„მეღვინეობა ჩელთმა“  საქართველოს ისტორიაში პირველად გრანდ ოქროს ტიტული მოიპოვა

„მეღვინეობა ჩელთმა“ საქართველოს ისტორიაში პირველად გრანდ ოქროს ტიტული მოიპოვა

access_time2019-04-18 13:30:18

ქართულმა ღვინომ საქართველოს ისტორიაში პირველად გრანდ ოქროს ტიტული მოიპოვა. ჯილდოს მფლობელი „მეღვინეობა ჩელთი“ გახდა. როგორც „კომერსანტს“ მარნის გენერალურმა მენეჯერმა ანდრია მირიანაშვილმა განუცხადა „პროვაინის“ გამოფენაზე მათ მიერ წარდგენილმა ხუთი სხვადასხვა სახეობის ღვინომ უმაღლეს ნომინაციაში გაიმარჯვა და ხუთი ოქროს მედალი მიიღო. 




მისი თქმით,  კონკურსებში გამარჯვება ხელს შეუწყობს როგორც კონკრეტული კომპანიის, ასევე ზოგადად ქართული ღვინის ცნობადობის გაზრდას და პოპულარიზაციას, როგორც ევროპის ასევე მსოფლიოს მასშტაბით. 



„გამოფენა „პროვაინი“,  რომელიც გერმანიაში ჩატარდა,  ჩვენმა ხუთმა ღვინომ გაიმარჯვა და 5 ოქროს მედალი ავიღეთ. ყველაზე მნიშვნელოვანი ჯილდო იყო გრანდ ოქრო, რომელიც „საფერავი ქვევრი 2015“-მა აიღო და მოხვდა მსოფლიოს 30 საუკეთესო ღვინოთა შორის. გრანდ ოქრო, რომელიც ჩვენ მოვიპოვეთ საქართველოსთვის პირველი ჯილდოა, რომელიც დღემდე არც ერთ ღვინოს არ აუღია. რაც შეეხება გამოფენა „პროვაინი“ ევროპის ყველაზე დიდი გამოფენაა, სადაც მსოფლიოს თითქმის ყველა ღვინის მწარმოებელი კომპანია იღებს მონაწილეობას,“ განაცხადა ანდრია მირიანაშვილმა. 




მარანმა „მეღვინეობა ჩელთმა“ კიდევ ერთი და მნიშვნელოვანი გამარჯვება მოიპოვა იაპონიის ბაზარზე. საკურას ფესტივალზე, კვებისა და სასმელების საერთაშორისო გამოფენაზე „Foodex Japan 2019 გაიმართა. როგორც „კომერსანტისთვის გახდა ცნობილი, გამოფენაზე საკუთარი პროდუქცია ქართული ღვინის მწარმოებელმა 14-მა კომპანიამ წარადგინა. მათ შორის ჩელთის მიერ წარმოდგენილი ოთხი ღვინიდან, ოთხივემ ოქროს მედალი მიიღო. 




იაპონიაშიც, საკურას კონკურსზე გავაგზავნეთ  4 ღვინო და ოთხივემ აიღო ოქროს მედალი. საფერავი ქვევრის 2015 წლის, „საფერავი 2015 წლის“, „ჩელთი თეთრი ქვევრის 2016“ წლის“  და „საფერავი 2008“ წლის. ჩვენი ღვინის ფასები დაახლოებით 30 ლარიდან 100 ლარამდე მერყეობს და მისი შეძენა შეგიძლიათ, ღვინის მაღაზიებში,“- აღნიშნავს მირიანაშვილი. 



ზემოთ აღნიშნული ფესტივალის გარდა “ჩელთიმ“  მონაწილეობა მიიღო 2018 წლის მარტში ჩინეთში, სიჩუანის პროვინციის ქალაქ ჩენგდუში ჩატარებულ „ღვინისა და საკვების საერთაშორისო გამოფენაზე (The 98th China Food & Drinks Fair). როგორც ჩელთის მენეჯერი აღნიშნავს, ეს მხოლოდ დასაწყისია და მარანი სამომავლოდ აუცილებლად მიიღებს მონაწილეობას ყველა იმ ფესტივალში, რომელიც მათ ცნობადობას გაზრდის.




„მეღვინეობა ჩელთის“  სამომავლო  მიზანია, გაყიდვები გაზარდოს აზიაში და პარალელურად ევროპის ბაზარზეც გააქტიურდნენ. ასევე აპირებს თავიანთი ღვინო, სამხრეთ კორეაში გამოფენაზე წარადგინოს.


„ღვინო, რომელიც უნდა გასინჯო“ —  „ვაშინგტონ პოსტში“ ამ სათაურით გამოქვეყნებული სტატია ამერიკელ მკითხველს არც მეტი არც ნაკლები ქართულ ღვინოს - „ჩელთს“ აცნობდა.  ცოტა ხნის წინ კი  „ჩელთის“ 2011 წლის საფერავი, სიმბოლურად, ბრიტანეთში, სამეფო ქორწილშიც იყო წარმოდგენილი.





ყვარლის რაიონის სოფელ შილდაში 80 ჰექტარზე მეღვინეობა „ჩელთის“ ვენახი, ხეხილის ბაღები, ტრადიციული მარნები, ბოთლების საძველე და ტურისტული კომპლექსია გაშენებული. ღვინის ქარხანა წელიწადში ნახევარ მილიონ ბოთლ ღვინოს აწარმოებს. ათი სახეობის ღვინოს შორის ისეთ უძველეს ჯიშებსაც შეხვდებით, როგორიცაა ხიხვი და ქისი. ბიზნესი საოჯახოა და მისი დამფუძნებელი გიგა მირიანაშვილია, მას ბიზნესის განვითარებაში შვილი 24 წლის ანდრია მირიანაშვილი ეხმარება.



ნათია ლომიძე






საირმის ტყეში რამდენიმემილიონიანი უცხოური ინვესტიციით სამონადირეო მეურნეობა გაშენდება

საირმის ტყეში რამდენიმემილიონიანი უცხოური ინვესტიციით სამონადირეო მეურნეობა გაშენდება
access_time2019-08-19 17:30:56
საირმის ტყეში სამონადირეო კომპლექსის მოწყობის მიზნით რამდენიმემილიონიანი უცხოური ინვესტიცია განხორციელდება. აუქციონი სამონადირეო მეურნეობის სპეციალური ლიცენზიის მოპოვების მიზნით 2...

„ფორსაჟი 9“-ში ქართული წარმოების ჯავშანმანქანა “დიდგორი მეომარი“ გამოჩნდება

„ფორსაჟი 9“-ში ქართული წარმოების ჯავშანმანქანა “დიდგორი მეომარი“ გამოჩნდება
access_time2019-08-19 15:55:25
ჰოლივუდის ფილმის – Fast and Furious 9-ის („ფორსაჟი 9“) ერთ-ერთი ეპიზოდის გადაღებები საქართველოში დღეს დაიწყო.  გადასაღებ მოედანზე ჰოლივუდის ერთ-ერთ ცნობილ ბლოკბასტერში ქართული წარმოების მრავალ ფუნქციური ჯავშანმანქანა “დიდგორი მეომარი“ გამოჩნდება.  ინფორმაცია “კომერსანტს“ თავდაცვის სამინისტროშიც დაუდასტურეს. ადგილობრივი მოსახლეობის მიერ გადაღებულ კადრებშიც ჩანს, როგორი იღებენ ქართული წარმოების მრავალ ფუნქციური ჯავშანმანქანა ერთ-ერთ ყველაზე...

RBC. საქართველოს რუსეთის 40 მილიონი დოლარი ვალი აქვს

RBC. საქართველოს რუსეთის 40 მილიონი დოლარი ვალი აქვს
access_time2019-08-19 20:00:34
სახელმწიფო კრედიტების პროგრამა, რომელსაც მოსკოვი  სხვა ქვეყნებს სთავაზობს გასაიდუმლოებულია, თუმცა რუსულმა სააგენტო  rbc.ru-მ აღმოაჩინა სულ ცოტა  17 სახელმწიფო, რომელთა ვალდებულება რუსეთის მიმართ ჯამში 27 მილიარდ აშშ დოლარს შეადგენს. რუსეთის ხელისუფლება ტრადიციულად საიდუმლოდ ინახავს სხვა სახელმწიფოებისთვის მიცემულ ფინანსურ და საექსპორტოო კრედიტებს. ინფორმაცია  საჯარო მაშინ ხდება, როდესაც რუსეთი ხელს მთავრობათ...

„Gulf Georgia“ „ვისოლ პეტროლიუმ ჯორჯიას” ყიდვას გეგმავს

„Gulf Georgia“  „ვისოლ პეტროლიუმ ჯორჯიას” ყიდვას გეგმავს
access_time2019-08-19 14:30:32
“კომერსანტის“ ინფორმაციით, ბიზნესმენი დავით იაკობაშვილი, რომელიც ამავდროულად  „Gulf Georgia“-ს  უმსხვილესი აქციონერია, „ვისოლ პეტროლიუმ ჯორჯიას” ყიდვას გეგმავს. როგორც “კომერსანტს“ წყარომ განუცხადა მოლაპარაკებები დაახლოებით ერთი წლის წინ დაიწყო. მაშინ ვრცელდებოდა ინფორმაცია, რომ „Gulf“-ი „ვისოლის“ რამდენიმე ავტოგასამართი სადგურების შეძენით იყო დაინტერესებული, ამჟამად კი მოლაპარაკებები მთლიანად „ვისოლ პეტროლიუმ ჯორჯიას” ყიდვაზე...

ბათუმი-ქობულეთის შემოვლით გზაზე არსებულ “შავ წერტილებს“ ადამიანების სიცოცხლე ეწირება - ახალი გზის ერთი წლის სტატისტიკა - 10 დაღუპული, 48 - დაშავებული -

ბათუმი-ქობულეთის შემოვლით გზაზე არსებულ “შავ წერტილებს“ ადამიანების სიცოცხლე ეწირება -  ახალი გზის ერთი წლის სტატისტიკა - 10 დაღუპული, 48 - დაშავებული -
access_time2019-08-19 13:00:19
ბათუმი-ქობულეთის შემოვლით გზაზე წლის განმავლობაში 23 საგზაო შემთხვევა დაფიქსირდა. 10 ადამიანი დაიღუპა, 48 კი დაშავდა. ინფორმაცია რადიო თავისუფლებას შინაგან საქმეთა სამინისტროს საპატრულო პოლიციის დეპარტამენტმა მიაწოდა. ბათუმი-ქობულეთის შემოვლითი გზა 2018 წელს არის აშენებული. საავტომობილო გზების დეპარტამენტში აცხადებენ, რომ გზა გამართულია და მაქსიმალურად არის აღჭურვილი ყველა საჭირო საგზაო ნიშნით. „საქართველოს ალიანსი უსაფრთხო...


მსგავსი სიახლეები

up