდესაც „ახმეტელის“ მეტროსადგურის ჩასასვლელი ვერ ატარებს ბევრ ადამიანს, სრული გადაჭრის გზა არის როგორც მოკლევადიანი, ისე გრძელვადიანი, რომელზეც ვისაუბრე – ახალი ჩასასვლელ-ამოსასვლელის პროექტის განხორციელება. მოკლევადიანი პროექტი არის ტურნიკეტების რაოდენობის დამატება, რაც მოგვცემს საშუალებას, 30 პროცენტით მეტი ადამიანის გატარება მოვახერხოთ. რა თქმა უნდა, ორივე პროექტი იქნება განხორციელებული. მოკლევადიან პროექტს რამდენიმე თვეში დაჩქარებული წესით განვახორციელებთ, ხოლო გრძელვადიან პროექტს რაც შეეხება, ძალიან მჭიდრო თანამშრომლობა მიმდინარეობს საერთაშორისო საფინანსო ორგანიზაცია „აზიის განვითარების ბანკთან“,  განაცხადა კალაძემ.


თეგები:
მეტრო



უკრაინის პრეზიდენტი ვოლოდიმირ ზელენსკი TIME - მა წლის ადამიანად დაასახელა

უკრაინის პრეზიდენტი ვოლოდიმირ ზელენსკი TIME - მა  წლის ადამიანად დაასახელა
access_time2022-12-07 17:19:11
უკრაინის პრეზიდენტი ვოლოდიმირ ზელენსკი ჟურნალმა TIME-მა წლისადამიანად დაასახელა. 44 წლის, ყოფილი კომიკოსი, მსახიობი, მწერალი და პროდიუსერი, უკრაინის პრეზიდენტის პოსტს  2019 წლიდან იკავებს.   მანამდე...

ევროკავშირი გაზის ზღვრულ ფასად 220 ევროს განიხილავს

ევროკავშირი გაზის ზღვრულ ფასად 220 ევროს განიხილავს
access_time2022-12-07 17:45:28
ევროკავშირის ქვეყნები გაზის ზღვრული ფასის 220 ევრომდე (231 დოლარამდე) შემცირებას განიხილავენ. ინფორმაციას Reuters ავრცელებს.   ევროკავშირის თავმჯდომარე ქვეყნის, ჩეხეთის წინადადებით, თუ ხუთი დღის განმავლობაში გაზის საფასური 1 მგვტ/სთ-ზე 220 ევროს (1000 მ³-ზე 2 321 ევროს) გადააჭარბებს, ფასზე ლიმიტი უნდა დაწესდეს. სააგენტოს ცნობით, ინიციატივა წევრი ქვეყნების შეხვედრიდან ერთი კვირით ადრე გაჩნდა, რომელზეც ბლოკი შეთანხმების მიღწევას იმედოვნებს, რადგან „საკითხმა 27 წევრი...

განახლდება თუ არა რუსეთზე ფრენა - საჰაერო ტრანსპორტის საერთაშორისო ასოციაცია მოწოდებით გამოდის

განახლდება თუ არა რუსეთზე ფრენა - საჰაერო ტრანსპორტის საერთაშორისო ასოციაცია მოწოდებით გამოდის
access_time2022-12-07 18:00:32
დასავლეთმა უნდა გადახედოს საკუთარ შეხედულებებს და რუსეთის საჰაერო სივრცის გავლით ფრენების განახლებას შეეცადოს. ამის შესახებ საჰაერო ტრანსპორტის საერთაშორისო ასოციაციის (IATA) გენერალურმა დირექტორმა უილიამ უოლშმა ჟენევაში გამართულ კონფერენციაზე განაცხადა, იუწყება The Telegraph. 2023 წელს ჩინეთმა შესაძლოა შეამსუბუქოს ანტიკორონავირუსული შეზღუდვები, თქვა უოლშმა, რაც ჩინურ ავიაკომპანიებს British Airways-თან შედარებით ანიჭებს უპირატესობას, რომლის ფრენები შეიძლება საათობით გახანგრძლივდეს...

ლარის კურსი დოლართან 0.41 თეთრით, ევროსთან კი 0.48 თეთრით გამყარდა

ლარის კურსი დოლართან 0.41 თეთრით, ევროსთან კი 0.48 თეთრით გამყარდა
access_time2022-12-07 17:05:23
7 დეკემბრის ვაჭრობის შედეგად, საქართველოს ეროვნული ვალუტა აშშ დოლართან მიმართებით 0.41 თეთრით გამყარდა, შედეგად ერთი დოლარის ოფიციალური ღირებულება 2.6902 ლარი გახდა. სებ-ის ცნობით, ეროვნული ვალუტა ევროსთან მიმართებით 0.48 თეთრით გამყარდა, შედეგად ერთი ევროს ოფიციალური ღირებულება 2.8239 ლარი გახდა. Bloomberg-ის სავაჭრო სისტემაში კი ლარით და რეგიონალური ვალუტებით ვაჭრობა დღის განმავლობაში მცირედი ცვლილებებით გამოირჩეოდა. ქართული ლარის კურსი Bloomberg-ზე კი დილიდან...

საპენსიო სააგენტოს აქტივებმა $1 მილიარდ დოლარს გადააჭარბა

საპენსიო სააგენტოს აქტივებმა $1 მილიარდ დოლარს გადააჭარბა
access_time2022-12-07 16:47:23
საქართველოს სახელმწიფო საპენსიო ფონდის მოცულობა ამჟამად 2.87 მილიარდ ლარს აღწევს. ბოლო ორი თვეა საპენსიო ფონდის მოცულობა როგორც დოლარში, ასევე ევროში ერთ მილიარდს აჭარბებს.   სახელმწიფო საპენსიო ფონდის აქტივების 81% ლარში, 19% კი უცხოურ ვალუტაშია განთავსებული. უფრო დეტალურად, პორტფელის განაწილება ასეთია:   საპენსიო აქტივები განაწილებულია სხვადასხვა ქართულ კომერციულ ბანკში, საქართველოს და უცხოურ სახაზინო ფასიან ქაღალდებსა და საერთაშორისო აქციებში....


მსგავსი სიახლეები

up