„მერია  ქალაქიდან „სითი პარკის“ გასვლას მომზადებული შეხვდება“

„მერია ქალაქიდან „სითი პარკის“ გასვლას მომზადებული შეხვდება“

access_time2018-03-20 19:09:45

„სითი პარკსა“ და თბილისის მერიას შორის არსებულ დავაზე,  რადიო „კომერსანტის“ ეთერში თბილისის საკრებულოს დეპუტატმა, ფრაქცია ქართული ოცნება-დემოკრატიული საქართველოს“ თავმჯდომარის მოადგილემ,  ვახტანგ შაქარიშვილმა ისაუბრა.როგორც ცნობილია, მერიის გადაწყვეტილებით მიმდინარე წლის 10 აპრილიდან „ სითი პარკთან“არსებული ხელშეკრულება უქმდება.

 

“ჩვენ,  კომპანია “სითი პარკთან”  თანამშრომლობა ჯერ კიდევ აგვისტოს თვეში, მერიის წინა ადმინისტრირების პირობებში დავიწყეთ. კომპანიას შეტყობინების სახით მთავრობის დადგენილება გაეგზავნა, სადაც  კონკრეტულ დარღვევებზე იყო საუბარი, მაგალითად, ინფრასტრუქტურის ნაწილში. ასევე საუბარი იყო იმაზეც, რომ ათასობით ადამიანს უსამართლოდ აჯარიმებდნენ. ამის შესახებ მათ ეცნობათ და კონკრეტულ ვადაში აღნიშნული დარღვევების გამოსწორება დაევალათ. სამწუხაროდ კომპანია ორიენტირებული იყო არა პარკირების სისტემის სწორ ადმინისტრირებასა და მოქალაქეთა უფლებების დაცვაზე, არამედ მეტი შემოსავლის მიღებაზე“,- აღნიშნა ვახტანგ შაქარიშვილმა.


მმართველი გუნდის წევრი ამბობს, რომ როგორც წინა, ასევე დღევანდელმა ადმინისტაციამ ყველაფერი გააკეთა იმისთვის, რომ იურიდიული თვალსაზრისით მართლები ყოფილიყვნენ და სითი პარკისთვის კომპენსაცია არ გადაეხადათ.

 

“ჩვენ ყველა ნაბიჯი სამართლებრივად გადავდგით, რომ დედაქალაქის ბიუჯეტს კომპენსაციის გადახდა არ მოუწიოს. როდესაც კომპანიას რაიმე სამართლებრივი არგუმენტი არ რჩება, ჩვენ ვხედავთ, რომ მათი დამფუძნებლები და  იურისტები პოლიტიკურ განცხადებებს აკეთებენ“,- განაცხადა ვახტანგ შაქარიშვილმა.


შაქარიშვილის განცხადებით,  „სითი პარკის“ მისამართით წლიურად დაახლოებით 5000 საჩივარი იწერებოდა, რომლის 80 პროცენტი მოსახელობის სასარგებლოდ წყდებოდა.


 

“ჯარიმის კომერციალიზაცია დაუშვებელია  და ეს ასე არ უნდა ხდებოდეს. მოქალაქეების სასარგებლოდ გადაწყვეტილი საქმეები კიდევ ერთხელ ადასტურებს, რომ კომპანია ხალხს არკეთილსინდისიერად და უსამართლოდ აჯარიმებდა“,-  აღნიშნა ვახტანგ შაქარიშვილმა.

 

თბილისის საკრებულოს დეპუტატის თქმით, დაჯარიმება ადმინისტრაციული ორგანოს მხრიდან უნდა ხდებოდეს, რათა კომეციული ელემენტები გამოირიცხოს.

 

„დაჯარიმების უფლება უნდა გადაეცეს ადამინსტარციული ორგანოს.  შესაძლებელია ამის „აუთსორსზე“ გამოტანაც და კონკრეტული კომპანიისთვის ჩაბარება. მაგალითად, საგზაო ინფრასტრუქტურის მოწყობა, დახაზვა, ევაკუირება, მაგრამ უმთავრესი ის არის, რომ მუნციპალიტეტი საკუთარი ადმინისტაციული უფლებამოსილების ფარგლებში სამართლიანად მოახდენს დაჯარიმებას“ - განცხადა ვახტანგ შაქარიშვილმა.

 

ვახტანგ შაქარიშვილმა რადიო „კომერსანტის“ ეთერში საპარკინგე ზონების მოწესრიგების სამომავლო გეგმებზეც ისაუბრა. მისი თქმით, თბილისის სატრანსპორტო კომპანია 10 აპრილს მომზადებული შეხვდება იმ გამოწვევებს, რაც ქალაქიდან სითი პარკის გასვლას უკავშირდება.

 

“დედაქალაქის მერიას 10 ლოკაცია აქვს შერჩეული. მათგან რამდენიმემ უკვე ინტერესი გამოიწვია, შესაბამისად, ეს ინფრასტრუქტურა კერძო ინვესტიციის მეშვეობით მოეწყობა და ქალაქს დამატებითი საპარკინგე ადგილები შეემატება. ამასთანავე, ის ადგილები, რომელზეც კომპანია აქამდე მონიშვნას არ აწარმოებდა და გაურკვევლი  იყო, მოწესრიგდება და კეთილმოეწყობა.  ამ ყველაფერთან ერთად, კერძო ინვესტიციებით ქალაქს ახალი საპარკინგე სისტემები შეემატება“,- აღნიშნა ვახტანგ შაქარიშვილმა.

 





კომპანიები და მათი მფლობელები, რომელთა „გაშავებასაც“ მერია ითხოვს

კომპანიები და მათი მფლობელები, რომელთა „გაშავებასაც“ მერია ითხოვს
access_time2020-08-11 17:20:07
თბილისის მერი კახი კალაძე საჯარო გამოსვლებში პირობების ჯეროვნად შეუსრულებლობის გამო „გაშავებით“ არაერთხელ დამუქრებია ტენდერებში გამარჯვებულ სხვადასხვა კომპანიას. „ბიზნესპრესნიუსი“ დაიტერესდა, სატენდერო ხელშეკრულებების დარღვევის გამო რამდენ შემთხვევაში მოითხოვა მერიამ კომპანიის „შავ სიაში“ მოხვედრა. მერიის შესაბამისი სამსახურების მიერ მოწოდებული ინფორმაციიდან ირკვევა, რომ თბილისის მერიამ მიმწოდებლის „შავ სიაში" რეგისტრაციასთან დაკავშირებით სახელმწიფო შესყიდვების სააგენტოს...

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა
access_time2020-08-11 16:10:36
ვლადიმერ პუტინის განცხადებით რუსეთის ჯანდაცვის სამინისტრომ ადამიანებზე ორ თვიანი ტესტირების შემდეგ, მსოფლიოში პირველი კორონავირუსის ვაქცინა დაამტკიცა. რუსეთის მიერ შექმნილი კორონავირუსის საწინააღმდეგო ვაქცინა ვლადიმერ პუტინის შვილმაც გაიკეთა. „ჩემმა ერთ-ერთმა ქალიშვილმა ვაქცინა გაიკეთა, ამ მხრივ, მან პრეპარატის შემოწმების პროცესშიც მიიღო მონაწილეობა“ - აცხადებს რუსეთის პრეზიდენტი. პირველი ვაქცინის შემდეგ პუტინის ქალიშვილს 38 გრადუსი სიცხე დაუფიქსირდა,...

ვითიბი ბანკი ავტო სესხზე განსაკუთრებულ პირობებს სთავაზობს

ვითიბი ბანკი ავტო სესხზე განსაკუთრებულ პირობებს სთავაზობს
access_time2020-08-11 11:00:27
ვითიბი ბანკი, ახალი ავტომობილის შეძენის მსურველებს, განსაკუთრებულ პირობებს სთავაზობს. შეთავაზების ფარგლებში მომხმარებელს შეუძლია ბანკის პარტნიორი ავტო სალონებიდან გამოიყვანოს ავტომობილი, ისარგებლოს სამი წელი, ხოლო შემდეგ დააბრუნოს ყიდვის დროს შეთანხმებულ ფასად. რაც მთავარია 3 წლის შემდეგ (სესხის ვადის ბოლოს) მყიდველს სამი შემოთვაზებული ვარიანტიდან შეუძლია აირჩიოს ერთ-ერთი: დარჩენილი ღირებულების ფასად, ჩააბაროს ავტომობილი ავტო სალონს, რის შედეგადაც იფარება ვალდებულება ბანკის...

რუსი ტურისტების რაოდენობა თურქეთის კურორტებზე 32%-ით გაიზარდა

რუსი ტურისტების რაოდენობა თურქეთის კურორტებზე 32%-ით გაიზარდა
access_time2020-08-11 18:00:56
1 აგვისტოდან რუსეთმა თურქეთის მიმართულებით ავიაფრენები განაახლა და დღეისთვის მოთხოვნამ 2019 წლის ანალოგიური პერიოდს უკვე გადააჭარბა. Аэрофлот-ის ყველაზე მოთხოვნად რეისზე - „მოსკოვი-სტამბოლი“, მგზავრთა ნაკადმა 85%-ს მიაღწია. ავიაკომპანია S7-ში ამბობენ, რომ ბილეთების დაჯავშნა წინმსწრები ტემპებით მიმდინარეობს და სახეზეა გადადებული მოთხოვნის ეფექტი. Aviasales-ის მონაცემებით, 24 ივლისიდან, როდესაც ავიამიმოსვლის აღდგენის შესახებ...

ქართულმა ზეითუნის ზეთმა იმპორტირებულის 22% ჩაანაცვლა

ქართულმა ზეითუნის ზეთმა იმპორტირებულის 22% ჩაანაცვლა
access_time2020-08-11 13:30:04
„საქართველოში წარმოებული ზეითუნის ზეთით იმპორტის 22%-ს ვანაცვლებთ,“ - განუცხადა „ბიზნესპარტნიორს“ „ქართული ზეთისხილის“ დამფუძნებელმა გიორგი სვანიძემ. მისივე განმარტებით, უახლოეს პერიოდში ეს მაჩვენებლები 30%-საც გადააჭარბებს. „წლების წინ, როცა ჩვენ დავიწყეთ საქართველოში ზეთისხილის ბიზნესი. პროდუქტის 100% იმპორტირებული იყო. ეტაპობრივად ჩვენ მოვახერხეთ ბაზრის წილის ათვისება და ამ დროისთვის ეს მაჩვენებელი უკვე 20-22%-ს შეადგენს,“ -...


მსგავსი სიახლეები

up