მესტიის სასტუმროები ფრენების  აღდგენის მოლოდინში

მესტიის სასტუმროები ფრენების აღდგენის მოლოდინში

access_time2020-07-09 12:30:48

15 ივნისიდან საქართველოში შიდა ტურიზმი დაშვებული გახდა,თუმცა  სასტუმროების ნაწილი დამსვენებლის სიმცირეს ან არ არსებობას უჩივის. მესტიის სასტუმროების მეპატრონეები დამსვენებლის  სიმცირეს  შიდა ფრენებთან დაკავშირებულ შეზღუდვას უკავშირებენ, ნაწილი კი ამბობს რომ მესტიას ადრეც ძირითადად უცხოელი ტურისტები სტუმრობდნენ.


როგორც სასტუმრო „ელიტ ჰაუსის“ მეპატრონე არსენ ფალიანი „კომერსანტთან“ საუბარში აცხადებს, მისი სასტუმრო ცარიელია და მესტიაშიც მხოლოდ რამდენიმე დამსვენებელი შეინიშნება.


„ჩემი სასტუმრო ამჟამად თითქმის ცარიელია, ერთი-ორი თუ  ჩამოვა  ქალაქში,  ისიც  „Guest House” -ებში მიდიან. წინა წლებში ძირითადად,  უცხოელი დამსვენებელი გვყავდა, თუმცა,  ქართველებიც  ჩამოდიოდნენ. ჯავშნები  თითქმის  ოქტომბრის  ბოლომდე  მქონდა, ახლა  არც  ერთი არ  არის, მოიხსნა ყველა. უცხოელებს ჩამოსვლის იმედი  აღარ  ჰქონდათ. დღევანდელი მდგომარეობით,  საერთოდ არ მაქვს  ჯავშანი,  ყველაფერი  საზღვრების  გახსნაზე  და ფრენების  აღდგენაზეა დამოკიდებული.“-აღნიშნავს ფალიანი. 


სასტუმროს მეპატრონე  ქართველი დამსვენებლის სიმცირეს შიდა  ფრენების  შეზღუდვასაც უკავშირებს და აღნიშნავს, რომ როცა ფრენებია დამსვენებელიც მეტია, რადგან გზაში ნაკლები დრო ეხარჯებათ.


„ზოგადად  ყველაფერი მოქმედებს, როცა  ფრენებია მეტი ტურისტია, რადგან ძალიან  ხელსაყრელია,  ნაკლები დრო  ეხარჯებათ  გზაში. მესტიაშიც  შეუმჩნეველია დამსვენებელი , დანახვა  რომ  გაგიხარდება  უცხო  სახის ისე ვართ,  მაგრამ ეს  არაფერს არ  ნიშნავს,  მესტიას არ  ეტყობა  რომ აქ  ვინმე  ისვენებს. სიტუაციიდან  გამომდინარე ფასებიც დავაკელით მაგრამ არაფერი მოქმედებს  ჯერჯერობით“-აცხადებს ფალიანი. 



სასტუმრო „პანორამას“ მეპატრონე  მაია  ჩანქსელიანი „კომერსანტთან“ აცხადებს, რომ მისი სასტუმრო ჯერჯერობით ვერ  იხსნება რადგან ჯანდაცვის რეკომენდაციებიდან გამომდინარე ფიზიკურ  პირს ოთახის დამსვენებელზე გაქირავება მხოლოდ იმ შემთხვევაში შეუძლია, თუ იურიდიული პირის სტატუსს მიიღებს.


„ჩვენ  როგორც  ფიზიკური  პირები  ვამუშავებდით და ჩვეულებრივად ვაქირავებდით ოთახს, ახლა ჯანდაცვის ნებართვა რომ ავიღოთ საჭიროა, მივიღოთ იურიდიული პირის სტატუსი , ეს კი  გრძელი პროცესია. მესტიაში შემოსავლების სამსახური არ არის, დისტანციურად  დავრეგისტრირდი იუსტიციის  სახლში, ახლა რეგიონში მომიწევს ჩასვლა რომ სტატუსი  აღვიდგინო“-აღნიშნავს  მაია ჩანქსელიანი.მისი ინფორმაციით, ტურისტების აქტივობა მცირეა. 


 სასტუმრო „ნიკალა მესტიას“ მეპატრონე  ნინო ხოჯელანი აცხადებს, რომ ამ ეტაპზე მხოლოდ ორი  ჯავშანი აქვს, დაბალ აქტივობას კი შიდა ფრენების დაპაუზებას უკავშირებს. „შიდა  ფრენების  ფაქტორიც  მოქმედებს ალბათ, თუმცა, მე  რასაც ვაკვირდები, ივლისის შუა  რიცხვების შემდეგ  მოდიან. სვანეთში  დიდად  ქართველები  არ  მოდიან,  უფრო  უცხოელებზე ვართ დამოკიდებული. თბილისიდან  შორია მაინც  მესტია, ალბათ შიდა ფრენების აღდგენაც იმოქმედებს ქართველ დამსვენებელზე, ბევრი კითხულობს მაგასაც“-აცხადებს ნინო ხოჯელანი.


სასტუმრო  „ნიკალა მესტია“ ჯერჯერობით  ნებართვის  აღებაზე არ ზრუნავს,რადგან მესტიაში დამსვენებელი არ არის და არც არავინ უკავშირდება ნომრის დასაჯავშნად.


„ჯერჯერობით უმოძრაოდ ვარ, ველოდები დეზინფექციისთვის საჭირო მასალებს, ნებართვაც არ მაქვს, განაცხადიც არ მაქვს  გაკეთებული, ფეხს ვითრევ, რადგან დამსვენებლები  ჯერ მაინც  არ არიან, არავინ არ მირეკავს , პანდემიის  მერე  საერთოდ  არ არის  აქტივობა.“


თაკო კვაჭანტირაძე





აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება

აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება
access_time2020-09-24 14:00:38
აჭარის რეგიონში ხვალიდან, რესტორნები 22:00 საათამდე იმუშავებს, ამაზე დაწესდება შეზღუდვა და ასევე საზოგადოებრივი ტრანსპორტი მთლიანად გაჩერდება, გარკვეული დროით, - ამის შესახებ მთავრობის ადმინისტრაციის უფროსმა ნათია მეზვრიშვილმა უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა. მისივე თქმით, აჭარის რეგიონში დღეს არსებული ეპიდვითარებიდან გამომდინარე საჭირო გახდა გარკვეული შეზღუდვების დაწესების აუცილებლობა. „ვსაუბრობდით...

„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა

„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა
access_time2020-09-24 10:15:56
პროექტის „აქტიური ცხოვრება ჩემი სტიქიაა“ ფარგლებში, კომპანია „სოკარის“ მხარდაჭერით, სამშვიდობო მისიებსა და სხვადასხვა საომარ მოქმედებაში დაჭრილი ჯარისკაცებისა და ვეტერანებისთვის, თერჯოლაში, მეღვინეობა „მახარეში“ 8 დღიანი „ბანაკი 2020“ ჩატარდა. 20–ზე მეტმა დაჭრილმა სამხედრო მოსამსახურემ და საქართველოს სხვადასხვა რეგიონში მცხოვრებმა 100–ზე მეტმა შშმ პირმა საკუთარი ძალები 10 სხვადასხვა ინტეგრირებულ სპორტულ–კულტურულ შეჯიბრებაში მოსინჯა. მათ იასპარეზეს ნარდისა და დომინოს ტურნირებში,...

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა
access_time2020-09-24 11:30:45
„კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და დაბალ პროცენტში, ვიდრე ორი კრედიტი და მაღალ პროცენტში,“ - ასე აფასებს ბიზნესმენი და პარტია “პროგრესი და თავისუფლების” დამფუძნებელი კახა ოქრიაშვილი მამუკა ხაზარაძის ინიციატივას საკრედიტო რესურსების გაიაფებასთან დაკავშირებით. ყოფილი ბანკირი და პირველი ქართული ბანკის დამფუძნებელი მამუკა ხაზარაძე პოლიტიკაში წასვლის შემდეგ...

გიორგი გახარია - დღესაც, საქართველო მწვანე ზონად რჩება

გიორგი გახარია - დღესაც, საქართველო მწვანე ზონად რჩება
access_time2020-09-24 11:00:18
მობილობის ზრდის შედეგია ის, რაც დღეს ხდება, განსაკუთრებით აჭარაში, თუმცა ყველას კარგად უნდა გვესმოდეს, რომ ეს იყო აბსოლუტურად პროგნოზირებადი და ჩვენ ამისთვის ვემზადებოდით, -  ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა.   მთავრობის მეთაურმა ქვეყანაში არსებულ ეპიდემიოლოგიურ მდგომარეობაზე ისაუბრა და აღნიშნა, რომ ფიქსირდება ინფიცირების რაოდენობის მკვეთრი ზრდა, თუმცა ეს მოსალოდნელი იყო.   „ჩვენ, ჩვენს...

Financial Times: რუსული ფული ბრიტანულ პოლიტიკაში

Financial Times: რუსული ფული ბრიტანულ პოლიტიკაში
access_time2020-09-23 21:00:36
ბრიტანეთის კონსერვატიული პარტიის ერთ-ერთი უმსხვილესი დონორის მეუღლე  კრემლთან დაკავშირებული რუსი ბიზნესმენისგან დაფინანსებას იღებდა. ეს დონორი - რუსული წარმოშობის ბრიტანეთის მოქალაქე ლუბოვ ჩერნუხინაა, რომლის გვარიც საეჭვოდ ემთხვევა ახლო წარსულში რუსეთის ფინანსთა მინისტრის მოადგილის გვარს.   არსებული ინფორმაციის თანახმად, ეს რუსი მილიარდერია პუტინის კარის ოლიგარქი სულეიმან კერიმოვი, რომელიც ამერიკული სანქციების ქვეშაა.   პირველმა ეჭვები...


მსგავსი სიახლეები

up