კომპანია Meta-ს დამფუძნებელი მარკ ცუკერბერგი Forbes-ის უმდიდრესი ადამიანების გლობალურ რეიტინგში მე-12 ადგილამდე დაეშვა, მას შემდეგ რაც მისი კომპანიის აქციები მნიშვნელოვნად გაუფასურდა.
ამ დროისთვის მარკის ქონება 84,8 მლრდ დოლარადაა შეფასებული, ცუკერბერგმა 1 დღე-ღამეში 30 მილიარდამდე დოლარი დაკარგა, რაც ერთ-ერთი ყველაზე დიდი დანაკარგია ისტორიაში, წერს ჟურნალი. აღსანიშნავია რომ მარკ ცუკერბერგი მსოფლიოს მილიარდერების ათეულში 2015 წლიდან იმყოფება და მას შემდეგ არც ერთხელ არ გამცდარა ათეულის ფარგლებს.
ცნობისთვის, ოთხშაბათს კომპანიამ Meta გასული წლის მეოთხე კვარტლის ფინანსური ანგარიში წარადგინა, რომელშიც ნაჩვენებია სუსტი ზრდა და კვარტალურად მომხმრებელთა კლება, მაშინ როცა იზრდება მისი კონკურენტის TikTok-ის მომხმარებელთა რაოდენობა, წერს გამოცემა. ინვესტორებმა ასევე მიაქციეს ყურადღება იმ მოსალოდნელ ხარჯებზე, რომლის გაწევასაც კომპანია მიმდინარე წელს აპირებს. შედეგად კი კომპანიის აქციები უკვე ხუთშაბათს 26%-ით გაუფასურდა, რაც მისი 2012 წელს ბირჟაზე გასვლის მომენტიდან მოყოლებული, ყველაზე ცუდი მაჩვენებელია.
წყარო: "ბიზნესპრესნიუსი"