„მეორადი საბურავების გაყიდვის კონკრეტულ ლოკაციებზე აკრძალვა, ელიავას ბაზრობის გადატანას ემსახურება და არა ეკოლოგიაზე და უსაფრთხოებაზე ზრუნვას“

„მეორადი საბურავების გაყიდვის კონკრეტულ ლოკაციებზე აკრძალვა, ელიავას ბაზრობის გადატანას ემსახურება და არა ეკოლოგიაზე და უსაფრთხოებაზე ზრუნვას“

access_time2020-02-05 11:45:38

თბილისის მერია დედაქალაქში მეორადი საბურავებისა და მარტივად აალებადი ფეთქებადი მასალის რეალიზაციის კონტროლს იწყებს. თბილისის ვიცე-მერის ირაკლი ხმალაძის განმარტებით უახლოეს დღეებში საკრებულო იმსჯელებს კონკრეტულ ადგილებზე, რომლებსაც  აკრძალვა შეეხება.


ვიცე-მერის განცხადება გაუგებარია, როგორც მეორადი საბურავებზე მოვაჭრეებისათვის ასევე სპეციალისტებისთვისაც,რადგან კონკრეტულ ადგილებში მეორადი საბურავებით მუშაობის აკრძალვა, არც გარემოს დაცვისკენ მიმართულ  კამპანიის ნაწილად მიაჩნიათ და არც ავტოსაგზაო შემთხვევების შემცირების პრევენციად. 

 

მეტიც,  ავტომობილების ინსპექტირების ცენტრების ასოციაციის პრეზიდენტi დავით მესხიშვილი მიიჩნევს, რომ მერიის განცხადება, სავაჭრო  რეგულაციაა, რომელიც ქალაქის ცენტრში  მეორადი საბურავების გაყიდვას შეზღუდავს. 

 

„განცხადებაში არ არის დაკონკრეტებული  რისკენაა მიმართული კანონი. გარემოს დაცვას უჭერენ მხარს, თუ საგზაო შემთხვევების შემცირებას. ამის გამო ეჭვი მიჩნდება, რომ კონკრეტულად   სფეროს აკრძალვას და რამდენიმე დიდი ბაზრობის ქალაქიდან გადატანას აპირებენ. მეორადი საბურავი საგზაო უსაფრთხოების რისკს ნამდვილად ზრდის და მომხრე ვარ ყველა ავტომობილი ახალი საბურავებით გადაადგილდებოდეს, თუმცა არამგონია მეორადი საბურავი გამონაბოლქვზე მეტად აზიანებდეს გარემოს, რომლის წილიც 72%-ია და ქალაქში გაუსაძლისი მდგომარეობაა ამ მხრივ. ერთ ზონაში მსგავსი საბურავების  აკრძალვას და მეორეში მის გაყიდვას რა სარგებელი აქვს არ ვიცი.  ყველაზე დიდი სავაჭრო ობიექტი ამ მიმართულებით ელიავაა და ვფიქრობ ელიავას დაშლის წინაპირობაა ეს განცხადება. რა მნიშვნელობა აქვს წერეთელზე გაიყიდება თუ ქალაქგარეთ ერთნაირად დააბინძურებს გარემოს. ამიტომ როდესაც განცხადებაში ნახსენებია, რომ კონკრეტული ადგილებიდან საბურავების გაყიდვა აიკრძალებაო, ეს ზუსტი მესიჯია იმისკენ, რომ თავად სფეროსთან აქვთ საქმე და არა გარემოს ან მძღოლების დაცვასთან, “-ამბობს დავით მესხიშვილი.

 

ავტომობილების ინსპექტირების ცენტრების ასოციაციის პრეზიდენტის,  დავით მესხიშვილის თქმით,   გამონაბოლქვზე მეტად რომ მეორადი საბურავები იწვევს ჰაერის დაბინძურებას,  ეს კვლევა  უნდა წარადგინონ და მერიამ შემდეგ იმსჯელოს აკრძალვაზე.


 

საბურავების იმპორტიორი კომპანია „ავტოლაინის“ წარმომადგენელი ნიკო ნიკოლაძე მეორადი საბურავების აკრძალვას ეხმაურება და აცხადებს, რომ იმპორტიორებს, რომლებსაც მეორადი საბურავების  5-6 კონტეინერი აქვთ ჩამოტანილი, ფინანსური პრობლემა შეექმნებათ, რადგან მათ მთავრობამ  გონივრული ვადა არ მისცა. 

 

„ადვილად აალებადია ახალი და ძველი საბურავიც. ძალიან დიდი მნიშვნელობა აქვს როგორ საბურავებს სთავაზობენ მომხმარებელს. ჩინურ ახალ საბურავს ისევ მეორადი ჯობია. თან კონკრეტულ ადგილებში ვაჭრობას კრძალავენ, ეს არის მეორადი საბურავების აკრძალვისკენ მიმართული განცხადება და არა გარემოს დაცვისკენ.“-ამბობს ნიკო ნიკოლაძე.

 

შეგახსენებთ, რომ თბილისში აალებადი ნივთიერებებით და მეორადი საბურავებით ვაჭრობა აიკრძალვის შესახებ განცხადება რამდენიმე დღის წინ დედაქალაქის ვიცე-მერმა, ირაკლი ხმალაძემ ჟურნალისტებს განუცხადა.


ჟურნალისტების კითხვაზე: შეეხება თუ არა აკრძალვა ელიავას ბაზრობის ტერიტორიას? ხმალაძემ განაცხადა, რომ ელიავას ბაზრობასთან დაკავშირებით ერთი ან ორი კვირის განმავლობაში გააკეთებენ განცხადებებს და გააცნობენ საზოგადოებას მათ პოზიციას.


„რაც შეეხება აალებად და გარემოს დამაბინძურებელი საქონლით ეკონომიკურ საქმიანობას, ეს თემა არ ეხება მხოლოდ ელიავას ბაზრობას და ეხება ყველა იმ ადგილს, სადაც ასეთი ტიპის საქონლით ვაჭრობა და გარემოს დაბინძურება, ასევე ნორმალური საცხოვრებლის პირობების დაზიანება ხდება“, – განაცხადა ხმალაძემ.


ნათია ლომიძე






უკონკურენტო საბანკო მოდელი პროკრედიტ ბანკისგან, ვიდეო იდენტიფიკაცია, ფილიალის ალტერნატივად!

უკონკურენტო საბანკო მოდელი პროკრედიტ ბანკისგან,  ვიდეო იდენტიფიკაცია, ფილიალის ალტერნატივად!
access_time2020-03-31 09:55:45
დისტანციური არხებითა და ონლაინ ფილიალით პროკრედიტ ბანკი ციფრული მომსახურების განვითარებას განაგრძობს.მიმდინარე ეტაპზე, კლიენტებისთვის  უსაფრთხო გარემოს შესაქმნელად და  პირისპირ შეხვედრების მინიმუმამდე დაყვანის მიზნით,  ბანკმა მომსახურების დისტანციური მოდელი დანერგა  და ქართულ საბანკო სექტორს უპრეცენდენტო  პროექტი წარუდგინა. საბანკო სერვისებმა ონლაინ...

30 მარტი - ქართული ლარი და სომხური დრამი უმნიშვნელოდ გამყარდა, თურქული ლირა კი გაუფასურდა

30 მარტი - ქართული ლარი და სომხური დრამი უმნიშვნელოდ გამყარდა, თურქული ლირა კი გაუფასურდა
access_time2020-03-30 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდება, სამეზობლოში ვალუტის კურსები ან მცირედით და ეტაპობრივად უფასურდება, ან მყარდება.     ეროვნული ბანკის მიერ გამოქვეყნებული 30 მარტის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის ღირებულებამ 3.2845 ლარი შეადგინა. Bloomberg-ზე დილიდან ვაჭრობა $1/3.2875...

„სებ-ის ინტერვენციას ასეთი დიდი მოცულობის რეფინანსირების სესხების გაცემის ფონზე, აზრი არ აქვს“

„სებ-ის ინტერვენციას ასეთი დიდი მოცულობის რეფინანსირების სესხების გაცემის ფონზე, აზრი არ აქვს“
access_time2020-03-31 10:00:10
გასული ორი კვირის განმავლობაში, ლარის კურსის დასტაბილურების მიზნით საქართველოს ეროვნულმა ბანკმა რეზერვებიდან 100 მილიონი დოლარი გაყიდა, ანუ მიმოქცევიდან  დაახლოებით 350 მილიონი ლარი ამოიღო. თუმცა, ამის პარალელურად  12 მარტიდან 26 მარტის ჩათვლით მიმოქცევაში დამატებით 5 მლრდ. ლარზე მეტი (12 მარტს - 1.7 მილიარდი ლარი; 19 მარტს - 1.850 მილიარდი ლარი; 26 მარტს - 2.420 მილიარდი ლარი) ჩაუშვა ე.წ. რეფინანსირების სესხების სახით. „კომერსანტი“ დაინტერესდა,...

საქართველოს მასშტაბით კარანტინი გამოცხადდა

საქართველოს მასშტაბით კარანტინი გამოცხადდა
access_time2020-03-30 17:10:10
საქართველოს მასშტაბით კარანტინი გამოცხადდა. ამის შესახებ საქართველოს პრემიერ-მინისტრმა, გიორგი გახარიამ მთავრობის ადმინისტრაციაში, ბრიფინგზე განაცხადა. საკარანტინო რეჟიმი ახალი კორონავირუსის გავრცელების საპრევენციო ღონისძიებების ფარგლებში იქნა შემოღებული. „მივიღეთ გადაწყვეტილება საგანგებო მდგომარეობის ფარგლებში ზომების მნიშვნელოვანი გამკაცრების შესახებ. ჩვენ ვაცხადებთ ფაქტობრივად საყოველთაო კარანტინს, რომელიც ხვალ, დილის 08:00 საათიდან დაიწყება“, –...

დააპაუზე უფასოდ - საინიციატივო ჯგუფი, რომელიც პანდემიის დროს მოქალაქეებს იურიდიულ კონსულტაციას უწევს

დააპაუზე უფასოდ - საინიციატივო ჯგუფი, რომელიც პანდემიის დროს მოქალაქეებს იურიდიულ კონსულტაციას უწევს
access_time2020-03-30 17:00:36
„დააპაუზე უფასოდ“ - ამ სახელით ინტერნეტსივრცეში შექმნილი სამართლებრივი სივრცე მიზნად ისახავს კორონავირუსის პანდემიით გამოწვეული პრობლემების სამართლებრივი გზით მოგვარებას. იდეის ავტორი, ადვოკატი მარიკა არევაძე „კომერსანტთან“ აღნიშნავს, რომ რამდენიმე ათეული სხვადასხვა პრობლემის შესახებ იღებენ შეტყობინებას და მათი მხრიდან ხდება ხალხის დაკვალიანება იურიდიული კუთხით, თუ როგორ უნდა მოიქცეს მოქალაქე ფორსმაჟორულ სიტუაციაში იჯარის, სესხების თუ კომუნალურებთან დაკავშირებული გართულებების...


მსგავსი სიახლეები

up