მდუმარე პარლამენტარების შენახვა 2018 წლის განმავლობაში ბიუჯეტს 1,657,000 დაუჯდა

მდუმარე პარლამენტარების შენახვა 2018 წლის განმავლობაში ბიუჯეტს 1,657,000 დაუჯდა

access_time2019-05-13 10:00:53

კობა ნაყოფია, ვიქტორ ჯაფარიძე, ელგუჯა გოცირიძე, ლევან ბეჟანიძე, გიორგი თოთლაძე, დიმიტრი სამხარაძე, ირაკლი ხახუბია - ეს იმ დეპუტატების ძალიან მცირე ჩამონათვალია, რომელთაც 2018 წელს თავიანთი უფლებამოსილება საერთოდ არ შეუსრულებიათ. მეტიც, უმეტეს შემთხვევაში  პარლამენტში არ დადიან და პლენარულ სხდომებს არ ესწრებიან.





 ფლანგვის დეტექტორის ინფორმაციით, ჯამში ცუდი ყოფაქცევით  პარლამენტის 30 დეპუტატია გამორჩეული, აღსანიშნავია, რომ აქედან 24 „ქართული ოცნების“ წევრია.


„მდუმარე პარლამენტარებზე“ უფრო ვრცლად არასამთავრობო ორგანიზაცია მმართველობის მონიტორინგის ცენტრის ინოვაციური მედიაპროექტი ფლანგვის დეტექტორი წერს:


 პარლამენტში ამ დეპუტატებს არ უსარგებლიათ სიტყვის უფლებით, არ გაუკეთებიათ კომენტარი, არ დაუსვამთ კითხვა და, შესაბამისად, სრულფასოვნად არ მიუღიათ მონაწილეობა საკანონმდებლო  ორგანოს საქმიანობაში. ამასთან, მდუმარე დეპუტატები  საპარლამენტო სხდომების გაცდენით გამოირჩევიან. ამ მხრივ ლიდერობს კობა ნაყოფიაა. მან 49 პლენარული სხდომიდან 47 გააცდინა. ის წინა წლებშიც ყველაზე  გამცდენი პარლამენტის წევრი იყო.


წლის ყველაზე მდუმარე პარლამენტარების სიაში  ისეთებიც არიან, რომლებსაც წინა წლებშიც არ უსარგებლიათ საკუთარი მიკროფონით. მაგალითად, ენზელ მკოიანი და გიორგი კოპაძე“.



დეპუტატების, რომლებიც დაკისრებულ მოვალეობას არასრულფასოვნად ან საერთოდ ვერ ასრულებენ, ქვეყნის ბიუჯეტს 2018 წლის განმავლობაში 1,657,000 დაუჯდა. ეს ტენდენცია ყოველწლიურია და მისი კონტროლი თითქმის შეუძლებელი.


პარლამენტარების საქმიანობა „საერთაშორისო გამჭირვალობა-საქართველომაცშეისწავლა. ორგანიზაცია ყოველწლიურად აკვირდება და როგორც  ირკვევა, პრობლემები ყოველწლიურად უცვლელია. მათ შორის, გაცდენები და დაკისრებული მოვალეობისადმი უპასუხისმგებლობა.


„ტრადიციულად დეპუტატები ბოროტად სარგებლობენ კანონით, რომელიც მათ საშუალებას აძლევს სხდომა გააცდინონ ოჯახური მდგომარეობის გამო. ამ მიზეზით, მაგალითად 2017 წელს 1430 გაცდენა დაფიქსირდა და ციფრი მსგავსია 2018 წელსაც. რა თქმა უნდა, სხდომაზე არც ისეთი პარლამენტარების ყოფნას არ აქვს აზრი, რომელებიც წლის განმავლობაში ერთხელაც არ აფიქსირებენ საკუთარ პოზიციას, არ აფასებენ ფაქტს და სიტყვით არ გამოდიან. საუბარიც ზედმეტია საკანონმდებლო ინიციატივაზე. შედეგად, ჩვენმა რეკომენდაციამაც უკვე ტრადიციული ხასიათი მიიღო - დეპუტატები დაკისრებულ მოვალეობას მეტად პასუხისმგებლობით უნდა მოეკიდონ“, - ამბობს „საერთაშორისო გამჭირვალობა“ - საქართველოს საპარლამენტო მდივანი ლიკა საჯაია.


როგორ უნდა მოგვარდეს პრობლემა ისე, რომ დეპუტატები პლენარულ სხდომებს დაესწრონ და საკუთარი მოვალეობა სრულყოფილად შეასრულონ?


ლიკა საჯაიას ერთ-ერთ ეფექტურ გზად სანქცია მიაჩნია, თუმცა უფრო მნიშვნელოვნად საზოგადოებრივ განწყობას ასახელებს:


„ახალი რეგლამენტის მიხედვით, კონტროლი უფრო გამკაცრდა და რა შედეგებსაც გამოიღებს ამას უკვე წლის ბოლოს შევაფასებთ, მაგრამ ეს მაინც არ არის მთავარი. სხვადასხვა ქვეყანაში არსებობს ფულადი სანქციები, გაფრთხილება და ა.შ. ყველაზე ეფექტური მაინც საზოგადოების განწყობაა - როდესაც დეპუტატი აცნობიერებს, რომ მისი დაუდევრობის გამო ხალხს აგრესია გაუჩნდა და შემდეგ ჯერზე შესაძლოა აღარ აირჩიონ, ეშინია, ფრთხილობს. შესაბამისად, ზოგადად კარგია როდესაც საზოგადოებას  ყველაფერზე ჰქონდეს  შესაბამისი რეაგირება“.


მდუმარე დეპუტატების სრული ჩამონათვალი და მათი ყოველთვიური ანაზღაურება:



  • ლევან ბეჟანიძე – 55485
  • რუსლან გაჯიევი – 43788
  • ელგუჯა გოცირიძე – 55485
  • მახირ დარზიევი – 60285
  • მუხრან ვახტანგაძე – 56865
  • ცოტნე ზურაბიანი – 56958
  • გიორგი თოთლაძე – 44660
  • ედიშერ თოლორაია – 43200
  • შალვა კიკნაველიძე 56865
  • გიორგი კოპაძე – 50364
  • თეიმურაზ კოხრეიძე – 60285
  • იოსებ მაკრახიძე – 55485
  • სამველ მანუკიანი – 55485
  • სავალან მირზოევი – 45132
  • ენზელ მკონიანი – 55485
  • რომან მუჩიაშვილი – 55485
  • თამაზ ნავერიანი – 55485
  • დიმიტრი სამხარაძე – 61665
  • გოდერძი ჩანქსელიანი – 55485
  • არჩილ ხაბაძე – 60285
  • ფატი ხალვაში – 55485
  • ვიქტორ ჯაფარიძე – 42000
  • თენგიზ ხუბულური – 56865
  • კობა ნაყოფია – 60285
  • აზერ სულეიმანოვი – 60285
  • ზაზა კედელაშვილი – 61665
  • გიორგი ღვინიაშვილი – 65039
  • გელა მიქაძე – 55271
  • რამაზ ნიკოლაიშვილი – 60285




სალომე ლემონჯავა




საქართველოს ნავთობისა და გაზის კორპორაციის დელეგაცია არაბეთის გაერთიანებული საემიროების ეროვნულ ნავთობ-კომპანიას საქმიანი ვიზიტით ეწვია

საქართველოს ნავთობისა და გაზის კორპორაციის დელეგაცია არაბეთის გაერთიანებული საემიროების ეროვნულ ნავთობ-კომპანიას საქმიანი ვიზიტით ეწვია
access_time2021-09-27 10:55:09
საქართველოს ნავთობისა და გაზის კორპორაციის დელეგაცია, კორპორაციის დირექტორის, გიორგი ბახტაძის ხელმძღვანელობით, არაბეთის გაერთიანებული საემიროების ეროვნული ნავთობ-კომპანიის (ENOC) სათაო ოფისს, ქალაქ დუბაიში, საქმიანი ვიზიტით ეწვია. ვიზიტი, რომელიც ENOC-ს ოფიციალური მოწვევით შედგა, დატვირთული აღმოჩნდა. მენეჯმენტის უმაღლეს რგოლებს შორის შეხვედრებზე განხილულ იქნა არაბეთის ეროვნულ ნავთობკომპანიასა და კორპორაციას შორის პარტნიორული და საქმიანი თანამშრობლობის...

Samsung-ის კეცვადი სმარტფონების: Galaxy Z Fold3 და Galaxy Z Flip3-ის გაყიდვა დაიწყო!

Samsung-ის კეცვადი სმარტფონების: Galaxy Z Fold3 და Galaxy Z Flip3-ის გაყიდვა დაიწყო!
access_time2021-09-27 09:55:29
სამსუნგის უახლესი, დასაკეც ეკრანიანი სმარტფონების Galaxy Z Fold3-ისა და Galaxy Z Flip3-ის გაყიდვები უკვე დაიწყო.  სმარტფონების შეძენა შესაძლებელია სამსუნგის ყველა ოფიციალური პარტნიორის მაღაზიათა ქსელებსა და ონლაინ, მათი ვებ-გვერდების საშუალებით.    გაყიდვების დაწყებასთან ერთად, შეზღუდული დროითა და რაოდენობით, თქვენ საშუალება გაქვთ მიიღოთ დამატებით საჩუქრები სამსუნგისაგან: ორივე მოდელისთვის საჩუქრად გადმოგეცემათ 1 წლიანი...

სოხუმის დაცემის დღესთან დაკავშირებით მთავრობის ადმინისტრაციის შენობაზე სახელმწიფო დროშა დაეშვა

სოხუმის დაცემის დღესთან დაკავშირებით მთავრობის ადმინისტრაციის შენობაზე სახელმწიფო დროშა დაეშვა
access_time2021-09-27 01:10:27
სოხუმის დაცემის 28 წლისთავთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით, საქართველოს მთავრობის ადმინისტრაციის შენობაზე სახელმწიფო დროშა დაეშვა. ინფორმაციას მთავრობის ადმინისტრაციის პრესსამსახური ავრცელებს. „სახელმწიფო დროშა დაეშვა საქართველოს მთელს ტერიტორიაზე ყველა ადმინისტრაციულ შენობაზე“ – ნათქვამია ინფორმაციაში. 

ყველაზე მდიდარი და ღარიბი თვითმმართველობები საქართველოში

ყველაზე მდიდარი და ღარიბი თვითმმართველობები საქართველოში
access_time2021-09-26 16:00:14
...

როგორ შეიძლება შავი ზღვის რესურსების გამოყენება

როგორ შეიძლება შავი ზღვის რესურსების გამოყენება
access_time2021-09-26 14:00:36
...


მსგავსი სიახლეები

up