დაცლილი მაღაზიები,დატოვებული სავაჭრო ფართები და ლარის კურსის გაუფასურების გამო გაძვირებული იჯარა-ეს ის რეალობაა, რომლის წინაშეც მცირე სავაჭრო ცენტრები დგანან. მათ შორის ერთ დროს პოპულარული და ხალხმრავალი სავაჭრო ცენტი „ქარვასლა“.
სავაჭრო ცენტრი ძირითადად ბრენდული მაღაზიების ხარჯზე მუშაობს, „კოტონი“, „ბატა“, „ვაიკიკი“ და სხვა მაღაზიები, რომლებიც სავაჭრო ცენტრშია განთავსებული, საკუთარი სეგმენტზე მუშაობენ. არაბრენდულები კი საოფისე ფართებს ძირითადად აღარ ქირაობენ.
მაღაზია „კოტონის“ წარმომადგენელის თქმით, მათთან ის მომხმარებლები მოდიან, ვინც წლების განმავლობაში მათი ბრენდის ერთგულია, გარდა ამისა, აქვთ აუთლეტი რაც მყიდველების რიცხვს აორმაგებს.„ქარვასლას“ წარმომადგენლები „კომერსანტთან“ საუბრობენ, რომ სავაჭრო ცენტრში მეიჯარეები მუდმივად იცვლებიან, თუმცა, ფართები გასაქირავებელი არ რჩებათ.
„შექცევადი პროცესია, მუდმივად მიდიან და მოდიან კლიენტები. შეიძლება დღეს ვიღაცამ იჯარის ან ადგილმდებარეობის გამო დატოვოს სამუშაო ადგილი თუმცა, აუცილებლად მოდის სხვა და ქირაობს ფართს.“-ამბობს „ქარვასლას“ პრესსამსახურის წარმომადგენელი თეონა სიხარულიძე.მისი განცხადებით, იჯარის გადასახადი მათ სავაჭრო ცენტრში წლების განმავლობაში არ შეცვლილა.
„კვადრატული 10 დოლარი ღირდა და ახლაც ესე ღირს თუმცა, ლარის კურსის ცვლილების გამო თავისთავად მოემატა ფასი ფართს.“-აღნიშნავს სიხარულიძე.
სავაჭრი ცენტრ „ქარვასლაში“ მდებარე ქალის ტანსაცმლის მაღაზია „ლეოლას“ მენეჯერი ამობობს, რომ მაღაზიებს გასულ წლებთან შედარებით ნაკლები კლიენტი ჰყავს. მისი განცხადებით, მათი ტანსაცმელი განსაკუთრებულ ზომებზეა გათვლილი, მყიდველიც შესაბამისი სეგმენტის ჰყავთ, რის გამოც საქონლის რეალიზაცია არ უჭირთ.
შეგახსენებთ, რომ „კომერსანტი“ მცირე სავაჭრო ცენტრების მუშაობით მას შემდეგ დაინტერესდა, რაც თბილისში ყოველდღიურად იმატა იმ მაღაზიების რაოდენობამ, რომლებიც მუშაობას აჩერებდნენ. ამის მიზეზი კი გაძვირებული პროდუქცია და შემცირებული მყიდველია.
ნათია ლომიძე