Facebook-ის დამფუძნებელმა მაკრ ცუკერბერგმა Bloomberg-ის უმდიდრესი ადამიანების სიაში მესამე ადგილზე გადმოინაცვლა. ბოლო მონაცემებით, მისი ქონება 80,4 მლრდ დოლარად არის შეფასებული. ის ბოლო პერიოდში 2,04 მლრდ დოლარით გამდიდრდა.
პლანეტის ყველაზე მდიდარ ადამიანად კვლავ Amazon-ის დამფუძნებელი ჯეფ ბეზოსი რჩება. მისი ქონება Bloomberg-ზე 143 მლრდ დოლარად არის შეფასებული, წლის განმავლობაში კი ბიზნესმენი 28,3 მლრდ დოლარით გამდიდრდა.
107 მლრდ დოლარის ქონებით სამეულშია კომპანია Microsoft-ის დამფუძნებელი ბილ გეითსი. Berkshire Hathaway-ის მფლობელმა უორენ ბაფეტმა კი Bloomberg-ის მილიარდერების სიაში მე-5 ადგილზე გადაინაცვლა. ბოლო პერიოდში მისი ქონება 20,7 მლრდ დოლარით შემცირდა და 68,6 მლრდ დოლარი შეადგინა.
Bloomberg-ის სიაში უმდიდრეს ადამიანთა ათეული ასე გამოიყურება:
1. ჯეფ ბეზოსი - 143 მილიარდი დოლარი
2. ბილ გეიტსი - 107 მილიარდი დოლარი
3. მარკ ცუკერბერგი - 80,4 მილიარდი დოლარი
4. ბერნარ არნო - 77 მილიარდი დოლარი
5. უორენ ბაფეტი - 68,6 მილიარდი დოლარი
6. სტივ ბალმერი - 66,5 მლრდ დოლარი
7. ლარი პეიჯი - 65,5 მლრდ დოლარი
8. სერგეი ბრინი - 63,5 მლრდ დოლარი
9. ლარი ელისონი - 59,3 მილიარდი დოლარი
10. მუკეშ ამბანი - 54,7 მლრდ დოლარი
bpn.ge
მარკ ცუკერბერგი
