მარიამ ქვირივშვილი- კარანტინის პროექტის მიზანმიმართული დისკრედიტაციის მცდელობა აქვთ, რათა თავი აარიდონ სავალდებულო კარანტინის გავლას“

მარიამ ქვირივშვილი- კარანტინის პროექტის მიზანმიმართული დისკრედიტაციის მცდელობა აქვთ, რათა თავი აარიდონ სავალდებულო კარანტინის გავლას“

access_time2020-08-15 16:15:59



მთავრობის საკოორდინაციო საბჭოს სხდომის შემდეგ გამართულ ბრიფინგზე ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა საკარანტინო სივრცეებთან დაკავშირებით განმარტება გააკეთა.


„ბოლო პერიოდში საკარანტინო პროექტის დისკრედიტაციის მცდელობას აქვს ადგილი. ბუნებრივია მცდელობები არ მართლდება. მნიშვნელოვანია ვიყოთ გულწრფელები და გამოვავლინოთ ის რეალური მიზეზები, თუ რატომ გააქტიურდი მსგავსი შემთხვევები. ეს ეხება იმ ადამიანებს, რომლებიც აღნიშნული საკითხებით ცდილობენ თავი აარიდონ იმ სავალდებულო უკვე 12 დღიან კარანტინის პერიოდს, რომელიც უნდა გაიარონ.
კიდევ ერთხელ განვმარტავთ, რომ საკარანტინო სივრცეების პროექტი, საქართველოს მთავრობამ საკოორდინაციო საბჭოს მეთაურობით შექმნა და მსოფლიოში აღიარებულია, როგორც ერთ-ერთი საუკეთესო პრაქტიკა, რომელმაც უდიდესი წვლილი შეიტანა ჩვენს ქვეყანაში კოვიდ-19-ის გავრცელების პრევენციის კუთხით.
დღევანდელი მონაცემებით, საკარანტინო სივრცეებში გამოკვეთილია საქართველოში კოვიდ-19-ის იმპორტირების 300-ზე მეტი შემთხვევა. ალბათ მარტივია საზოგადოებისთვის და მედიასაშუალებებისთვის, რომ შეაფასონ თუ რა მოხდებოდა ეს 300 ადამიანი, რომ არ გადაეყვანათ საკარანტინო სივრცეებში, ვირუსი მასიურად გავრცელდებოდა. მოგახსენებთ, რომ კოვიდ-19-ის იმპორტირებული შემთხვევები ყოველდღიურად, მეტ-ნაკლები ინტენსივობით საკარანტინო სივრცეებში დასტურდება. ეს ნიშნავს, რომ ქვეყანაში კოვიდ-19-ის მატარებლები შემოდიან და ამ შემთხვევების ყველაზე ეფექტური პრევენცია სწორედ საკარანტინო სივრცეებია. არაფერი რომ არ ვთქვათ, თუ რა მასშტაბის ღირებულა აქვს საკარანტინო სივრცეებს ტურიზმის ინდუსტრიის არაპირდაპირი ხელშეწყობის კუთხით. მინდა კიდევ ერთხელ მოგახსენოთ, თუ როგორ ხდება საკარანტინო სივრცეების პროექტში ჩართვა. ჩვენ გვაქვს ჯანდაცვის სამინისტროს მიერ დაწესებული მარტივი, მკაფიო კრიტერიუმები, რაც მსოფლიო ჯანდაცვის ორგანიზაციის სტანდარტებს ეყრდნობა. ყველა სასტუმრო რომელმაც ინტერესი გამოხატა აღნიშნულ პროექტში მონაწილეობის მისაღებად, იმ ფიქსირებული ტარიფით, რომელიც სახელმწიფომ დააწესა, დღეს საკარანტინო პროექტში ჩართულია. ასევე დაგიდასტურებთ, რომ სასტუმროების დიდმა ნაწილმა უარი განაცხადა საკარანტინო პროექტში ჩართვაზე. უარის ორი მიზეზი მივიღეთ. პირველი, გაუგებარი მიზეზების გამო სასტუმროების მფლობელებს ურჩევნიათ სასტუმრო იყოს დახურული ვიდრე პროექტში ჩაერთოს, თუმცა ჩვენ ვფიქრობთ, რომ ამ პროექტში მონაწილეობით სასტუმროების მეპატრონეებს საშუალება ექნებათ თანამშრომლები დასაქმებული ჰყავდეთ, მეორე მიზეზია იმ სასტუმროების კატეგორია, რომელმაც შიდა ტურიზმიდან საბედნიეროდ საკმაოდ მაღალი დატვირთვის კოეფიციენტი მიიღო.




რაც შეეხება საკარანტინო სივრცეებში არსებულ პირობებს, ჩვენ ღიად მოვუწოდებთ ყველას, განსაკუთრებით მედიასაშუალებებს, მზად ვართ მაქსიმალური ინტენსივობით შემოგთავაზოთ მედია ტურები საქართველოში არსებულ საკარანტინო სივრცეებში. ჩვენ ვუზრუნველყობთ, თქვენს ჩასვლას, პროტოკოლების დაცვით, თქვენ შეაფასეთ არსებული მდგომარეობა და შემდეგ მიაწოდეთ ობიექტური ინფორმაცია საზოგადოებას. ეს არის 5 ვარსკვლავიანი სერვისი, რომლის მისაღწევადაც ძალიან ბევრი ადამიანი შრომობს,რომ კარანტინში მყოფ ადამიანებს ჰქონდეთ მაქსიმალური კომფორტული გარემო. ჩვენ გვესმის, რომ კარანტინში ყოფნა არც თუ ისე სასიამოვნო პროცესია, მაგრამ ეს არის სოციალური პასუხისმგებლობა, რომელიც თითოეულ ჩვენგანს გვაკისრია როგორც ჩვენი ოჯახების, ასევე მთელი ქვეყნის წინაშე.“-განაცხადა მარიამ ქვრივიშვილმა.

თეგები:
კარანტინი



თბილისი-ნიუ-იორკს შორის პირდაპირი ავიამიმოსვლის დაწყება იგეგმება

თბილისი-ნიუ-იორკს შორის პირდაპირი ავიამიმოსვლის დაწყება იგეგმება
access_time2020-11-25 16:00:32
Air Georgia-ს საქართველოში Airbus 330-300 ხომალდის ჩამოყვანის შემდეგ ნიუ-იორკში პირდაპირი რეისის განხორციელების სურვილი აქვს. კომპანიის დამფუძნებელი, გიორგი კოდუა განმარტავს, რომ ხომალდს მსგავსი რეისის განხორციელების ყველა შესაძლებლობა აქვს.   „უკვე მოვაწერეთ ხელი პროექტს დიდ ფუჟელაჟიანი თვითმფრინავის ჩამოყვანაზე. ბოლო 30 წლის განმავლობაში საქართველოს ავიაკომპანიას არასოდეს ჰქონია დიდი გაბარიტების სამგზავრო თვითმფრინავი, რომ განეხორციელებინოს თბილისი-ნიუ-იორკის,...

„უპრეცენდენტო მასშტაბის, 35 %-იანი ჰოსპიტალიზაცია ჯანდაცვის სისტემის კოლაფსს გამოიწვევს“ - გიორგი კანდელაკი

„უპრეცენდენტო მასშტაბის, 35 %-იანი ჰოსპიტალიზაცია ჯანდაცვის სისტემის კოლაფსს გამოიწვევს“ -  გიორგი კანდელაკი
access_time2020-11-25 15:00:20
„დღეს ჩვენ გვაქვს გამოვლენილი შემთხვევების 30-35% -იანი ჰოსპიტალიზაციის ჯერ არნახული, არსად გაგონილი, საღი აზრისთვის მიუწვდომელი მასშტაბი. “ -  ამის  შესახებ განცხადებას  აშშ–ში, ჯორჯიის შტატში მდებარე ემორის უნივერსიტეტის სამედიცინო სკოლის ასისტენტ პროფესორი და ინფექციონისტი გიორგი კანდელაკი ავრცელებს. მისი თქმით, ვითარებითან გამოსვლის ერთი ძალიან მარტივი  გზა არსებობს,  რომელსაც არც ტექნოლოგიური და  არც მეცნიერული  პოტენციალი სჭირდება,...

ნავთობის ფასის მატების პარალელურად საწვავის ფასიც იზრდება

ნავთობის ფასის მატების პარალელურად საწვავის ფასიც იზრდება
access_time2020-11-25 11:55:00
ნავთობის ფასის მატების პარალელურად საწვავის ფასიც იზრდება, ამის შესახებ ინფორმაციას ნავთობპროდუქტების იმპორტიორთა კავშირი ავრცელებს. არასამთავრობო ორგანიზაციის განცხადებას კომერსანტი უცვლელად გთავაზობთ: „ბოლო პერიოდში ნავთობის ფასი ძირითადად იზრდება და ყველაზე მაღალ მაჩვენებელზე დგას მარტის თვის შემდეგ.  კერძოდ, მიმდინარე წლის ნოემბრის თვის დასაწყისიდან დღემდე ნავთობის ფასი  ლონდონის Inter Continental Exchange Futures...

ლიბერთის აქცია #გულით პედაგოგებისთვის გრძელდება

ლიბერთის აქცია #გულით პედაგოგებისთვის გრძელდება
access_time2020-11-25 09:55:55
ლიბერთის შეთავაზება, სპეციალურად პედაგოგებისთვის, სამომხმარებლო სესხებზე გრძელდება. აქციის ფარგლებში, პედაგოგები, რომლებიც აიღებენ ან სხვა ბანკიდან გადმოიტანენ სამომხმარებლო სესხს, ისარგებლებენ 3 თვემდე საშეღავათო პერიოდით, რაც ნიშნავს საშეღავათო პერიოდის...

„ლარის სისუსტეზე ერთ-ერთ მნიშვნელოვან გავლენას ელექტროენერგიის იმპორტის ზრდა ახდენს“

„ლარის სისუსტეზე ერთ-ერთ მნიშვნელოვან გავლენას ელექტროენერგიის იმპორტის ზრდა ახდენს“
access_time2020-11-25 12:03:44
ახლა, როცა თქვენ ამ სტატიას კითხულობთ, საქართველოში 477 მგვ ელექტროენერგიის იმპორტი ხორციელდა.   წლების განმავლობაში ქვეყანაში ელექტროენერგიის მოხმარება იმაზე მეტად იზრდება, ვიდრე მოსალოდნელი იყო, შესაბამისად, იმპორტის წილიც და ღირებულებაც გაზრდილია. „კომერსანტი“ დაინტერესდა რა განაპირობებს ელექტროენერგიის მზარდს იმპორტს, ხედავენ თუ არა დარგის...


მსგავსი სიახლეები

up