მცირე ბიზნესი საგადასახადო შეღავათებს ითხოვს

მცირე ბიზნესი საგადასახადო შეღავათებს ითხოვს

person access_time2016-03-02 14:10:31

მცირე ბიზნესი საგადასახადო შეღავათებს ითხოვს. „მცირე მწარმოებელთა და მცირე ბიზნესის კავშირის" ხელმძღვანელი გიორგი ქუთათელაძე ამბობს, რომ აქცენტი მცირე ბიზნესის განვითარებაზე უნდა გაკეთდეს და საჭიროა ბიზნეს სტიმულების შექმნა.

 

გიორგი ქუთათელაძის თქმით, სამი წლის განმავლობაში საკანონმდებლო დონეზე ცვლილებები არ ყოფილა, არადა აუცილებელია, რომ მცირე მეწარმის სტატუსი, რომელიც მხოლოდ ფიზიკურ პირზე ვრცელდება და დღგ–სგან განთავისუფლებას ითვალისწინებს, იურიდიულ კომპანიებზეც გავრცელდეს და დღგ-ს ბრუნვის ზღვარი 100 ათასიდან 300-400 ათასამდე გაიზარდოს.

 

ქუთათელაძე დასძენს, რომ დღეს მცირე ბიზნესთან შეხვედრის დეფიციტია. აუცილებელია საკანონმდებლო ცვლილებები მცირე მეწარმეებთან კონსულტაციის შემდეგ გატარდეს.

 

დღგ-ს ბრუნვის ზღვარის გაზრდის მომხრეა „გადასახადის გადამხდელთა კავშირის" თავმჯდომარეც, გიგლა მიქაუტაძე აცხადებს, რომ კავშირი მუშაობს ამ საკითხზე და უახლოეს მომავალში პრემიერის ეკონომიკურ საბჭოს ინიციატივით მიმართავს.

 

მისი განცხადებით, თუ მცირე და საშუალო ბიზნესის წახალისება გვინდა, მაშინ ეს ნაბიჯი სწორი იქნება. მიქაუტაძე აცხადებს, რომ ამით სახელმწიფო ბიუჯეტს იმდენი არ დააკლდება, რომ კოლაფსის წინაშე აღმოჩნდეს.

 


„ეს მცირე ბიზნესის გარკვეული ნაწილისთვის დიდი შეღავათი იქნება. მათ გაფართოების საშუალება მიეცემათ. აღარ შეეშინდებათ ზღვარს გადასცდნენ. ხშირად არის ხოლმე, რომ კომპანიები იმის გამო, რომ 100 000 ბრუნვას არ გადასცდნენ, სხვა კომპანიებს აფუძნებენ და რეალურად ერთდროულად 2-3 კომპანიას მართავენ. ვფიქრობ, ეს სწორი ნაბიჯი იქნება"-აცხადებს მიქაუტაძე.

 

მისივე განცხადებით, საგადასახადო კანონმდებლობაში განსასაზღვრია ბიზნესის სტატუსიც. ანუ დღეს არის მიკრო და მცირე მეწარმის ცნება, თუმცა, არ არის ცალკე განმარტებული საშუალო და მსხვილი ბიზნესის დეფინიცია. მიქაუტაძე აცხადებს, რომ კარგი იქნება თუ საშუალო და მსხვილი ბიზნესის სტატუსებიც ჩაიდება კოდექსში და ამას რაიმე ხელშესახები შეღავათები მოჰყვება.

 

„კომერსანტის" კითხვაზე, ხომ არ აპირებს აღნიშნული ინიციატივების საკანონმდებლო ორგანოში გაჟღერებას, მიქაუტაძე აცხადებს, რომ ის პარლამენტთან ურთიერთობაში დროს არ დახარჯავს.

 

„პარლამენტთან ურთიერთობისგან თავს ვიკავებ, ვინაიდან არ მგონია, რომ იქ ისხდნენ ადამიანები, ვინც გადაწყვეტილების მიმღებია. აქედან გამომდინარე, ჩემთვის საინტერესოა მხოლოდ აღმასრულებელ ხელისუფლებასთან კომუნიკაცია, პრემიერის ეკონომიკურ საბჭოსთან, რადგან რეალური გადაწყვეტილების მიმღებები იქ სხედან. პარლამენტთან ურთიერთობაში დროის დახარჯვას არ ვაპირებ"-აცხადებს მიქაუტაძე.

 

პარლამენტის საფინანსო-საბიუჯეტო კომიტეტის თავმჯდომარის მოადგილე ნოდარ ებანოიძე აცხადებს, რომ მზად არ არის ამ თემაზე პასუხისთვის, რადგან  მთავარია, მცირე მეწარმეების მხრიდან რა არგუმენტები იქნება წარმოდგენილი.

 

მისი თქმით, აუცილებელია დასაბუთდეს რა ნეგატიური და პოზიტიური მხარეები შეიძლება ჰქონდეს საგადასახადო კოდექსში ამ ცვლილებას.

 

„პარლამენტში ამ ეტაპზე ინიციატივა შემოსული არ არის. ეს საკითხი ძველი ხელისუფლების დროსაც განიხილებოდა, თუმცა, შემდეგ ზღვარი ისევ 100 000 -ზე დატოვეს"-აცხადებს ებანოიძე.

 



Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს
access_time2020-07-01 16:45:56
უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია. „ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება.  შევხედავთ გლობალურ სიტუაციას და ამის მერე მივიღებთ...

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი, დარჩება წმინდა ფინანსური მაჩვენებელი, რომელიც პოზიტიურია“ - ირაკლი იაშვილი

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი, დარჩება წმინდა ფინანსური მაჩვენებელი, რომელიც პოზიტიურია“ - ირაკლი იაშვილი
access_time2020-07-02 10:00:33
„საპარტნიორო ფონდთან დაკავშირებით საკითხი დგას ისე, რომ წამგებიანია და ბიუჯეტმა უნდა დააფინანსოს, რაც ასე არ არის, ბიუჯეტი არაფერს არ აძლევს, უნდა მოხდეს რეორგანიზება და სამართლებრივი სწორი ფორმა მიიღოს. დღეს არის არამოქნილი, რადგან სამეთვალყურეო საბჭოში მინისტრები არიან და გადაწყვეტილებებს ვერ იღებენ, ამიტომ გაუგებარი სიტუაციაა. ეს თუ არ გამოჯანსაღდა, ფონდი ვერც პროექტებს ვერ გააჯანსაღებს. ასე ხელაღებით იმის თქმა, როგორც სჩვევიათ ხოლმე, რომ უნდა გავაუქმოთ და არ არის საჭირო ორგანიზაცია,...

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს
access_time2020-07-01 15:10:06
2020 წლის 1 ივლისიდან, კომპანიის „სოკარ ჯორჯია პეტროლეუმი“ ავტოგასამართი სადგურების ქსელში აგროდიზელის ფასმა 1,36 ლარი შეადგინა. აღნიშნული ფასი ქსელში, სავარაუდოდ, 10 ივლისამდე შენარჩუნდება. „სოკარ ჯორჯია პეტროლეუმი“ განმარტავს, რომ აგროდიზელის ფასის 20 თეთრით გაძვირების მიზეზი საერთაშორისო ბაზარზე ფასების მკვეთრი ზრდაა. კერძოდ, 2020 წლის ივნისის საშუალო საერთაშორისო ფასი ბაზარზე (პლაცი) არის 77%-ით მეტი 2020 წლის აპრილის საშუალო ფასთან შედარებით და 40% მეტი, ვიდრე 2020 წლის...

კომერციულ ბანკებში მოქალაქეთა დეპოზიტების სავალდებულო დაზღვევის ზღვარი 15 000 ლარამდე გაიზარდა

კომერციულ ბანკებში მოქალაქეთა დეპოზიტების სავალდებულო დაზღვევის ზღვარი 15 000 ლარამდე გაიზარდა
access_time2020-07-01 17:25:50
დღეიდან კომერციულ ბანკებში დაზღვეული დეპოზიტების ზღვარი 5 000 ლარიდან 15 000 ლარამდე გაიზარდა. სააგენტოს სადაზღვევო პრემიას ბანკები უხდიან. იმ შემთხვევაში, თუ ბანკს გადახდისუნარიანობის პრობლემა დაუდგება, პროცესში დეპოზიტების სააგენტო ჩაერთვება, რომლის ვალდებულებაა, მოქალაქეს საკუთარ დეპოზიტზე არსებული თანხა 20 დღის ვადაში აუნაზღაუროს. ამ შემთხვევაში, დეპოზიტი გულისხმობს ნებისმიერ პოზიტიურ ბალანსს, რაც ანგარიშზე აქვს მოქალაქეს, ეს შეიძლება, იყოს ვადიანი ანაბარი,...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-01 21:30:48
დღის Top-10 საინტერესო ამბავი 1.საპარტნიორო ფონდი ბიუჯეტიდან არ უნდა დაფინანსდეს, ეს საბჭოთა, კომუნისტური მენტალიტეტია - თემურ ჭყონია „ბიუჯეტით რომ ფინანსდება ზარალიანი კომპანიის აღდგენა, ეს არის კომუნისტური, საბჭოური მენტალიტეტი. კომპანიები, რომლებსაც სახელმწიფოსთვის...


მსგავსი სიახლეები

up