„ ბანკის იდეა ისაა, რომ ბიზნესს ხელი შეუწყოს, საქართველოში კი ბანკი ბიზნესში კონკურენტს ხედავს“ - ბიზნესი არაპროფილური აქტივების ფლობაზე

„ ბანკის იდეა ისაა, რომ ბიზნესს ხელი შეუწყოს, საქართველოში კი ბანკი ბიზნესში კონკურენტს ხედავს“ - ბიზნესი არაპროფილური აქტივების ფლობაზე

access_time2018-12-04 10:00:00

ბანკების მიერ არაპროფილური ბიზნესის ფლობის საკითხი ჯერ 4 წლის წინ და შემდეგ რამდენიმე თვის წინ იმდენად უხეიროდ „დარეგულირდა, რომ ბაზარზე პრაქტიკულად არაფერი შეცვლილა.საქართველოს ეროვნულმა ბანკმა ვითომ შეზღუდვა დაუწესა კომერციულ ბანკებს, მაგრამ ყველამ იცის, რომ რეალურად ამ კუთხით არაფერი შეცვლილა. შესაბამისად, პრობლემას სიმწვავე არ მოკლებია.



როგორც ცნობილია, ეროვნულმა ბანკმა საქართველოში მოქმედი კომერციული ბანკებისთვის არაპროფილური საქმიანობის აკრძალვის გადაწყვეტილება 2014 წლის აგვისტოში მიიღო.მაშინ ბანკებს არაპროფილურ აქტივებზე უარის სათქმელად ვადა 2015 წლის 31 დეკემბრამდე მიეცათ. „კომერციული ბანკის რეგულირების შესახებ კანონი“ მიიღეს 2017 წლის ბოლოსაც, სადაც ასევე ბანკებს არაპროფილური აქტივების ფლობა აეკრძალათ.



დღეს „კომერსანტთან საუბრისას ბიზნესმენთა ნაწილი აცხადებს, რომ კომერციული ბანკების მიერ არაპროფილური ბიზნესში შესვლა ისევ ხდება და ამ მხრივ არაფერი შეცვლილა.



„საქართველოს მენაშენეთა ასოციაციის“ ხელმძღვანელი ირაკლი როსტომაშვილი განმარტავს, რომ დღეს ეს საკითხი ისევ მწვავედ დგას და ბაზარზე პრაქტიკულად არაფერი შეცვლილა.„კომპანიები თვალთმაქცურად გადაჯგუფდნენ. გვეუბნებიან, რომ არ ერევინ ბანკები თავიანთი არაპროფილური ბიზნესების საქმიანობაში. ეს ვინ უნდა დაიჯეროს, როდესაც სამშენებლო ბიზნესზე ეს არ ასახულა და ბაზარზე არაფერი შეცვლილა. ბანკები რასაც აქამდე აკეთებდნენ, ახლაც იგივეს აკეთებენ“-აღნიშნავს როსტომაშვილი. 



მისი ინფორმაციით, არსებობს ძალიან ბევრი ქეისი, რომელიც ბანკების მხრიდან არაპროფილური აქტივების ფლობას და ბიზნესში ინტერესს ადასტურებს. კერძოდ, იყო შემთხვევა , როდესაც ერთ-ერთ კომპანიას უნდოდა მიწის ნაკვეთის შეძენა და იქ კონკრეტული პროექტის განხორციელება. მის მიერ დამუშავდა ბიზნეს-გეგმა ბანკმა დაიწუნა, თუმცა ცოტა ხანში როგორც გაირკვა, ამ კომპანიის ბიზნეს გეგმი, ფაქტობრივად, მოპარეს, ბანკმა თავად შეიძინა ეს ნაკვეთი და ზუსტად ის პროექტი განახორციელა.




როსტომაშვილი არ ასახელებს არც დაზარალებული კომპანიის სახელს და არც ბანკის იდენტიფიცირებას ახდენს. თუმცა, აღნიშნავს,რომ მსგავსი ქეისები ძალიან ბევრია.



„განწყობა ასეთი აქვს ბანკს-რაღა სხვამ იშოვოს, მოდი ამ ბიზნესს მე გავაკეთებ. ანუ, ყველა ბიზნესში თვითონ ჩაჯდა. მათ შორის, ტურიზმში, სამედიცინო სფეროში, სადაზღვევო სფეროში. საკალმახე მეურნეობები და კასრების წარმოებაც კი ჰქონდათ. ეს რას ნიშნავს იცით? ამ დროს ბანკი კლიენტს უყურებს როგორც კონკურენტს და თუ არ უმტრო, დახმარებითაც არ დაეხმარება. არადა ბანკის იდეა ისაა, რომ ბიზნესს ხელი შეუწყოს. საქართველოში კი ბანკი ბიზნესში კონკურენტს ხედავს,“-განმარტავს როსტომაშვილი.



კარდიოლოგიური კლინიკა „გულის“ დამფუძნებელი ანზორ მელია განმარტავს, რომ ქვეყანაში, სადაც ბანკებს არაპროფილური აქტივების ფლობა არ ეკრძალებათ, დამღუპველია. მისი შეფასებით, თუ საქართველოში ეკონომიკა არ განვითარდა, ქვეყანას წინსვლა არ უწერია. როგორც მელია აცხადებს, დღეს ხელისუფლებამ მედიცინა ბიზნესად აქცია.



„საყოველთაო დაზღვევის პროგრამა ამ მთავრობისთვის მართლაც წარმატებული პროექტია, თუმცა , მან გარკვეული ჩრდილოვანი მომენტები მაინც შემოიტანა. იხსნება უამრავი კლინიკა რომელსაც არ ჰყავთ წამყვანი ექიმები, ავადმყოფს კი სახელოვანი, ინტელიგენტი და პროფესიონალი ექიმი იზიდავს .ბანკების მიერ არაპროფილური ბიზნესის ერთ-ერთი ნათელი მაგალითია, „საქართველოს ბანკის“ კომპანია „ევექსი“ , რომელსაც უდიდესი შესაძლებლობები აქვს და გადასულია ექიმების ყიდვაზე. მათ შორის, ოფთალმოლოგები იყიდეს, კარდიოქირურგებიც. ამით „ევექსი“ ძირავს პატარა სახელოვან კლინიკებს. ეს კი ყოვლად დაუშვებელია. თუ სახელმწიფომ ამას არ მიხედა, სავალალო შედეგებამდე მივალთ. ის კლინიკები, რომლებიც ორიენტირებულები არიან ხარისხზე, რომლებსაც სურთ, რომ ავადმყოფს შეუწყონ ხელი გამოჯანმრთელებაში, ახლო მომავალში დაიშლებიან. მიზეზი კი ფინანსური რესურსის სიმცირეა. ბანკი „ევექსის“ გარდა სხვა კლინიკებს კონკურენტად თვლის და არ აფინანსებს. მე „საქართველოს ბანკს“ რესურსით ვერ შევეჯიბრები.“-აღნიშნავს მელია.


ბიზნესმენებს არაპროფილური აქტივების ფლობასთან დაკავშირებით პასუხობენ „საქართველოს ბანკში“.    „ბატონი ირაკლისა და ბატონი ანზორის განცხადება არ შეესაბამება სიმართლეს, რადგან საქართველოს ბანკი არ ფლობს ისეთი სახის აქტივებს, რომლებიც კანონმდებლობის შესაბამისად არაპროფილურ აქტივებად შეიძლება იქნას მიჩნეული. 2018 წლის 29 მაისს დასრულდა ერთ-ერთი უმსხვილესი საბანკო და საინვესტიციო ჯგუფის „ბიჯეო ჯგუფის“ (BGEO Group PLC) გამიჯვნის პროცესი. 10 წლიანი წარმატებული საქმიანობის შემდეგ, „ბიჯეო ჯგუფი“ გაიყო ორ დამოუკიდებელ ჯგუფად. საქართველოს ბანკის ჯგუფი (Bank of Georgia Group PLC) საბანკო სფეროში განაგრძობს მოღვაწეობას, ხოლო საქართველოს კაპიტალი (Georgia Capital PLC) - საინვესტიციო მიმართულებით. თითოეული ჯგუფის აქციები ცალ-ცალკე განთავსდა ლონდონის საფონდო ბირჟის პრემიუმ სეგმენტში და ერთმანეთისაგან დამოუკიდებლად ივაჭრება. თითოეულ ჯგუფს დამოუკიდებელი დირექტორთა და სამეთვალყურეო საბჭოები მართავს.



შესაბამისად, საინვესტიციო კომპანია სს საქართველოს კაპიტალის (ან მისი ჰოლდინგური კომპანიის Georgia Capital PLC-ის) მიერ განხორციელებული ბიზნეს აქტივობები, მათ შორის ამა თუ იმ კომპანიაში ინვესტირება, არავითარ იურიდიულ და სტრუქტურულ კავშირში არ არის სს საქართველოს ბანკთან“-აღნიშნავენ „საქართველოს ბანკში“. 



ავტორი: სოფო ქსოვრელი 






რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში

რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში
access_time2019-06-26 18:30:58
რუსეთის მოქალაქეების უმრავლესობა, ვინც გეგმავდა ამ ზაფხულს საქართველოში ჩასვლას, არ აუქმებს შეკვეთილ ტურებს - იუწყება რუსეთის ტუროპერატორების ასოციაცია. „ნეგატიური პროგნოზების მიუხედავად, შექმნილი სიტუაცია არაა კრიტიკული. ტურების გაუქმების მაჩვენებელი მინიმალურია,“ - განაცხადეს ასოციაციაში. როგორც აღმოჩნდა, რუს ტურისტებს არ აშინებთ საავიაციო მიმოსვლის აკრძალვის - ასოციაციის მონაცემებით, ამჟამად საქართველოში წამსვლელები ჯავშნიან ბილეთებს...

საქართველოს ბიზნეს ასოციაციის განცხადება - ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს

საქართველოს ბიზნეს ასოციაციის განცხადება -  ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს
access_time2019-06-26 16:45:37
საქართველოს ბიზნეს ასოციაცია, როგორც ყველაზე მსხვილი ბიზნეს გაერთიანება, რომელიც სამოცდაათზე მეტ მსხვილ კომპანიას აერთიანებს, ბოლო დროს საქართველოში განვითარებულ მოვლენებს ასოციაციის რიგით მეექვსე ყრილობაზე მიღებული განცხადებით გამოეხმაურა. ასოციაციის მე-6 ყრილობა 25 ივნისს გაიმართა, სადაც სხვა საკითხებთან ერთად ასოციაციის სამეთვალყურეო საბჭოსა და სხვა მმართველი ორგანოების წევრები იქნენ...

როგორ უყურებენ ქართულ-რუსული ურთიერთობების გამწვავებას აფხაზეთში

როგორ უყურებენ ქართულ-რუსული  ურთიერთობების  გამწვავებას აფხაზეთში
access_time2019-06-26 20:00:15
რუსეთ და საქართველოს შორის მორიგი გამწვავება  დიდ ინტერესს იწვევს აფხაზურ საზოგადოებაში და ალბათ ფარისევლობა იქნება იმის თქმა, რომ ეს ამბავი ვინმეს ეწყინა. სოციალური ქსელების მომხმარებელთა დიდი ნაწილის დამოკიდებულება ამ მოვლენებისადმი შეიძლება შეფასდეს როგორც „დაიმსახურეს და მიიღეს“. - წერს ekhokavkaza.  (მასალაში მოხსენიებულ აფხაზეთის რესპუბლიკას ან აფხაზეთის ხელისუფლებას „კომერსანტი“ რადიკალურად ემიჯნება. მასალას გთავაზობთ უცვლელად...

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში ჩვენი წარმომადგენლობა გვყვავდეს“

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში  ჩვენი წარმომადგენლობა გვყვავდეს“
access_time2019-06-26 16:00:06
„საქართველოს ბიზნეს ასოციაციაში“ ბევრი რამე შეიცვლება“- ასეთ განცხადებას „საქართველოს ბიზნეს ასოციაციის“ უკვე პირველი ვიცე-პრეზიდენტი ლაშა პაპაშვილი „კომერსანტთან“ აკეთებს. მისი ინფორმაციით, ასოციაციაში გუნდი მთლიანად შეიცვალა, არჩეულია “საქართველოს ბიზნეს ასოციაციის პრეზიდენტი“ — სოსო ფხაკაძე, ასევე ახალი აღმასრულებელი დირექტორი -ლევან ვეფხვაძე, მეორე ვიცე-პრეზიდენეტი -არჩილ კონცელიძე. როგორც პაპაშვილი განმარტავს, ასოციაცია...

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება
access_time2019-06-26 15:00:58
რუსეთსა და საქართველოს შორის ბოლოდროინდელი დაძაბულობის შემდეგ, სომხეთი ცდილობს გახდეს რუსეთსა და საქართველოს შორის ავიამიმოსვლის ტრანზიტის ცენტრი. ქვეყნის სამოქალაქო ავიაციის სამმართველოს სტეპან პაიასლიანის თქმით, ავიაკომპანიებს შორის უკვე დაიწყო შესაძლებელი ვარიანტების განხილვა. „მაგალითად, შეიძლება რუსეთიდან თვითმფრინავით ჩასვლა ერევანში, იქედან კი უფასო ავტობუსით თბილისამდე და პირიქით. ასევე...


მსგავსი სიახლეები

up