„მეფრინველეობის დარგს ბელარუსიდან  შემოტანილმა კვერცხმა პრობლემები შეუქმნა“

„მეფრინველეობის დარგს ბელარუსიდან შემოტანილმა კვერცხმა პრობლემები შეუქმნა“

access_time2019-11-08 15:00:29

ბოლო რამდენიმე წელია მეფრინველეობის დარგი საკუთარ პრობლემებზე საჯაროდ საუბრობს. ამ მიმართულებით სექტორს არაერთი პრობლემა უდგას, თუმცა, ასოციაცია და თავად მეფრინველეობის კომპანიები ორ მთავარ ფაქტორს გამოყოფენ. ესენია ინდუსტრიის დღგ-ს განთავისუფლება და ადგილობრივი წარმოების, იმპორტისგან დაცვა. მართლაც მეფრინველეობა სოფლის მეურნეობის ერთადერთი დარგია, რომელიც დღგ-თი იბეგრება, ხოლო იმპორტირებული კვერცხი და ქათამიც, ხშირად დახლებზე ადგილობრივ პროდუქტზე იაფად იყიდება.


როგორც კომპანია “ჩირინას” დამფუძნებელი, რეზო ვაშაკიძე აცხადებს, იმპორტირებული პროდუქცია სერიოზულ პრობლემებს უქმნის ადგილობრივ წარმოებას. თუმცა, ვაშაკიძის აზრით, ამ პრობლემას მხოლოდ ანტიდემპინგური კანონი ვერ მოაგვარებს.


“ცხადია, დემპინგის პრობლემა დგას და წლების წინაც იდგა, თუმცა მხოლოდ ანტიდემპინგური კანონის შემოღება ამ პრობლემას ვერ მოაგვარებს. საქმე ის არის, რომ ქვეყანას ამ მიმართულებით არანაირი სტანდარტი არ გააჩნია.


მაგალითად, თურქეთში არის სამი კატეგორიის ქათამი, მესამე კატეგორიის ქათამი წარმოადგენს ყველაზე დაბალ სტანდარტს და ის თურქულ მაღაზიებში არ იყიდება. ის გადის მხოლოდ ექსპორტზე, ისეთ ქვეყნებში, რომელთაც არ აქვთ შეზღუდვა ამ მიმართულებით, შესაბამისად შემოდის საქართველოშიც.


ცხადია, ის ჩვენს პროდუქტთან შედარებით, გაცილებით დაბალი ხარისხისაა, თუმცა მომხმარებელმა ამის შესახებ არაფერი იცის და ფასის სიმცირიდან გამომდინარე ყიდულობს იმპორტირებულ, დაბალხარისხიან ქათმის.


შესაბამისად, ჩვენ ავამუშავებთ თუ არა ანტიდემპინგურ კანონს, იმპორტირებული პროდუქცია, მაინც პრობლემებს შეუქმნის ადგილობრივ წარმოებას მანამ, სანამ ეს სტანდარტები ჩვენს ქვეყანაში არ დაინერგება. სანამ, არ მოხდება საქართველოშიც დაბალხარისხიანი და მაღალხარისხიანი ქათმისა, თუ კვერცხის გამიჯვნა ერთმანეთისგან”, – აცხადებს ვაშაკიძე.



სპეციალისტები კი ადგილობრივი წარმოების იმპორტისგან დაცვას მხარს უჭერენ და მიიჩნევენ, რომ ანტიდემპინგური კანონი დიდი ხნის წინ უნდა მიეღო ქვეყანას. როგორც ეკონომისტი და “აფბა-ს” ვიცე-პრეზიდენტი, პაატა ბაირახტარი მიიჩნევს, იმპორტირებულმა პროდუქციამ დემპინგური ფასებით არაერთ დარგში შეაღწია და მნიშვნელოვანი ხარვეზები შექმნა.


“მოდით შევხედოთ მსოფლიოს ქვეყნებს, თანაც ჩვენზე საკმაოდ განვითარებულ და ძლიერ ქვეყნებს. მაგალითად, აშშ, რომლის ეკონომიკაც არამხოლოდ ჩვენს ეკონომიკაზე ჯანსაღია, არამედ მსოფლიოს მოწინავე ეკონომიკებში ლიდერობს. თვით ასეთი მძლავრი ეკონომიკის ქვეყნებიც ატარებენ მეტ-ნაკლებად პროტექციონისტულ პოლიტიკას და იცავენ ადგილობრივ წარმოებას იმპორტისგან.


ამის ნათელი მაგალითი იყო ამერიკის გადაწყვეტილება ფოლადის დაბეგვრასთან დაკავშირებით. პროტექციონისტულ პოლიტიკას ატარებს ჩვენი მეზობელი თურქეთიც, რომლის ეკონომიკაც ასევე ძლიერია ჩვენს ეკონომიკაზე. დღეს არსებობს მოსაზრება, რომ თუ ღია ბაზრის ეკონომიკა გაქვს არ შეიძლება პროტექციონისტული მიდგომების გატარება. როგორც ვხედავთ, თვით შტატებიც, რომელიც კაპიტალიზმის სამშობლოა, ისიც კი იცავს ადგილობრივ წარმოებას, იმპორტისგან და ეს სავსებით ნორმალურია”, – ამბობს ბაირახტარი.


ბაირახტარმა კონკრეტულ დარგებზეც ისაუბრა და დაასახელა ის ინდუსტრიები, რომელიც დემპინგური ფასით შემოსულმა იმპორტულმა პროდუქციამ დააზარალა.


“ასეთი ფაქტი ბევრი მიმართულებით იყო, მაგრამ რადგან მეფრინველეობის დარგზე მეკითხებით დავიწყოთ აქედან. მაგალითად, არც თუ ისე დიდი ხნის წინ, მეფრინველეობის დარგს მნიშვნელოვანი პრობლემები შეუქმნა ბელარუსიიდან შემოტანილმა კვერცხმა.


საქმე ის იყო, რომ ბელორუსიამ აწარმოა იმაზე გაცილებით დიდი რაოდენობის კვერცხი, ვიდრე ამის მოთხოვნა ჰქონდა და შემდეგ მოუხდა პროდუქციის ნებისმიერ ფასად გასაღება სხვადასხვა ქვეყნებში. ამ ქვეყნების ჩამონათვალში საქართველოც იყო. იმხანად ეს ბელორუსიის სოფლის მეურნეობის პრეს-სპიკერმაც აღიარა.
ასეთი იყო არმატურის ქეისი, როდესაც ირანიდან შემოდიოდა დიდი რაოდენობის არმატურა დემპინგურ ფასში. მაგრამ, აქ სხვა ფაქტორიც იყო, ამ არმატურის ხარისხი გაცილებით დაბალი იყო ადგილობრივ ნაწარმთან შედარებით და ის ვერანაირ კრიტიკას ვერ უძლებდა.


ანალოგიური სიტუაცია გვქონდა ცემენტთან დკავშირებით, როდესაც ასევე ირანიდან შემოდიოდა დიდი რაოდენობის ცემენტი დემპინგურ ფასად, რამაც პრაქტიკულად დაძირვის რისკის წინაშე დააყენა ადგილობრივი მეწარმეები. უბრალოდ მაშინ ირანულ მხარეს თავად აღარ ეყო იმის რესურსი, რომ ასეთ დაბალ ფასში ხანგრძლივად გაეგრძელებინა იმპორტი საქართველოში, სწორედ ამან გადაარჩინა ადგილობრივი წარმოება.


თუმცა, ეს მხოლოდ მცირე ჩამონათვალია იმ პრობლემებისა, რომელიც დემპინგური ფასით შემოსულმა საქონელმა შეუქმნა ადგილობრივ წარმოებას. სწორედ ასეთი შემთხვევების თავიდან ასაცილებლად არის საჭირო ანტიდემპინგური კანონი, თორემ, ცხადია, იმპორტიორებს არავინ ერჩის და თუ ადგილობრივი წარმოება არარენტაბელურია, ხელოვნურად მის გადარჩენასა და სუბსიდირებას არავინ აპირებს, არც ეს კანონი ისახავს ამ მიზნებს”, – აცხადებს ბაირახტარი.


bfm.ge





ხვალიდან, ქართული არხები შესაძლოა, ფასიანი გახდეს

ხვალიდან, ქართული არხები შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up