მეცნიერება იმსახურებს ყურადღებას - ცვლილებების განხორციელება მხოლოდ ერთობლივი ძალისხმევით არის შესაძლებელი

მეცნიერება იმსახურებს ყურადღებას - ცვლილებების განხორციელება მხოლოდ ერთობლივი ძალისხმევით არის შესაძლებელი

access_time2021-09-27 11:55:03

იაცეკ ოლზაკი

ფილიპ მორის ინთერნეიშენალისგენერალურ დირექტორ

კონკორდიას სამიტზე წარმოთქმული სიტყვა

 

უკეთესი მომავლის შექმნა შეუძლებელია მხოლოდ წარსულ გამოცდილებაზე დაყრდნობით და კოვიდ 19-ის პანდემიამ ეს კიდევ ერთხელ შეგვახსენა.

 


პანდემია, ერთი მხრივ, საშინელი გამოცდილება, მეორე მხრივ შესაძლებლობად იქცა - შესაძლებლობად, თავიდან შეგვექმნა სამყარო. კრიზისმა გვასწავლა, რომ გლობალურ პრობლემასთან გამკლავება შეუძლებელია ინოვაციების, გამჭირვალობისა და დაინტერესებული მხარეების მონაწილეობის გარეშე.

 


დღეს ჩვენ გვაქვს შესაძლებლობა, მეცნიერულ და ტექნოლოგიურ მიღწევებზე დაყრდნობით შევქმნათ უკეთესი მომავალი და განვახორციელოთ ცვლილება. თუმცა, პროგრესის მიღწევა ახალი პარტნიორებისა და მიდგომების გარეშე შეუძლებელია.

 


ჩვენი კომპანიის მთავარი გამოწვევა მსოფლიოში მილიარდზე მეტი მწეველის არსებობაა. ყველა ვთანხმდებით, რომ თამბაქოს მოხმარება უარყოფით ზეგავლენას ახდენს როგორც ინდივიდების ჯანმრთელობაზე, ასევე, საზოგადოებრივ ჯანდაცვაზე. მწეველთა რაოდენობის შემცირების მიზნით გატარებული რეგულაციები შედეგის მომტანია, თუმცა ეს შედეგი არ არის საკმარისი პრობლემის სრულად გადასაჭრელად.

 


ბოლო ათწლეულის განმავლობაში თამბაქოს ინდუსტრიამ მეცნიერულ და ტექნოლოგიურ წარმატებას მიაღწია - ჩვენ შევქმენით თამბაქოს უკვამლო პროდუქტები (ელექტრონული სიგარეტები და თამბაქოს გასახურებელი მოწყობილობები), რომლებიც თამბაქოს მოხმარებისგან გამოწვეული ზიანის შემცირებას ისახავს მიზანს. მართალია, ეს პროდუქტები არ არის სრულიად უსაფრთხო, თუმცა, მეცნიერულად დამტკიცებულია, რომ თამბაქოს უკვამლო მოწყობილობები ტრადიციულ მოწევასთან შედარებით, ნაკლები რისკის შემცველია. უფრო მეტიც, აშშ-ს საკვებისა და მედიკამენტების ადმინისტრაციის განცხადებით, თამბაქოს გასახურებელ მოწყობილობას “აქვს პოტენციალი, სარგებელი მოუტანოს საზოგადოებრივ ჯანდაცვას”.

 



მეცნიერულად დადასტურებული მტკიცებულებების მიუხედავად, გარკვეული ჯგუფები - არასამთავრობო და რიგი ჯანდაცვის ორგანიზაციები მეცნიერებაზე წინ იდეოლოგიას აყენებენ. შესაბამისად, თამბაქოსგან თავისუფალი სამყაროს შექმნის პროცესში, ისინი არ ითვალისწინებენ არსებულ ალტერნატივებს და უგულებელყოფენ თამბაქოს ზიანის შემცირების სტრატეგიის შესაძლო სარგებელს.

 


მხოლოდ იაპონიის მაგალითის გათვალისწინებით შეგვიძლია ვთქვათ, რომ თამბაქოს უკვამლო მოწყობილობები ხელს უწყობს ტრადიციული სიგარეტების მოხმარების შემცირებას.



მიუხედავად ამისა, გავლენიანი არასამთავრობო ორგანიზაციები ზეგავლენას ახდენენ საკანონმდებლო ინსტიტუტებისა და მთავრობების გადაწყვეტილებებზე. უფრო მეტიც, ეს ჯგუფები ჯანმოს მიერ მიღებული თამბაქოს ჩარჩო-კონვენციის ინტერპრეტაციას არასწორად ახდენენ. მაგალითად, 5.3-ე მუხლი მიზნად ისახავს თამბაქოს ინდუსტრიის გავლენის შეზღუდვას (რომელსაც ჩვენ მხარს ვუჭერთ და პატივს ვცემთ), მიუხედავად ამისა, ამ შეზღუდვას ისინი მეცნიერულად დასაბუთებული ხმების ჩასახშობად იყენებენ.

 


დახურული კარის პოლიტიკა, კონფიდენციალურობა და ინტრიგა, რომელიც თამბაქოს ინდუსტრიას 30 წლის წინ ახასიათებდა, ამჟამად, ბედის ირონიით, თამბაქოს წინააღმდეგ მიმართული არასამთავრობო ორგანიზაციებისა და გავლენიანი ჯგუფების პრაქტიკად იქცა. 

 


სამწუხაროდ, მათი ტაქტიკა ართულებს “ფილიპ მორისის” თამბაქოს კვამლისგან თავისუფალი მომავლის ინიციატივის განხორციელებას.

 


ამ სირთულეების დაძლევა კი იდეოლოგიური პრინციპებისგან გათავისუფლებით არის შესაძლებელი და ეს არ ეხება მხოლოდ თამბაქოს ზიანის შემცირებას. მსგავსი წინააღმდეგობები ვრცელდება კლიმატის ცვლილებაზე, პანდემიის შემსუბუქებაზე, ინსტიტუციონალიზებულ უთანასწორობასა და სხვა მწვავე გამოწვევებზე.

 


სწორედ ამიტომ, საჭიროა როგორც მეცნიერული და ტექნოლოგიური ინოვაციებისადმი ღიაობა, ასევე, ინკლუზიური და პრაგმატული მიდგომების იმპლემენტაცია.

 


დღეს მეცნიერება პროგრესის მთავარ საფუძველს წარმოადგენს. სხვადასხვა ჯანდაცვის არასამთავრობო ორგანიზაციის მიერ გამოყენებული არგუმენტი იმის შესახებ, რომ თამბაქოს მწარმოებელი კომპანიის მიერ ჩატარებული კვლევა არასანდოა მხოლოდ იმიტომ, რომ ის თამბაქოს ინდუსტრიის მიერ არის დაფინანსებული - არასწორია.

 


განსაკუთრებით მაშინ, როდესაც ამ კვლევების სანდოობას განვითარებული ქვეყნების მთავრობები და მეცნიერები აღიარებენ. უკეთესი მომავლის განხორციელების პროცესში მნიშვნელოვანია ჩვენ, როგორც საზოგადოება, გავთავისუფლდეთ სტიგმებისგან და გავითვალისწინოთ იმ ზრდასრულ მწეველთა მოსაზრებები, რომლებიც ყველაზე მეტად საჭიროებენ თამბაქოს ალტერნატიულ მოწყობილობებს. ჩვენ მიგვაჩნია, რომ თითოეული ადამიანი საჭიროებს ხმის უფლებას.

 


სწორედ ამიტომ, დღეს ჩვენ უნდა ვიფიქროთ იმაზე, თუ როგორ შეგვიძლია შევქმნათ უკეთესი მომავალი - დოგმებისა და საზოგადოებრივი აზრის დაყოფის გაორმაგებით, თუ თანამშრომლობის, მრავალფეროვნებისა და ინკლუზიურობის იმპლემენტაციით?

 


“ფილიპ მორისში” მიზნად დავისახეთ, შევქმნათ თამბაქოს კვამლისგან თავისუფალი მომავალი. თუმცა, კარგად გვესმის ისიც, რომ ამ მიზნის განხორციელება მხოლოდ ჩვენი ინიციატივით შეუძლებელია. სწორედ ამიტომ მიგვაჩნია, რომ უკეთესი მომავლის მიღწევისთვის საჭიროა ერთობლივი ძალისხმევა და სწორი საკანონმდებლო ინიციატივების განხორციელება. შედეგად კი, სულ მალე, თამბაქოს კვამლისგან თავისუფალი მომავალი რეალობად იქცევა.



(R)





რა ენერგეტიკული შეცდომები დაუშვა ევროპამ

რა ენერგეტიკული შეცდომები დაუშვა ევროპამ
access_time2021-10-17 20:00:44
ევროპა თავადაა დამნაშავე საკუთარ ენერგეტიკულ პრობლემებში. ამის შესახებ Financial times-ი იუწყება. რუსეთს ხშირად ადარებენ დათვს, თუმცა, გაზზე ფასების ზრდა მეტყველებს, რომ ამჟამად მასხარის როლი უფრო მოუხდებოდა. ბუნებრივი გაზი რუსეთის ერთ-ერთი მთავარი საექსპორტო საქონელია, ევროკავშირს კი ის დღეს ძალიან აკლია. ფასების ზრდა ევროპაში მცირე მარაგებისა და აზიაში მაღალი მოთხოვნის შედეგია, რაც რუსეთის...

დასავლეთი უკრაინას ევროკავშირში წევრობის იმედს არ აძლევს

დასავლეთი უკრაინას ევროკავშირში წევრობის იმედს არ აძლევს
access_time2021-10-17 18:00:22
ევროკავშირი უკრაინაში რეფორმების პროცესის დამუხრუჭებით უკმაყოფილოა, უკრაინა კი თავის მხრივ უკმაყოფილოა ევროკავშირში წევრობის პერსპექტივის არარსებობით. ბრიუსელს და კიევს შორის ურთიერთობებში აშკარა სიცივე იგრძნობა. ევროპის აუდიტის...

საქართველოს მოსახლეობის 17%-მდე საარსებო შემწეობას იღებს

საქართველოს მოსახლეობის 17%-მდე საარსებო შემწეობას იღებს
access_time2021-10-17 11:00:07
სოციალური მომსახურების სააგენტოს მონაცემების მიხედვით, ქვეყანაში საარსებო შემწეობის მიმღებთა რაოდენობა სულ უფრო იზრდება. სტატისტიკა მზარდია, არა მხოლოდ წლიურ, არამედ თვიურ...

თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

2022 წლის ბიუჯეტში პანდემიის მართვისთვის თანხა მცირდება

 2022 წლის ბიუჯეტში პანდემიის მართვისთვის თანხა მცირდება
access_time2021-10-17 12:00:40
ხელისუფლება 2022 წლის სახელმწიფო ბიუჯეტში პანდემიის მართვისთვის საჭირო თანხას ამცირებს. სახელმწიფო ხაზინის პირველადი პროექტის თანახმად, კოვიდ 19-თან დაკავშირებული ხარჯები 310 მლნ ლარითაა შემცირებული. 276 მილიონი ლარით იკლო მოსახლეობის ჯანმრთელობის დაცვისთვის განსაზღვრულმა დაფინანსებამაც. ხელისუფლება ჯანდაცვის სექტორის...


მსგავსი სიახლეები

up