რუსეთში ტვირთების გაგზავნას წყვეტს და საქმიანობას აჩერებს მსოფლიოს უმსხვილესი ონლაინ მაღაზია Amazon. კომპანია ასევე ზღუდავს რუსეთიდან წვდომას მის ონლაინ პლატფორმაზე Prime Video.
ამერიკულმა კომპანიამ, რომელიც არის მსოფლიოში ტკბილეულის მწარმოებელი უმსხვილესი კომპანია, მიიღო გადაწყვეტილება შეაჩეროს მარკიტინგული საქმიანობა რუსეთში და ბელარუსში, როგორც მისი ტკბილეულის, ასევე ცხოველების საკვები პროდუქციის. კომპანია Mars ამავე სახელწოდების შოკოლადის გარდა ასევე ფლობს ისეთ ცნობილ ბრენდებს როგორებიცაა Bounty, Milky Way, Twix, M&M's, Skittles Orbit და Wrigley's და ცხოველების საკვებ Pedigree, Royal Canin და Sheba-ს.
რუსეთში საქმიანობის შეჩერების გადაწყვეტილება მიიღო ასევე ალკოჰოლური სასმელების Jack Daniel's და Finlandia-ს მწარმოებელმა კომპანიამ Brown-Forman. კომპანიაში აცახდებენ, რომ ისინი უერთდებიან მსოფლიო თანამეგობრობას, რომლებიც მოუწოდებენ დანარჩენს მსოფლიოს შეაჩერონს კომერციული საქმიანობა რუსეთში.
ბიზნესის განვითარება შეაჩერა რუსეთში სასტუმროების ქსელმა Hilton და Hyatt. ამერიკულმა კომპანიებმა აღნიშნული გადაწყვეტილება რუსეთის მხრიდან უკრაინაში შეჭრის შედეგად შექმნილი სიტუაციის გამო მიიღეს. კომპანიები აჩერებენ საქმიანობას რუსეთში და არ იმუშავებენ ახალ ბიზნეს პროექტებზე.
რუსეთს ტოვებს მსხვილი ამერიკული სამშენებლო ტექნიკის მწარმოებელი კომპანია Caterpillar. მათი განცხადებით, რუსეთში საქმიანობა სულ უფრო რთულდება, შესაბამისად, მიიღეს გადაწყვეტილება საქმიანობის შეჩერებაზე. Caterpillar-ის ქარხანა რუსეთში 2000 წლიდან მოქმედებს, სადაც ესკალატორებს და სხვადასხვა ტექნიკას აწარმოებენ.
რუსეთსა და ბელარუსს ტოვებს იაპონური პრინტერების მწამორბელი Epson. კომპანია აღნიშნულს ასევე უკრაინაში რუსეთის შეჭრის შედეგად წარმოქმნილ სიტუაციას უკავშირებს. ისინი ამავდროულად 1 მლნ დოლარს გადარიცხავენ უკრაინის დასახმარებლად.
რუსეთსა და ბელარუსში საქმიანობა შეაჩერა ამერიკულმა აეროკოსმოსურმა კომპანიამ Honeywell. მიზეზი ამ შემთხვევაშიც უკრაინაში შექმნილი სიტუაციაა.
bpn.ge