1-ლი ივლისის მდგომარეობით ბანკებში დეპოზიტებზე მიმდინარე ანგარიშების ჩათვლით 35.3 მლრდ ლარი იყო განთავსებული. ლარიზაციის საერთო მაჩვენებელი  39%-ს შეადგენდა, ფიზიკური პირების შემთხვევაში კი 25%-ს. ამასთან ლარში განთავსებულ დეპოზიტზე დარიცხული საპროცენტო განაკვეთი უცხოურ ვალუტასთან შედარებით 8.2-ჯერ მაღალია. ზოგიერთი ბანკის შემთხვევაში 20-ჯერ უფრო მაღალიც. მცირე ზომის ბანკები კლიენტების მოზიდვას დომინანტ ბანკებთან შედარებით უცხოურ ვალუტაში 3-ჯერ ან ზოგ შემთხვევაში 4-ჯერ უფრო მაღალი საპროცენტო სარგებლის დარიცხვით ცდილობენ.

თიბისი ბანკი ლარში 1 წლიან ანაბარზე სარგებლის ვადის ბოლოს გატანით მომხმარებელს 11.45%-ს სთავაზობს, ყოველთვიური გატანის შემთხვევაში 11.13%-ს და წინასწარ გატანის შემთხვევაში 10.05%-ს. დიდი სხვაობა არც ვადის ხანგრძლივობის მიხედვითაა, 3 თვიან ანაბარს 10.6% ერიცხება და 24 თვიანს 12.1%. იგივე ბანკი აშშ დოლარში წლიურად მხოლოდ 0.6%-ს იხდის, 3 თვიან ანაბარზე 0.25%-ს საიდანაც სარგებლისწ ინასწარ გატანა შეუძლებელია. 24 თვიან ანაბარზეც საპროცენტო სარგებელი მხოლოდ 0.85%-მდე იზრდება. თუმცა ეს ყველაფერი არ არის. ევროზე საპროცენტო სარგებელი 24 თვიანი ანაბრის შემთხვევაშიც კი 0%-ის ტოლია. რაც შეეხება ბრიტანულ ფუნტს მას თიბისი წლიურად 0.45%-ს არიცხავს.

საქართველოს ბანკში საპროცენტო სარგებლები პრქატიკულად თიბისის იდენტურია. 12 თვიან დეპოზიტზე ლარს 11.6% ერიცხება, დოლარს - 0.6%, ევროს ამ შემთხვევასიც 0% და ფუნტს 0.45%.

ლიბერთი ბანკიც ლარში 11.6%-ს იხდის, მაგრამ დოლარში განთავსებულ ანაბარს 1.85% ერიცხება, რაც როგორც თიბისის, ასევე საქართველოს ბანკის შეთავაზებას 3-ჯერ აღემატება, გარდა ამისა ლიბერთიში ევროს ანაბარიც მომგებიანია და მას 0%-ის ნაცვლად 1.6% ერიცხება.

ვითიბი ბანკი 1 წლიან ანაბარზე ლარში 12%-ს იხდის, დოლარში 1%-ს, ხოლო ევროში 0.5%-ს. ტერა ბანკი ლარში 11.55%-ს, დოლარში 2%-ს, ხოლო ევროში 1.6%-ს. კრედო ლარში ანაბარს 12.35%-ად იზიდავს, დოლარში 1.35%-ად, ევროში 0.45%-ად. ბაზისბანკი შესაბამისად 12%-ს, 1.5%-სა და 1%-ს.

პროკრედიტ ბანკი ლარში 8%-ს, დოლარში 1.8%-ს და ევროში 1%-ს იხდის. პროკრედიტის დამატებით მოთხოვნას საკმაოდ მაღალი მინიმალური თანხის შენატანი წარმოადგენს, ანაბრის გასახნელად დეპოზიტზე 13 000 ლარის ან 5000 დოლარის/ევროს განთავსებაა აუცილებელი.

1 წლიან ანაბარზე დოლარში ყველაზე მაღალ 2.65%-ს პაშა ბანკი იხდის 4.4-ჯერ მეტს თიბისის და საქართველოს ბანკი, ევროზე კი 1.6%-ს არიცხავს. 2 წლიან ანაბარზე კი დოლარსი ანაბრის განხსნა ყველაზე მომგებიანი ქართუშია სადაც 24 თვეზე დეპოზიტს წლიურად 3.35% ერიცხება.

ზოგიერთ შემთხვევაში მომხმარებელი მცირე ზომის ბანკებს არ ენდობა, გარდა იმისა რომ საბანკო სფერო საკმაოდ მკაცრად რეგულირებადი და კონტროლირებადია, 2018 წლიდან 15 000 ლარის ჩათვლით ყველა ანაბრი დაზღვეულია, რაც უსაფრთხოების დამატებით გარანტიას იძლევა.