შინაგან საქმეთა სამინისტროს საგანგებო სიტუაციების მართვის სამსახურის თანამშრომელმა „ბაუჰაუს“ ბარიდან დაკარგული კიდევ ერთი ახალგაზრდის, გიორგი შალამბერიძის ცხედარიც იპოვეს, - ინფორმაციას შსს ავრცელებს.

„საქმეზე უკვე ჩატარდა სხვადასხვა სახის საგამოძიებო მოქმედებები, მათ შორის გამოკითხული არიან “ბაუჰაუს” ბარის თანამშრომლები, დაკარგული ახალგაზრდების ოჯახის წევრები, მეგობრები და საქმესთან შემხებლობაში მყოფი სხვა პირები. ამ დრომდე გრძელდება საგამოძიებო და საძიებო სამუშაოები „ბაუჰაუს“ ბარიდან დაკარგულ ახალგაზრდა მამაკაცზე“ - აცხადებენ უწყებაში.

თბილისში, ბარ „ბაუჰაუსის“ ორი თანამშრომელი 15 აგვისტოს დაიკარგა. გიორგი შალამბერიძე და ბაია ბერუაშვილი 15 აგვისტოს ბარიდან 5 საათზე წავიდნენ.

როგორც შსს იუწყება, ორი ახალგაზრდის გაუჩინარების შესახებ პოლიციაში შეტყობინება 15 აგვისტოს, დაახლოებით 21:00-ზე შევიდა და პოლიციამ ინტენსიურ რეჟიმში დაიწყო შესაბამისი საძიებო ღონისძიებები.

დღეს დილიდან მათი სამძებრო სამუშაოები მტკვარზე დაიწყეს. ცოტა ხნის წინ გავგირორცელდა ინფორმაცია, რომ მტკვარში მაშველებმა ბიჭის ცხედარი იპოვეს, თუმცა მისი ამოცნობა რამდენიმე წუთის წინ დასრულდა.

ფაქტთან დაკავშირებით გამოძიება 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.