მერიის მიერ გამოცხადებულ აუქციონში ამ დრომდე მხოლოდ ერთი პრეტენდენტის განაცხადია შესული

მერიის მიერ გამოცხადებულ აუქციონში ამ დრომდე მხოლოდ ერთი პრეტენდენტის განაცხადია შესული

access_time2019-01-11 11:43:04

მიწისქვეშა და მიწისზედა ტრანსპორტზე, მათ შორის, ლიცენზირებულ თეთრ ტაქსებზე რეკლამის განთავსების ექსკლუზიური უფლების მოსაპოვებლად გამოცხადებული აუქციონის დასრულებამდე 14 დღე დარჩა.


აღსანიშნავია, რომ ამ ეტაპზე აუქციონში მონაწილეობის ინტერესს მხოლოდ ერთი მსურველი გამოხატავს და მანაც, თავისი შეთავაზება 27 დეკემბერს, აუქციონის პირველადი ვადის დასრულების წინა დღეს წარადგინა. არადა თბილისის მერის მოადგილემ, აუქციონის ვადის გახანგრძლივების მიზეზად ის დაასახელა, რომ თითქოსდა აუქციონში მონაწილეობის ინტერესი პირველად ვადაში არავინ გამოხატა.


შეგახსენებთ, რომ თბილისის მერიის ქონების მართვის სააგენტომ მიწისზედა და მიწისქვეშა ტრანსპორტზე რეკლამის 20 წლით ექსკლუზიურად განთავსების უფლებაზე აუქციონი 2018 წლის 19 დეკემბერს გამოაცხადა. თავიდან აუქციონში მონაწილეობისთვის მერიამ კომპანიებს საკმაოდ მოკლე პერიოდი - 9 დღე განუსაზღვრა, საიდანაც ორი დღე უქმე იყო.



მხოლოდ მას შემდეგ, რაც „ბიზნესპრესნიუსმა“ აღნიშნული აუქციონის შესახებ გაავრცელა ინფორმაცია, სფეროს სპეციალისტებმა აუქციონის პირობები გააკრიტიკეს. აუქციონში მონაწილეობისთვის განსაზღვრული მოკლე ვადების გარდა, რა დროშიც სპეციალისტების შეფასებით ვერც ერთი კომპანია ვერ შეძლებდა ბაზრის შესწავლას და შესაბამისად გადაწყვეტილების მიღებას - უღირდა თუ არა ამ აუქციონში მონაწილეობა, სატრანსპორტო სფეროს ექსპერტებს შეკითხვები აქვთ სამხარაულის ექსპერტიზის ბიუროს დასკვნასთან, რომელიც ერთვის აუქციონის პირობებს და სადაც არაფერია ნათქვამი მუნიციპალურ ტრანსპორტზე რეკლამის განთავსების ფასებთან, რაოდენობასთან და სხვა ინფორმაციასთან დაკავშირებით. გარდა ამისა, კითხვებს აჩენს მერიის მხრიდან კერძო კომპანიისთვის რეკლამის ექსკლუზიური უფლების გადაცემის საკმაოდ ხანგრძლივი - 20 წლიანი ვადა და ასეთი ხანგძლივი პერიოდისთვის განსაზღვრული საკმაოდ მცირე საწყისი საპრივატიზებო საფასური - 11 847 124,99 ლარი.


მერიის დაპირებით მუნიციპალური ტრანსპორტის განვითარება მათ უახლოეს პრიორიტეტულ გეგმებში შედის და შესაბამისად ამ სფეროს მიმზიდველობა, მათ შორის რეკლამის განთავსების თვალსაზრისით სულ უფრო გაიზრდება. შესაბამისად, სპეციალისტებისთვის გაუგებარია, რატომ ამბობს თბილისის მერია უარს საკმაოდ დიდ შემოსავლებზე, რომელიც ქალაქმა ამ სფეროდან შესაძლოა უახლოეს წლებში მიიღოს და ამისთვის საჭიროა რეკლამის ექსკლუზიური უფლება კერძო კომპანიას გონივრული ვადით გადასცეს.


bpn.ge





საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. ეროვნული ბანკის მიერ 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...

ყველაზე დიდი ბრუნვის მქონე 10 კომპანია და მათი მფლობელები

ყველაზე დიდი ბრუნვის მქონე 10 კომპანია და მათი მფლობელები
access_time2021-06-14 15:30:31
„კავკასიის ავტოიმპორტი“, „ბეთლაივი“, „ავიატორი“, „სოკარ ჯორჯია გაზი“, „ენერგო-პრო ჯორჯია“, ეს იმ კომპანიების ნაწილია, რომელთაც 2021 წლის I კვარტალში ყველაზე დიდი ბრუნვა ჰქონდათ.   „ბიზნესპრესნიუსი“ ავრცელებს ინფორმაციას, ყველაზე დიდი ბრუნვის მქონე ტოპ-10 კომპანიის შესახებ:   შპს კავკასიის ავტოიმპორტი - სამეწარმეო რეესტრის მიხედვით, კომპანია...


მსგავსი სიახლეები

up