„მეტრა პარკის“ მობინადრეები: „მეტრა დეველოპმენტის“ განცხადება მორიგი სამარცხვინო   ტყუილი და საზოგადოების დეზინფორმირებაა “

„მეტრა პარკის“ მობინადრეები: „მეტრა დეველოპმენტის“ განცხადება მორიგი სამარცხვინო ტყუილი და საზოგადოების დეზინფორმირებაა “

access_time2019-03-15 18:30:53


„მეტრა პარკის“ მობინადრეებსა და დეველოპერულ კომპანია „მეტრა დეველოპმენტს“ შორის მიმდინარე დავა მძაფრდება. მობინადრების მიერ გუშინ თბილისის მერის სახელზე გავრცელებულ ღია წერილს მშენებელი კომპანიის საპასუხო წერილის  გავრცელება მოჰყვა. პასუხის პასუხად „მეტრა პარკის“ მობინადრეებმა მორიგი განცხადება გაავრცელეს და დეველოპერი, მერია და საკითხით დაინტერესებული ნებისმიერი პირი, საკითხში რეალურად გასარკვევად, საკუთრივ იმ ტერიტორიაზე მოიწვიეს, სადაც დეველოპერი სამი მრავალსართულიანი კორპუსის აგებას გეგმავს.


მეტრა პარკის მობინადრეების განცხადებას უცვლელად გთავაზობთ:


„მიმდინარე წლის 14 მარტს შპს „მეტრა დეველოპმენტის“ მიერ მედიაში გავრცელებულ წერილთან დაკავშირებით მეტრა პარკის მობინადრეები ვაცხადებთ:


„მეტრა დეველოპმენტი“ გადავიდა აბსოლუტურად ბინძურ თამაშის წესებზე, მობინადრეების მიერ გაჟღერებული სამართლებრივად გამყარებულ რეალურ ფაქტებისა და არგუმენტაციაზე პროფესიონალური პასუხის გაცემის ნაცვლად, პროცესი გადაჰყავს სხვა ჭრილში, ცდილობს დააკნინოს პროტესტის მასშტაბურობა, აკეთებს პერსონიფიცირებას და იმის წარმოჩენას, რომ ეს არის რამოდენიმე მაცხოვრებლის „ახირება“, რომელთაც, „შესაძლოა“, გააჩნიათ ვიწრო საეჭვო ინტერესები.



ჩვენ გვესმის, რომ ეს არის მათ ხელში დარჩენილი ერთადერთი იაფფასიანი მცდელობა, ბინძური პიარ-ტექნოლოგიით წარმართონ საზოგადოების ყურადღება სხვა მიმართულებით. თუმცა ჩვენ, მეტრაპარკის ათეულობით მობინადრეს, გვსურს საზოგადოებას კიდევ ერთხელ დავუფიქსიროთ ის, რაც ცალსახად და მკაფიოდ არაერთხელ გვითქვამს საჯარო განცხადებებსა თუ ოფიციალურ მიმართვებში - ჩვენს ერთადერთ და კანონიერ ინტერესს წარმოადგენს საკუთარი უფლებების და ინტერესების, მათ შორის საკუთარი ოჯახების უსაფრთხოების დაცვა, რაც გულისხმობს მეწყერსაშიშ და გამწვანებულ ტერიტორიაზე მასშტაბური მშენებლობის კანონიერი გზებით არდაშვებას.


„ჩვენ არაფერი არ გვეჩვენება და არაფერს არ ვიგონებთ, სამწუხაროდ ეს მწარე რეალობა დეველოპერმა შეგვიქმნა, როდესაც ჩვენი საცხოვრებელი სახლებიდან 10-იოდე მეტრის მოშორებით კლდოვან გამწვანებულ ფერდობზე დაგეგმა 3 მრავალსართულიანი კორპუსის მშენებლობა და ამის თაობაზე მობინადრეთა ინფორმიერება არ მოუხდენია.


მეტიც - მწვანე და უსაფრთხო გარემოზე აქცენტით გაყიდა მრავალი ბინა და ამის შემდეგ ამ გარემოს უქმნის ახალი მშენებლობით საფრთხეს.


„ჩვენ, მოსახლეობა საჯაროდ ვაცხადებთ და ვიწვევთ დეველოპერული კომპანიის ხელმძღვანელობას და ასევე თბილისის მერიის და მედიის წარმომადგენლებს ერთობლივ შეხვედრაზე მოსახლეობასთან, წინასწარ შეთანხმებულ დროს სამშენებლო ტერიტორიაზე, რათა ყველამ ნახოს თუ სადაა რეალურად დაგეგმილი ეს მშენებლობა, რამდენად მასშტაბური რისკების მატარებელია და რამდენი მოსახლე აპროტესტებს ამ უსამართლობას.


ადგილზე გაგაცნობთ ყველა დოკუმენტს და ფაქტობრივ გარემოებას, რომელიც უამრავ ეჭვს და კითხვის ნიშანს ბადებს პროცესის სამართლიანობაში. მზად ვართ გესაუბროთ მხოლოდ ცხადი ფაქტებით და დოკუმენტების საფუძველზე.


იმ შემთხვევაში, თუკი მეტრა დეველოპმენტი კიდევ ერთხელ გააჟღერებს მოტყუებული მოსახლეობის მიმართ შეურცხმყოფელ და ცილისმწამებლურ განცხადებებს, უფლებას ვიტოვებთ, ვიმოქმედოთ კანონის შესაბამისად, დავიცვათ საკუთარი უფლებები და რეპუტაცია სამართლებრივი გზის გამოყენებით“, - ნათქვამია „მეტრა პარკის“ მობინადრეების მიერ გავრცელებულ განცხადებაში.






3 კომპანია საქართველოში, რომელიც 4-დღიან სამუშაო კვირაზე გადავიდა

3 კომპანია საქართველოში, რომელიც 4-დღიან სამუშაო კვირაზე გადავიდა
access_time2020-01-27 18:45:28
2019 წელს უმსხვილესმა ამერიკულმა კომპანიამ Microsoft ჩაატარა ექსპერიმენტი, რომლის მიხედვითაც კომპანიაში დასაქმებულებისთვის 4-დღიანი სამუშაო კვირა დააწესდა. კვლევის დასრულების შემდეგ აღმოჩნდა, რომ Microsoft-ის ახალი ინიციატივის შედეგად, დასაქმებულების პროდუქტიულობა 40%-ით გაიზარდა. Microsoft-ის შემდეგ ანალოგიური სამუშაო გრაფიკი სხვა საერთაშორისო კომპანიებმაც...

ახალი მოთამაშე იურიდიულ სფეროში - „კარდინალი“ - განსხვავებული მიდგომა ბიზნესებისა და ფიზიკური პირებისთვის

ახალი მოთამაშე იურიდიულ სფეროში - „კარდინალი“ - განსხვავებული მიდგომა ბიზნესებისა და ფიზიკური პირებისთვის
access_time2020-01-27 17:30:14
 „კარდინალი“ 30-მდე გამოცდილი და კვალიფიციური იურისტისგან დაკომპლექტებული იურიდიული კომპანიაა. მათი დამოუკიდებელი სამუშაო გამოცდილება საქართველოში 5-10 წლამდე ითვლის. „კარდინალის“ იურიდიული მომსახურების სფეროებს წარმოადგენს: საკონსულტაციო, სარეკომენდაციო (ზეპირსიტყვიერი) მომსახურება, იურიდიული აუდიტი, სასამართლო საარბიტრაჟო დოკუმენტაციის მომზადება და წარმომადგენლობა, კლიენტის ინტერესების შესაბამისად სახელმწიფო, იურიდიულ და ფიზიკურ პირებთან მოლაპარაკებების წარმოება,...

ჩინეთის სახალხო რესპუბლიკიდან ცოცხალი ცხოველების იმპორტი აიკრძალა

ჩინეთის სახალხო რესპუბლიკიდან ცოცხალი ცხოველების  იმპორტი აიკრძალა
access_time2020-01-27 17:35:38
საქართველოს ტერიტორიაზე, კორონავირუსის ახალი ტიპის (2019-nCoV) შემოტანის და გავრცელების თავიდან აცილების მიზნით, ჩინეთის სახალხო რესპუბლიკიდან ცოცხალი ცხოველების იმპორტი აიკრძალა. აკრძალვა ძალაშია ჯანმრთელობის მსოფლიო ორგანიზაციის (WHO) და ცხოველთა ჯანმრთელობის დაცვის საერთაშორისო ორგანიზაციის (OIE) მიერ ჩინეთის სახალხო რესპუბლიკის კორონავირუსიდან თავისუფალ ზონად გამოცხადებამდე. გადაწყვეტილების საფუძველი გახდა ჩინეთის სახალხო რესპუბლიკის სოფლის...

რესტორანი, აუზი, საუნა და საოფისე ფართები - როგორი იქნება ეკონომიკის სამინისტროს ყოფილ შენობაში “ჰუალინგის” სასტუმრო

რესტორანი, აუზი, საუნა და საოფისე ფართები - როგორი იქნება ეკონომიკის სამინისტროს ყოფილ შენობაში “ჰუალინგის” სასტუმრო
access_time2020-01-27 15:50:44
თბილისში, ჭანტურიას ქუჩაზე, ეკონომიკის სამინისტროს ყოფილ შენობაში სასტუმროს მშენებლობა დაიწყო. თბილისის მუნიციპალიტეტის არქიტექტურის სამსახურისგან მშენებლობის ნებართვა ინვესტორმა გასული წლის 23 აგვისტოს მიიღო.   შეგახსენებთ, რომ სახელმწიფო ქონების ეროვნული სააგენტოსა და „Hualing international special economic zone“-ს შორის 2015 წლის 21 ივლისს გაფორმებულ...

„ქართული წისქვილკომბინატები რუხ ფქვილს არ აწარმოებენ“

„ქართული წისქვილკომბინატები რუხ ფქვილს არ აწარმოებენ“
access_time2020-01-27 14:53:58
საქართველოში პურის ხარისხთან დაკავშირებით კითხვები მუდმივად არსებობს, რასაც ობიექტური მიზეზებიც აქვს. თუ გავითვალისწინებთ, რომ ქვეყანაში პურის ხარისხის კონტროლი, პრაქტიკულად არავის ევალება. ამ მიმართულებით მთავარი და უკვე ტრადიციად ქცეული კითხვაა, იღებება თუ არა პური საქართველოში. საქმე ეხება ჭვავის და ეგრეთ წოდებულ შავ პურს, რომელიც როგორც წესი ჭვავის, რუხი ფქვილისგან უნდა მზადდებოდეს. თუმცა,...


მსგავსი სიახლეები

up