„მეტრა პარკის“ მობინადრეები კახა კალაძეს ღია წერილით მიმართავენ და „მეტრა დეველოპმენტისთვის“ ახალი სამშენებლო ნებართვის გაცემაზე უარის თქმისკენ მოუწოდებენ

„მეტრა პარკის“ მობინადრეები კახა კალაძეს ღია წერილით მიმართავენ და „მეტრა დეველოპმენტისთვის“ ახალი სამშენებლო ნებართვის გაცემაზე უარის თქმისკენ მოუწოდებენ

access_time2019-03-14 16:30:23



„მეტრა პარკის“ მობინადრეებმა, რომლებიც მათი საცხოვრეელის უშუალო სიახლოვეს ახალი მასშტაბური მშენებლობის შესაძლო დაწყებას აპროტესტებენ, თბილისის მერს ღია წერილით მიმართეს და საკითხის პირად კონტროლზე აყვანა სთხოვეს. ღია წერილს უცვლელად გთავაზობთ:



„ბატონო კახა, ღია წერილის ფორმატით თქვენდამი მომართვა გადავწყვიტეთ, რამდენადაც ჩვენი მხრიდან მერიის შესაბამის სამსახურებთან კონსტრუქციული ურთიერთობის არაერთგზის მცდელობა ყოველ ჯერზე, პრაქტიკულად, უშედეგოდ სრულდება. მიუხედავად ოფიციალური დაპირებებისა, რომ აუცილებლად ჩაგვრთავენ საკითხის განხილვის პროცესში, მსგავსი რამ არ მომხდარა.


საკითხი კი არის ის, რომ ბოლო ერთი წლის განმავლობაში, არაერთგზის მოგმართეთ თქვენ და ასევე თბილისის მერიის შესაბამის სამსახურებს ოფიციალური წერილებით, რომლებშიც გამოვხატავდით ჩვენს საფუძვლიან შეშფოთებას და მივუთითებდით იმ რეალურ საფრთხეებზე, რაც გამოწვეულია შპს „მეტრა დეველოპმენტის“ განზრახვით, ააშენოს ახალი მრავალსართულიანი კორპუსები უკვე არსებული განაშენიანების უშუალოდ მიმდებარედ.



უნდა იცოდეთ, რომ მშენებლობის ნებართვის მისაღებად დეველოპერი ყველა ხერხს და ღონეს მიმართავს და მერიის სამსახურები ხშირად შეცდომაშიც შეჰყავს წარდგენილი შეუსაბამო და არასწორი დოკუმენტაციით.




ახალი მასშტაბური მშენებლობა დეველოპერს განზრახული აქვს მიწის ნაკვეთზე (საკ.კოდი: 01.14.08.001.088), რომელიც კომპლექის არსებული საცხოვრებელი სახლებიდან 10-ოდე მეტრის რადიუსში მდებარეობს, მკვეთრად დახრილ კლდის ფერდობზეა და დაფარულია 200-მდე ხე-ნარგავით (მათ შორისაა კავკასიური მუხა, ელდარის ფიჭვები და სხვა).
აღნიშნული ადგილი წარმოადგენს ბუნებრივად არსებულ, თვისობრივად სატყეო ზონისთვის შესაბამის ლანდშაფტს. ყოვლად დაუშვებელია ამ კლდის მასივის მასიური ჭრა-ნგრევა, რაც სამშენებლო მიზნებისთვის 15 მეტრის სიღრმეზე უნდა განხორციელდეს და დაახლოებით 3,000 კვ.მ კლდის მასივი უნდა მოიცვას, რასაც მასზე განთავსებული ბუნებრივი ლანდშაფტი სრულად შეეწირება.



ყველანი თვალნათლივ ვხედავთ, ბოლო პერიოდში თბილისში მრავალსართულიანი კორპუსების მშენებლობისთვის შეუსაბამო კლდის ჭრის პროცესები რა სავალალო შედეგებითაც სრულდება. ჩვენ, შეშფოთებული და დეველოპერისაგან მოტყუებული მოსახლეობა, რომელსაც დეველოპერი უსაფრთხო და გამწვანებულ გარემოში ცხოვრებას პირდებოდა, ყველა არსებულ კანონიერ ხერხს და ღონეს მივმართავთ საკუთარი ინტერესების და უსაფრთხოების დასაცავად.



ბატონო კახა, თქვენ საჯაროდ აცხადებთ, რომ თბილისისთვის დღეს პრიორიტეტულია ქალაქში არსებული გამწვანებული ტერიტორიების მაქსიმალურად შენარჩუნება, სამომავლო განვითარების სწორი სტრატეგიის ჩამოყალიბება და შესაბამისი სამშენებლო პოლიტიკა. დიდწილად თქვენი გაჟღერებული ჯანსაღი ხედვის შედეგია, რომ ქალაქის მოსახლეობამ ნდობა გამოგიცხადათ.



უმორჩილესად გთხოვთ, პირად კონტროლზე აიყვანოთ ზემოხსენებული საკითხი, გაითვალისწინოთ დეველოპერული კომპანიისგან მოტყუებული მოსახლეობის ინტერესები და საფრთხეები და უარი უთხრათ „მეტრა დეველოპმენტს“ ქალაქისთვის შეუსაბამო და მაღალი საფრთხის შემცველი მრავალსართულიანი კორპუსების მშენებლობაზე, რომელიც, არსებული რეალურობიდან გამომდინარე, შინაარსობრივად სამშენებლო ვანდალიზმად შეიძლება შეფასდეს,“ - ნათქვამია „მეტრა პარკის“ მობინადრეების მიერ კახა კალაძის მისამართით გავრცელებულ ღია წერილში, რომელსაც ხელს „მეტრა პარკის“ 50-მდე მობინადრე აწერს.





სხვებმაც ასეთ დროს “კახას“ რომ დავუძახოთ, გირაოთი გამოგვიშვებენ?

სხვებმაც ასეთ დროს “კახას“ რომ დავუძახოთ, გირაოთი გამოგვიშვებენ?
access_time2019-04-24 20:43:09
ნარკოდანაშაულის ბრალდებით ( სს კოდექსის 260-ე მუხლის პირველი ნაწილი) დაკავებული მსახიობის ლევან ჯიბღაშვილის სასამართლო დარბაზიდან გათავისუფლებას საზოგადოებაში და სოციალურ ქსელებში დიდი გამოხმაურება და არაერთგვაროვანი შეფასება მოჰყვა. ამ თემასთან...

თანამედროვე ირანი: ამბოხის და პროტესტის ზღვარზე

თანამედროვე ირანი: ამბოხის და პროტესტის ზღვარზე
access_time2019-04-24 22:00:40
დღევანდელი ირანელები არიან სპარსების პირდაპირი შთამომავლები და მათი სახელმწიფოებრიობა  თითქმის 5000 წელს ითვლის. ათასწლეულობით ჩამოყალიბებული ცხოვრების წესის და ძველი ტრადიციების ერთგულება ირანში ჩანს ისე, როგორც არსად. თუმცა,  მოსახლეობის სხვადასხვა ფენებში და განსხვავებულ ასაკობრივ ჯგუფებში ეს გავლენა განსხვავებულია. საქმიანი ადამიანები, ინტელიგენცია, სტუდენტობა და ახალგაზრდობა ემხრობა ცხოვრების თანამედროვე წესს. მეტიც,...

„ძალიან ბევრ მსახიობს უჭირს, ძლივს გააქვთ თავი კი არა, უბრალოდ არაფრის საშუალება არ აქვთ“ - მსახიობები დავით დარჩიას განცხადებას აფასებენ

„ძალიან ბევრ მსახიობს უჭირს, ძლივს გააქვთ თავი კი არა, უბრალოდ არაფრის საშუალება არ აქვთ“ - მსახიობები დავით დარჩიას განცხადებას აფასებენ
access_time2019-04-24 19:30:12
დავით დარჩიას...

m²-ს სასტუმროების ქსელის განვითარების მიმართულებით ამბიციური გეგმები აქვს

m²-ს სასტუმროების ქსელის განვითარების მიმართულებით ამბიციური გეგმები აქვს
access_time2019-04-24 15:00:23
m²-ს სასტუმროების ქსელის განვითარების მიმართულებით ამბიციური გეგმები აქვს.ამ ეტაპზე, საქართველოს მასშტაბით, 10 სასტუმროს გახსნა იგეგმება, რომლებიც,საერთო ჯამში,1.000-ზე მეტ ნომერს გააერთიანებს. ამასთანავე, გაცნობებთ, რომ „m² უძრავი ქონების“ პირველისასტუმრო „რამადა ენკორ თბილისი“ 2018 წელს გაიხსნა და ალექსანდრე ყაზბეგის №15-ში...

„კომერსანტის„ ექსკლუზივი - სასტუმრო შერატონ მეტეხი პალასის ბოლო, მეათე სართულზე რესტორანი “ათი“ იხსნება

„კომერსანტის„  ექსკლუზივი - სასტუმრო შერატონ მეტეხი პალასის ბოლო, მეათე სართულზე რესტორანი “ათი“ იხსნება
access_time2019-04-24 15:30:47
„კომერსანტისთვის „ ექსკლუზიურად გახდა ცნობილი, რომ  2019 წლის ზაფხულში სასტუმრო შერატონ მეტეხი პალასის  მეათე სართულზე რესტორანი ათი იხსნება. რესტორანი როგორც  ტურისტებს, ასევე  ადგილობრივებს სთავაზობს განსაკუთრებულ გარემოს, ხედსა და მენიუს. ჩვენთან საუბრისას სასტუმროს მარკეტინგის მენეჯერმა  ნინო ისაკაძემ...


მსგავსი სიახლეები

up