მცირე და საშუალო ბიზნესის შეხვედრა პრემიერთან - პრობლემები და დაპირებები, რომლებიც კერძო სექტორმა მიიღო

მცირე და საშუალო ბიზნესის შეხვედრა პრემიერთან - პრობლემები და დაპირებები, რომლებიც კერძო სექტორმა მიიღო

person access_time2016-03-04 18:30:42

„ამ ადამიანებმა  დღეს დააყენეს ძალიან კონკრეტული, კარგად მოსაგვარებელი, გადასაწყვეტი საკითხები. დავინაწილეთ დავალებები და ძალიან მალე ამ კონკრეტულ საკითხებს გადავწყვეტთ“,- ეს დაპირება ვიცეპრემიერმა და ეკონომიკის მინისტრმა დიმიტრი ქუმსიშვილმა მცირე და საშუალო მეწარმეებთან შეხვედრის დასრულების შემდეგ გასცა.


როგორც მინისტრმა ჟურნალისტებს განუცხადა, კერძო მეწარმოების განვითარება, მცირე და საშუალო ბიზნესის განვითარება არის ის ძირითადი ამოცანა, რომელიც ხელისუფლებას გააჩნია. მისი თქმით, მათ კარგად აქვთ გაცნობიერებული, რომ მცირე და საშუალო მეწარმეობამ ქვეყანაში ძირითადი სამუშაო ადგილები უნდა შექმნას.


დიმიტრი ქუმსიშვილის განცხადებით, მცირე და საშუალო მეწარმეებს მიაწოდეს ინფორმაცია იმ პროგრამების შესახებაც, რომლებიც მთავრობას ბიზნესის ხელშესაწყობად აქვს შექმნილი.


როგორ აფასებენ პრემიერთან შეხვედრას თავად ბიზნესის წარმომადგენლები და რა პრობლემები დააყენეს მათ მთავრობის მეთაურთან საუბრისას?


„ტექნოლოგიური სტარტაპების ასოციაციის დამფუძნებლის“ დავით სიჭინავას განცხადებით,  ქართული საგადასახადო კანონმდებლობა ტექნოლოგიურ სფეროზე მორგებული არ არის, რაც სერიოზულ პრობლემებს ქმნის. მისი თქმით, როდესაც საგადასახადო კანონი იქმნებოდა, ტექნოლოგიური სფერო ჩანასახის დონეზე იყო, ამიტომ ეს დარგი გათვალისწინებული არ არის.


მისი თქმით, დარგის წარმომადგენლებს სურთ, რომ კონკრეტული ცვლილებები კანონში განხორციელდეს და ამ პროცესში სპეციალისტებიც იყვნენ ჩართულები.



„ჩვენ სფეროს აქვს კონკრეტული სპეციფიკა, რომლის გამოც ის რთულად ექცევა სხვა ბიზნესთან ერთად ჩარჩოში. ჩვენს შემთხვევაში არის ის სპეციფიკა, რომ ჩვენ არ გვჭირდება მატერიალური ბაზა და ჩვენი ბიზნესი არის ადვილად გადატანადი სხვაგან. თუ ჩვენთან არ იქნა საკანონმდებლო შეღავათები, ჩვენ შეგვიძლია გავიდეთ ოფშორებზე,  მაშინ, როდესაც ვინდა, რომ სხვებიც პირიქით, აქეთ შემოდიოდნენ. ჩვენ  გვინდა არა ოფშორული ზონის შექმნა, არამედ ისეთი ზონის შექმნა, სადაც ადვილი იქნება ბიზნესის დაწყება“,- აცხადებს დავით სიჭინავა.


ყველის მუზეუმის გახსნის საკითხი დააყენა შეხვედრაზე „ყველის მეწარმეთა ასოციაციის თავმჯდომარემ“ ანა მიქაძემ.  მისი თქმით, მუზეუმის გახსნის კონცეფცია მზადაა და მას მხოლოდ დაფინანსება ესაჭიროება.


„მქონდა შესაძლებლობა, რომ პირადად გადამეცა ამ კონცეფციის შესახებ მოსაზრებები და სურვილი პრემიერმინისტრისთვის. ეს კონცეფცია ძალიან კარგად მიიღო პრემიერმინისტრმა და თქვა, რომ ჩართავს ამაში საპარტნიორო ფონდს,  კულტურის სამინისტროს. სოფლის მეურნეობის სამინისტრო ისედაც ჩვენი მხარდამჭერია. რწმენით გამოვედი დარბაზიდან, რომ ჩვენ აუცილებლად გვექნება ყველის მუზეუმი. ჩვენ გვაქვს ყველის წარმოების დიდი ისტორია და ამ შანსის  გაშვება ხელიდან არცერთ სახელმწიფოს არ გაუხარდებოდა. იმედი მაქვს, რომ ჩვენი სახელმწიფოც გონიერი იქნება ამ საკითხში“,- განაცხადა ანა მიქაძემ.


მისივე თქმით, შეხვედრაზე „ფერმერთა ასოციაციის“ ხელმძღვანელმა ნინო ზამბახიძემ დააყენა შეღავათიანი აგროკრედიტის ფარგლებში ფერმერებზე გაცემული სესხების პრობლემა, კერძოდ ის საკითხი, რომ დოლარში გაცემული სესხები ფერმერებს ლარის გაუფასურების გამო გაუძვირდათ.


პრემიერთან შეხვედრას ესწრებოდნენ „რესტორატორთა ასოციაციის“ წარმომადგენლებიც. ქეთევან  კვიჭიძის განცხადებით, პირველი შემთხვევაა, როდესაც მთავრობის წარმომადგენლები მცირე და საშუალო მეწარმეების წარმომადგენლებს შეხვდნენ და ეს წინგადადგმული ნაბიჯია.


„ძალიან საინტერესო ფრაზა თქვა პრემიერმა, მან თქვა: „ჩვენ არ ვართ ამ ქვეყნის უფროსები“ და ეს ძალიან მომეწონა. აქამდე სულ ისე იყო, რომ ხელისუფლებსი წარმომადგენლები გვიყურებდნენ როგორც დირექტორები. არადა რეალურად, სახელმწიფო ჩვენი შემოსავლებით არსებობს. ახლა ასეთი ტონი აღარ არის“,- აღნიშნა ქეთევან კვაჭაძემ.


შეხვედრის შემდეგ მცირე და საშუალო ბიზნესთან ხელისუფლების კომუნიკაციის გაუმჯობესებაზე ისაუბრა „ბაიას ღვინის“ დამფუძნებელმა ბაია აბულაძემაც.


„ძალიან მოხარულები ვართ მცირე მეწარმეები, რომ საშუალება გვაქვს პირდაპირი კონტაქტი გვქონდეს მთავრობის წარმომადგენლებთან და ჩვენი  პრობლემების შესახებ ინფორმაცია მივაწოდოთ. ძირითადი საკითხები ეხებოდა ინფრასტრუქტურულ პრობლემებს, საკანონმდებლო საკითხებს, ძალიან ბევრი ინოვაციური იდეა იყო გაჟღერებული. ძალიან მოხარულები ვართ, რომ მთავრობის მხრიდან არის სრული მზაობა იმისთვის, რომ მსგავსი სახის პრობლემები და გამოწვევები, რაც დაისვა მოგვარდეს“,- აღნიშნა ბაია აბულაძემ.


თავის მხრივ პრემიერმა პირობა დადო, რომ მსგავსი ფორმატის შეხვედრებს მომავალში მცირე და საშუალო მეწარმეებთან აუცილებლად გამართავს, ისევე როგორც მსხვილი ბიზნესის წარმომადგენლებთან. 

 

"კომერსანტი" შეხვედრის მონაწილეებთან ინტერვიუებსა და შეხვედრაზე დასმული თემების გაგრძელებას მომავალი სამუშაო კვირიდან შემოგთავაზებთ.





პროკრედიტ ბანკმა საკუთარი მზის ელექტროსადგური წარადგინა

პროკრედიტ ბანკმა  საკუთარი მზის ელექტროსადგური წარადგინა
access_time2020-07-02 10:40:14
პროკრედიტ ბანკმა მორიგი ინოვაციური მწვანე პროექტი დანერგა. თბილისის ცენტრში, ალექსანდრე ყაზბეგის #21, ბანკის სათაო ოფისის სახურავზე 500 კვ.მ ტერიტორიაზე განთავსებულმა მზის პანელებმა ელექტროენერგიის გამომუშავება უკვე დაიწყო.  განხორციელებული მწვანე ინვესტიციის შედეგად, დაგეგმილია წლიურად 130,000კვტ.სთ. სუფთა ენერგიის გამომუშავება, რითაც ბანკი მოხმარებული სრული ენერგიის 12%-ის ალერნატიულით  ჩანაცვლებას მოახდენს.   პროექტის ფარგლებში,...

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი
access_time2020-07-02 10:25:38
„საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში მაკა ასათიანის და მისი ოჯახის გამარჯვებით დასრულდა. ამასთან დაკავშირებით, მაკა ასათიანი განცხადებას ავრცელებს, რომელსაც „კომერსანტი“ უცვლელად გთავაზობთ: „საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში ჩემი და ჩემი ოჯახის გამარჯვებით დასრულდა. ვფიქრობ, ეს მრავალწლიანი დავა...

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს
access_time2020-07-01 16:45:56
უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია. „ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება.  შევხედავთ გლობალურ სიტუაციას და ამის მერე მივიღებთ...

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი
access_time2020-07-02 10:00:33
„საპარტნიორო ფონდთან დაკავშირებით საკითხი დგას ისე, რომ წამგებიანია და ბიუჯეტმა უნდა დააფინანსოს, რაც ასე არ არის, ბიუჯეტი არაფერს არ აძლევს, უნდა მოხდეს რეორგანიზება და სამართლებრივად სწორი ფორმა მიიღოს. დღეს არის არამოქნილი, რადგან სამეთვალყურეო საბჭოში მინისტრები არიან და გადაწყვეტილებებს ვერ იღებენ, ამიტომ გაუგებარი სიტუაციაა. ეს თუ არ გამოჯანსაღდა, ფონდი ვერც პროექტებს ვერ გააჯანსაღებს. ასე ხელაღებით იმის თქმა, როგორც სჩვევიათ ხოლმე, რომ უნდა გავაუქმოთ და არ არის საჭირო ორგანიზაცია,...

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს
access_time2020-07-01 15:10:06
2020 წლის 1 ივლისიდან, კომპანიის „სოკარ ჯორჯია პეტროლეუმი“ ავტოგასამართი სადგურების ქსელში აგროდიზელის ფასმა 1,36 ლარი შეადგინა. აღნიშნული ფასი ქსელში, სავარაუდოდ, 10 ივლისამდე შენარჩუნდება. „სოკარ ჯორჯია პეტროლეუმი“ განმარტავს, რომ აგროდიზელის ფასის 20 თეთრით გაძვირების მიზეზი საერთაშორისო ბაზარზე ფასების მკვეთრი ზრდაა. კერძოდ, 2020 წლის ივნისის საშუალო საერთაშორისო ფასი ბაზარზე (პლაცი) არის 77%-ით მეტი 2020 წლის აპრილის საშუალო ფასთან შედარებით და 40% მეტი, ვიდრე 2020 წლის...


მსგავსი სიახლეები

up