მედიამ ოფშორებში აზერბაიჯანის პრეზიდენტის ოქროს მომპოვებელი კომპანიები აღმოაჩინა

მედიამ ოფშორებში აზერბაიჯანის პრეზიდენტის ოქროს მომპოვებელი კომპანიები აღმოაჩინა

person access_time2016-04-04 13:50:22

ICIJ–ის ჟურნალისტებმა აზერბაიჯანის პრეზიდენტ ილჰამ ალიევს  ოფშორები აღმოუჩინეს, რომლებსაც ალიევი ლონდონის უძრავ ქონებასა და ოქროს მომპოვებელ კომპანიებში წილების დამალვის მიზნით იყენებდა. 


სკანდალურ დოკუმენტებში აღნიშნულია, რომ ამ მიზნით აზერბაიჯანის პრეზიდენტის ნათესავები ფლობდნენ პანამაში დარეგისტრირებულ ფონდებსა და კომპანიებს 

 

პრეს–რელიზში არაა დაზუსტებული საკუთრების სტრუქტურა, თუმცა აზერბაიჯანის პრეზიდენტი უკვე მოხვდა ICIJ–ის ყურადღების ცენტრში სამი წლის წინ, როდესაც გამოძიებამ ის მის ოჯახთან ერთად საიდუმლო ოფშორების ფლობაში ამხილა.

 

ICIJ–ის ხელთ არსებული ინფორმაციით, ალიევმა და მისმა  მეუღლე მეხრიბანმა 2003 წელს შეიძინეს ფირმა Rosamund International Ltd ბრიტანეთის ვირჯინიის კუნძულებზე. ალიევი, რომელიც მითითებულია ფირმის დირექტორად და თანამფლობელად, იმ მომენტისთვის პარლამენტის დეპუტატი იყო, კომპანიას კი ლეგალური იურიდიული სტატუსი 2004 წლის მაისამდე ჰქონდა. შესაბამისად, ალიევმა დაარღვია კანონმდებლობა, რომელიც პარლამენტის წევრებსა და პრეზიდენტს უკრძალავს ბიზნესის კეთებას.

 


2008 წელს,  ICIJ–ის მონაცემებით, ალიევის ქალიშვილებმა, 19 წლის არზუმ და 23 წლის ლეილამ შეიძინეს კომპანიები Arbor Investments, LaBelleza Holdings Limited და Harvard Management Limited იმავე ვირჯინიის კუნძულებზე. გარიგება გაფორმდა ალიევის პრეზიდენტად არჩევიდან ორ თვეში.


ყველა ამ კომპანიის საქმიანობის სახეობა ICIJ–მა მაშინ ვერ დაასახელა, თუმცა განმარტა, რომ აზერბაიჯანის ხელმძღვანელობამ, როგორც ჩანს, მიიღო ყველა ზომა, რათა საზოგადოებისთვის მათი არსებობა დაემალა.

 

სამივე კომპანიის ხელმძღვანელად ICIJ ასახელებს აზერბაიჯანელ მეწარმე ხასან გოზალს. ორგანიზაციის მონაცემებით, გოზალი თავის ძმასთან აბდოლბარისთან ერთად სულ მცირე ათ კომპანიას ფლობდა, რომლებიც ჰოლდინგ Intersun–ში ერთიანდება. სწორედ ამ უკანასკნელის პრეზიდენტია იყო აბდოლბარი, ხასანი კი ვიცე–პრეზიდენტი. 

 

ICIJ–ის მიერ მოპოვებული დოკუმენტების თანახმად, Intersun–მა მიიღო რამდენიმე მსხვილი კონტრაქტი აზერბაიჯანის სახელმწიფო ნავთობკომპანიისგან, სადაც ალიევი ჯერ კიდევ ქვეყნის მეთაურად არჩევამდე პირველი ვიცე–პრეზიდენტი იყო. გარდა ამისა, გოზალების კუთვნილი კომპანიები იგებდნენ სახელმწიფო ტენდერებს  ბაქოს და მისი შემოგარენის მშენებლობაზე. კონტრაქტების საერთო ღირებულება 4,5 მილიარდი დოლარია.


შეგახსენებთ, რომ გამომძიებელი ჟურნალისტების საერთაშორისო კონსორციუმს ICIJ-ს პანამური იურიდიული კომპანია Mossack Fonseca-ს კუთვნილი 11 მილიონი დოკუმენტი ჩაუვარდა ხელში. აღნიშნული დოკუმენტები შეიცავს ინფორმაციას იმაზე, თუ როგორ ეხმარებოდა Mossack Fonseca თავის კლიენტებს, მათ შორის მსოფლიოს მოქმედ და ყოფილ ლიდერებს, ფულის გათეთრებაში, სანქციების გვერდის ავლასა და გადასახადებისგან თავის არიდებაში. დოკუმენტები სახელმწიფოს 72 მოქმედ და ყოფილ ხელმძღვანელს ეხება, მათ შორის ეგვიპტის ყოფილ პრეზიდენტ ჰოსნი მუბარაკს, ლიბიის ყოფილ ლიდერ მუამარ კადაფის, სირიის პრეზიდენტ ბაშარ ასადს, რუსეთის პრეზიდენტ ვლადიმერ  პუტინს, უკრაინის პრეზიდენტ პეტრო პოროშენკოს, ისლანდიის პრემიერ-მინისტრ სიგმუნდურ გუნლეიგსონს და სხვა ყოფილ და მოქმედ ლიდერებს, მათ შორის მოხვდა ბიძინა ივანიშვილიც, რომელსაც, დოკუმენტების თანახმად, კავშირი აქვს ოფშორში რეგისტრირებულ "ლინდენ მენეჯმენტთან". 

 



წინანდლის კლასიკური მუსიკის რიგით მეორე ფესტივალი დასრულდა

წინანდლის კლასიკური მუსიკის რიგით მეორე ფესტივალი დასრულდა
access_time2020-09-25 09:55:39
წინანდლის მამულში 4 დღის განმავლობაში კლასიკური მუსიკის საერთაშორისო ფესტვივალი ჩატარდა.  2020 წელს შექმნილი...

ჯანდაცვა ბიზნესია და ეს სისტემა უნდა დაიგეგმოს - ინტერვიუ დავით სერგეენკოსთან ჯანდაცვის პოლიტიკაზე

ჯანდაცვა ბიზნესია და ეს სისტემა უნდა დაიგეგმოს - ინტერვიუ დავით სერგეენკოსთან ჯანდაცვის პოლიტიკაზე
access_time2020-09-25 12:00:07
ჯანდაცვის ყოფილი მინისტრი დავით სერგეენკო „ქართული ოცნების“ ხელისუფლებაში მოსვლიდან 7 წლის განმავლობაში მინისტრის თანამდებობას იკავებდა, დღეს კი დავით სერგეენკო „ქართულმა ოცნებამ“ საბურთალოს მაჟორიტარობის კანდიდატად წარადგინა. „კომერსანტთან“ ექსკლუზიურ ინტერვიუში ჯანდაცვის ყოფილი მინისტრი ჯანდაცვის პოლიტიკაზე, გატარებულ რეფორმებზე, 520-ე დადგენილებაზე, საყოველთაო დაზღვევაზე ისაუბრა.   -როგორ შეაფასებთ განვლილ...

„ვისოლი“ Smart Pay ფორმატის ავტოგასამართი სადგურების ქსელს ავითარებს

„ვისოლი“ Smart Pay ფორმატის ავტოგასამართი სადგურების ქსელს ავითარებს
access_time2020-09-25 09:55:07
„ვისოლმა“ რუსთავში, შარტავას ქ. #4-ში Smart Pay ფორმატის ავტოგასამართ სადგურ “სმარტის” სუპერმარკეტთან ერთად გახსნა და ქალაქში მომხმარებელს მგზავრობის და საწვავის ღირებულების გადახდის ახალ ფორმა შესთავაზა. რუსთავის კომპლექსი, უკვე მეოთხე ობიექტია საგურამოში, ქუთაისსა და ოქროყანაში გახსნილი „ვისოლის“ მომსახურების ცენტრების შედგომ, სადაც მომხმარებელი საწვავის შეკვეთასა და მისი ღირებულების გადახდას „სმარტში“ სასურველი პროდუქტების შეძენასთან ერთად ახერხებს ორმაგი დატვირთვის გარეშე. Smart Pay...

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება
access_time2020-09-24 18:10:43
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. გუშინ გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 24...

დღის Top 10 საინტერესო ამბავი

დღის Top 10 საინტერესო ამბავი
access_time2020-09-24 21:30:36
დღის Top 10 საინტერესო ამბავი:   1. კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა „კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და...


მსგავსი სიახლეები

up