მეტროს ვაგონების მოდერნიზაციაში გადახდილ თანხებთან დაკავშირებით აუდიტის სამსახურს კითხვები აქვს

მეტროს ვაგონების მოდერნიზაციაში გადახდილ თანხებთან დაკავშირებით აუდიტის სამსახურს კითხვები აქვს

access_time2020-02-12 10:00:43

2017 წელს თბილისის მერიამ მეტროს 16 ვაგონის კაპიტალური რემონტი და 2 ვაგონის სრული მოდერნიზაცია განახორციელა. კერძოდ, „თბილისის სატრანსპორტო კომპანიამ“ 2017-2018 წლებში ჩაატარა მოდერნიზაციის სამუშაოების 7 ტენდერი, ღირებულებით − 46.9 მლნ ლარი. განხორციელებულ სამუშაოებთან დაკავშირებით კითხვის ნიშნები აქვს სახელმწიფო აუდიტის სამსახურს. მათი ინფორმაციით ყველა ტენდერში მონაწილეობდა მხოლოდ ერთი პრეტენდენტი – სს „ელექტრომოძრავი შემადგენლობის სარემონტო ქარხნის თბილისის ფილიალი“, რომელიც ძირითადად, ტენდერის საწყისი ღირებულების ტოლი შეთავაზებით იმარჯვებდა.

 

აღნიშნული შესყიდვების მოქმედ კანონმდებლობასთან შესაბამისობის შესწავლის მიზნით, აუდიტის ჯგუფმა დაგეგმა შესყიდვის ობიექტის ფასწარმოქმნის ადეკვატურობის შეფასება, კერძოდ, მიმწოდებლის მიერ ზენორმატიული მოგების მიღების შესაძლებლობის განსაზღვრა. შეუსაბამობის შესაძლო ფაქტების გამოსავლენად, აუდიტის ჯგუფმა კომპანიას საწყის ეტაპზე მოსთხოვა სს-ის მონაცემების წარმოდგენა დივიდენდებისა და დასაქმებულთა შრომის ანაზღაურების შესახებ. შემდგომ ეტაპზე დაგეგმილი იყო დამატებით სხვა ფინანსური ხასიათის დოკუმენტაციის შესწავლაც. კომპანიამ აუდიტის მიმდინარეობის პერიოდში მოთხოვნილი ინფორმაცია ვერ წარმოადგინა.

 

მოდერნიზაციის სამუშაოების ფასწარმოქმნის ადეკვატურობის სამუშაოების დოკუმენტებთან წვდომის შეზღუდვის გამო, აუდიტის ჯგუფმა ვერ მოიპოვა საკმარისი და შესაფერისი მტკიცებები დასკვნის გამოსატანად რამდენად შესაბამისია მეტროს ვაგონების მოდერნიზაციაში გადახდილი თანხები მიწოდებული სამუშაოების ღირებულებასთან მოქმედი კანონმდებლობასთან.

 


„კომერსანტი“ დაინტერესდა გაუჩნდა თუ არა კითხვები თბილისის სატრანსპორტო კომპანიის გენერალური დირექტორს გიორგი შარკოვს, რომელიც ამავდროულად მიმწოდებელი და  სააქციო საზოგადოება „ელექტრომოძრავი შემადგენლობის სარემონტო ქარხნის“ სამეთვალყურეო საბჭოს თავმჯდომარეა. როგორც ცნობილია, თბილისის სატრანსპორტო კომპანია ქარხნის აქციათა პაკეტში 50%  წილს ფლობს.

 

„ჩვენი ყველა ტენდერი არის სახელმწიფო შესყიდვების კანონის შესაბამისად გამოცხადებული, ტარდება წინასწარი ბაზრის კვლევები და  კვლევების შედეგად დგინდება ფასიც და სხვადასხვა პირობები. ყველა დაინტერესებულ პირს ჰქონდა მონაწილეობის უფლება და საშუალება. ჩემთვის გაურკვეველია, რომ  აუდიტმა პროცესები არა გამჭვირვალედ მიიჩნია. აუდიტის მიმდინარეობის პერიოდში მივმართეთ ლევან სამხარაულის სახელობის სასამართლო ექსპერტიზის ეროვნულ ბიუროს. მათაც კი უჭირთ ამ მიმართულებით ფასების დადგენა, რადგან არ ჰყავთ სპეციალისტები. “, -  განმარტავს გიორგი შარკოვი.


მისი  თქმით, ის ფაქტი, რომ ყველა ტენდერში მონაწილეობდა მხოლოდ ერთი პრეტენდენტი, განპირობებულია სპეციალიზირებული კომპანიების დეფიციტით. მისივე განმარტებით, მათი მცდელობის მიუხედავად ტენდერები ამ მიმართულებით უცხოური კომპანიებისთვის საინტერესო არ არის.

 

„სამწუხაროდ ის სამუშაოები,რომელიც გულისხმობს ელექტრო ვაგონების რეაბილიტაციას საქართველოში შესაბამისი ტექნიკური თუ სხვა რესურსების გამოყენების გარეშე შეუძლებელია. ჩვენ ბაზრის კვლევის სტადიაზე მივმართავთ როგორც ადგილობრივ, (ამ შემთხვევაში ერთი სპეციალიზირებული ქარხანაა) ასევე უცხოეთში ამ მიმართულებით მომუშავე სპეციალიზირებულ კომპანიებს. სამწუხაროდ, უცხოური კომპანიები არ გამოთქვამენ სურვილს და მზად ყოფნას მიიღონ ტენდერებში მონაწილეობა. ამ ფონზე ვაცხადებთ ტენდერებს, იგებს კომპანია, რომელიც დაინტერესებულია. მესმის რომ ერთი კომპანიაა, მაგრამ ეს არ არის უბრალო სარეაბილიტაციო სამუშაოები. ეს არის სპეციალიზირებული სამუშოები, მასში მონაწილეობას ღებულობს ის კომპანია, რომელსაც საკითხში გამოცდილება აქვს“ - განაცხადა გიორგი შარკოვი.

 

 ბაჩო ადამია




აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-23 21:00:15
დღის Top 10 საინტერესო ამბავი:   1. თბილისს ხვალიდან 126 ახალი ავტობუსი მოემსახურება მუნიციპალური ავტოპარკის განახლების პროექტის ფარგლებში, თბილისის სატრანსპორტო კომპანიამ, ევროპის რეკონსტრუქციისა და განვითარების ბანკის (EBRD) ხელშეწყობით, 226 ერთეული 12-მეტრიანი, კომპრესირებულ ბუნებრივ აირზე (CNG) მომუშავე, EURO 6-ის სტანდარტის ავტობუსი შეისყიდა. მათი ნაწილი...

23 ოქტომბერი - რეგიონში ყველა ვალუტა გაუფასურდა

23 ოქტომბერი - რეგიონში ყველა ვალუტა გაუფასურდა
access_time2020-10-23 18:15:38
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 23 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.2202 ლარი...


მსგავსი სიახლეები

up