მერაბ კაკულია: „ინფლაციისა და გაცვლითი კურსის მაჩვენებელი მოსახლეობის სიღარიბის მაჩვენებელზე პირდაპირ მოქმედებს“

მერაბ კაკულია: „ინფლაციისა და გაცვლითი კურსის მაჩვენებელი მოსახლეობის სიღარიბის მაჩვენებელზე პირდაპირ მოქმედებს“

access_time2019-11-11 16:30:56

რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“ ინფლაციისა და ლარის კურსის შესახებ ისაუბრეს. ეროვნული ბანკის ყოფილი ვიცე პრეზიდენტის, მერაბ კაკულიას თქმით, დღესდღეობით, ინფლაციისა და გაცვლითი კურსის მაჩვენებელი პირდაპირ მოქმედებს მოსახლეობის სიღარიბის მაჩვენებელზე.


„წლიურმა ინფლაციის დონემ საკმაოდ მაღალ ნიშნულს მიაღწია, ჩვენს ისტორიაში არაერთხელ ყოფილა ამაზე მეტიც, მაგრამ ბოლო წლებში უკვე შევეჩვიეთ დაბალ და ზომიერ მაჩვენებელს, ინფლაცია თითქოს პროგნოზირებად მოვლენად გადაიქცა ჩვენს ეკონომიკურ სინამდვილეში. 7%-იანი ნიშნული დღევანდელი გადასახედიდან ძალიან მაღალია და ეს კიდევ ადასტურებს იმ გარემოებას,რომ ჩვენი ეკონომიკა იმპორტზე ორიენტირებულია, ასევე ინფლაციის მაჩვენებელზე სამომხმარებლო ფასების ინდექსზე დიდ გავლენას ახდენს გაცვლითი კურსი. ამ ყველაფერში დიდი როლი აქვს სურსათის ინფლაციას, სურსათი დაახლოებით 80-85%-მდე არის იმპორტული, კურსის ცვლილება დაღმავალი მიმართულებით აძვირებს სურსათს. ეს ყველაფერი უშუალოდ და პირდაპირ მოქმედებს ცხოვრების დონეზე, ლარის მსყიდველობითი უნარი მცირდება და შესაბამისად,მოსახლეობის ცხოვრების დონეც მცირდება და მოსახლეობა ღარიბდება,“ - ამბობს კაკულია.


მისი თქმით, რეგულატორის მოლოდინები ინფლაციის მაჩვენებელთან დაკავშირებით პოზიტიური იყო.


„ეროვნული ბანკის ჩარევის ინდიკატორი არის ინფლაციის მიზნობრივი მაჩვენებელი. საშუალოვადიან პერსპექტივაში 3%-იანია ეს მაჩვენებელი. არ არის აუცილებელი ინფლაციის ფაქტობრივი და მიზნობრივი მაჩვენებელი ერთმანეთს დაემთხვეს, ეს შეიძლება მეტი იყოს ან ნაკლები. მაგრამ ისეთი გადახრა, ახლა როგორც არის, ბოლო წლებია არ ყოფილა. აქამდე იმიტომ არ ჩაერია ეროვნული ბანკი,რომ ძირითადი გამოწვევები და მიზეზები ფასების საერთო დონის ზრდისა, იყო აქციზის გადასახადის განაკვეთის ზრდა, ძირითადად, თამბაქოზე. ეროვნული ბანკი თავს ასევე იკავებს ლარიზაციის პოლიტიკის გამო. ლარში დენომინირებული სესხების გაძვირება ამ პოლიტიკის ჩარჩოში არ ჯდება, თუ ინფლაციის მიზნობრივ მაჩვენებელს არ დაემუქრება სერიოზული საფრთხე. ეს კი გამოვლინდა მას შემდეგ, რაც ლარის კურსის ვარდნის შემდგომი ტალღა დაიწყო და მან 1 დოლარში სამ ლარს მიაღწია. ყველა,როგორც ეროვნული ბანკი, ისე კომერციული ბანკების კვლევითი სამსახურები ერთხმად აღიარებენ,რომ ლარის გაცვლითი კურსი იმაზე დაბალია, ვიდრე ფუნდამენტური ფაქტორები განაპირობებენ მას. ეჭვი მეპარება,რომ ფუნდამენტური ფაქტორები ბოლომდე წესრიგშია, მაგრამ ფაქტი ისაა,რომ რეგულატორის მოლოდინი იყო პოზიტიური. დიფერენციაცია სწორია, ლარზე და დოლარზე ერთნაირი განაკვეთი არ უნდა იყოს,მაგრამ არც ასეთი დიდი სხვაობა  უნდა იყოს. ახლა 5%-ითაა შემცირებული, პირველი ეტაპისთვის არაუშავს, 70 მილიონი გამოთავისუფლდა, თუმცა ეს შეიძლება მხოლოდ კრედიტის სახით გაიცეს. მისი გამოთავისუფლება არ ნიშნავს რომ ბაზარზე გამოვა ეს თანხა გასაყიდად. ამ თანხას სჭირდება უტილიზაცია, ფაქტია რომ ლარის კურსის შემდგომი დაღმასვლა შეჩერდა და რაღაც დიაპაზონში მოექცა,“- აღნიშნავს მერაბ კაკულია.



მან ასევე ისაუბრა ლარიზაციის შესახებ და განაცხადა,რომ ამ რეგულაციამ დოლარის მიწოდება შეზღუდა.


„ჩვენი ეკონომიკა უცხოურ ინვესტიციებზეა ორიენტირებული. ინვესტორების სიფრთხილე იზრდება და ისინი ეცდებიან დაცულ აქტივებში განათავსონ თავიანთი რესურსი. მეორე მნიშვნელოვანი მომენტია ლარიზაციის განხორციელება,რომელიც რაოდენობრივ შეზღუდვებს ეხება, ეს  მაინცდამაინც მართებულად არ მიმაჩნია. ამ შეზღუდვამ დოლარის მიწოდება შეზღუდა. შეზღუდვა არამარტო უშუალოდ ამ ლარიზაციის კონტექსტში, არამედ ზოგადად. ყველანაირი შეზღუდვა და რეგულაცია ეკონომიკურ ზრდას ამუხრუჭებს,“ - ამბობს მერაბ კაკულია.


ნათია კეკენაძე 




დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას ახდენს, ქვეყანაში...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

ტრამპი ბაიდენს თითქმის ყველა გამოკითხვაში ჩამორჩება

ტრამპი ბაიდენს თითქმის ყველა გამოკითხვაში ჩამორჩება
access_time2020-07-04 20:00:13
ამერიკის საპრეზიდენტო არჩევნებამდე 5 თვეზე ნაკლები დრო რჩება. რესპუბლიკელი პრეზიდენტი დონალდ ტრამპი კი ეროვნული მასშტაბით ჩატარებულ გამოკითხვებში მნიშვნელოვნად ჩამორჩება მის სავარაუდო მეტოქეს დემოკრატიული პარტიიდან. დემოკრატი ჯო ბაიდენი, შეერთებული შტატების ყოფილი ვიცე-პრეზიდენტი მას ისეთ შტატებშიც კი უსწრებს, რომელიც ტრადიციულად კონსერვატიული არჩევანით იყო ცნობილი. ასეთებია მაგალითად, მისური და ტეხასი. პრეზიდენტს დღეს ფართოდ აკრიტიკებენ პანდემიის ცუდად მართვისთვის. შეერთებული...

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა
access_time2020-07-04 17:30:40
დას­ვე­ნე­ბის სე­ზო­ნი მალე აქ­ტი­ურ ფა­ზა­ში შევა, დამ­სვე­ნე­ბელ­თა დიდი ნა­წი­ლი კი, სა­ქარ­თვე­ლო­ში არ­სე­ბულ კუ­რორ­ტებს შე­არ­ჩევს. სა­ინ­ტე­რე­სოა, წელს სად შე­იძ­ლე­ბა ხა­რის­ხი­ა­ნად დას­ვე­ნე­ბა და მნიშ­ვნე­ლო­ვა­ნი და­ნა­ზო­გე­ბის გა­კე­თე­ბა. რო­მე­ლი სას­ტუმ­რო­ე­ბია ყვე­ლა­ზე მო­თხოვ­ნა­დი და რო­გო­რია მათი ფა­სე­ბი? ამის შე­სა­ხებ  HOTSALE.GE-ს დი­რექ­ტორს თა­თუ­ლი ზა­კა­ლაშ­ვილს...

ნიუ-იორკის უძრავი ქონების ბაზარი ჩამოიშალა

ნიუ-იორკის უძრავი ქონების ბაზარი ჩამოიშალა
access_time2020-07-04 13:00:42
კორონავირუსის გამო შემოღებული 3 თვიანი კარანტინი აშშ-ში უძრავი...


მსგავსი სიახლეები

up