მარიამ ჯაში: „ჩვენ გადავარჩინეთ მცხეთა და გელათი“

მარიამ ჯაში: „ჩვენ გადავარჩინეთ მცხეთა და გელათი“

access_time2019-02-14 14:00:52

„კულტურული მემკვიდრეობის დაცვის ეროვნულმა სააგენტომ 2018-2019 წლებში უპრეცედენტო სარეაბილიტაციო და სარესტავრაციო სამუშაოები გაწია კულტურული მემკვიდრეობის დაცვის მიმართულებით“, - განაცხადა პარლამენტის განათლების, მეცნიერებისა და კულტურის კომიტეტის თავმჯდომარემ, მარიამ ჯაშმა ბორჯომში გამართულ კომიტეტის სხდომაზე, რომელზეც დეპუტატებმა კულტურული მემკვიდრეობის დაცვის ეროვნული სააგენტოს 2018 წლის შესრულებული სამუშაოს ანგარიში მოისმინეს.


ანგარიში, 2019 წლის სამოქმედო გეგმასთან და საკანონმდებლო კუთხით არსებულ გამოწვევებთან ერთად სააგენტოს დირექტორმა, ნიკოლოზ ანთიძემ წარმოადგინა. მისი თქმით, 2018 წლის განმავლობაში მიმდინარეობდა ისეთი მნიშვნელოვანი კულტურული მემკვიდრეობის ძეგლების რეაბილიტაცია, როგორებიცაა: კუმურდო, ვარძია, უფლისციხის ინფრასტრუქტურა, ნიკორწმინდა, გორისციხე, ნიკო დადიანის სასახლე, სვანეთის კოშკები და მაჩუბები, მეტეხის ტაძარი, სენაკის ხორავას სახელობის თეატრი.


„2018 წელს სააგენტო მუშაობდა 40 ძეგლის რეაბილიტაციის პროექტზე. დღეისათვის დასრულებულია 25 პროექტი. შემუშავებულია ენგურის ტურისტული ცენტრის პროექტი ესტონური კომპანიის მიერ. ჩატარდა მნიშვნელოვანი სამუშაოები ობიექტების ინვენტარიზაციისა და მათთვის ძეგლის სტატუსის განსაზღვრის თვალსაზრისით“, - განაცხადა ნიკოლოზ ანთიძემ. მისი ინფორმაციით, საერთაშორისო მიმართულებით მიღწეულია წარმატებები კულტურული მემკვიდრეობის სფეროში კონვენციებისა და საერთაშორისო ხელშეკრულებების შესრულების კუთხით, ასევე, საზღვარგარეთ არსებული ქართული კულტურული მემკვიდრეობის დაცვის თვალსაზრისით. მან, ასევე, ისაუბრა 2019 წელს დაგეგმილი კულტურული მემკვიდრეობის ძეგლების რეაბილიტაციის, კონსერვაციის, კვლევისა და პროექტირების შესახებ.


კომიტეტის თავმჯდომარის, მარიამ ჯაშის შეფასებით, კულტურული მემკვიდრეობის დაცვის სააგენტო უაღრესად მნიშვნელოვან საქმიანობას ეწევა. მისი ინფორმაციით, დასრულების სტადიაშია მუცოს სარეაბილიტაციო სამუშაოები, გრძელდება ნოქალაქევის კომპლექსის, აწყურის ღვთისმშობლის ტაძრისა და აწყურის ციხის რეაბლიტაცია.


„ერთ-ერთი უდიდესი მიღწევაა მცხეთისა და გელათის ამოღება იუნესკოს საფრთხის ქვეშ მყოფი მსოფლიო მემკვიდრეობის სიიდან. ჩვენ გადავარჩინეთ მცხეთა და გელათი“, - განაცხადა მარიამ ჯაშმა.



მისი თქმით, 2018 წელს კულტურული მემკვიდრეობის ძეგლების მოვლისა და რესტავრაციის საქმესთან დაკავშირებით 8000-ზე მეტი ადამიანი დასაქმდა. მისივე ინფორმაციით, სააგენტოსა და და საქართველოს ისტორიულ ძეგლთა დაცვისა და გადარჩენის ფონდის ძალისხმევით, ასევე სამინისტროსა და ფონდი „ქართუს“ ხელშწყობით 122 ძეგლის რეაბილიტაცია განხორციელდა.


„ბოლო 5 წლის მანძილზე მნიშვნელოვნად იზრდება მუზეუმებსა და მუზეუმნაკრძალებში ვიზიტორთა რაოდენობა, რის შედეგადაც 5-ჯერ გაიზარდა შემოსული ფინანსური რესურსების რაოდენობა“, - განაცხადა კომიტეტის თავმჯდომარემ.


როგორც მარიამ ჯაშმა აღნიშნა, 2019 წელს კომიტეტის მთავარი საკანონმდებლო ინიციატივა იქნება კულტურული მემკვიდრეობის კოდექსის შემუშავება, რომელიც შექმნის როგორც მატერიალური, ასევე არამატერიალური მემკვიდრეობის დაცვის გარანტიების გასაუმჯობესებელ რეგულაციებს.


„კულტურის უწყებასთან და ინფრასტრუქტურისა და რეგიონული განვითარების სამინისტროსთან კოორდინაციით, კომიტეტი უკვე ახალ საკანონმდებლო ინიციატივაზე მუშაობს, თუ როგორ შეიძლება ეროვნული კატეგორიის ძეგლების ისტორიის ნებსით თუ უნებლიედ დამახინჯებისგან დაცვა. ჩვენ ხშირად გვხვდება პრაქტიკაში, რომ სხვადასხვა ქვეყნის სტუმრებს ახლავთ მათივე ტურისტული სააგენტოს ქოლგის ქვეშ მყოფი გიდები, რომლებიც შესაძლოა, გარკვეულ ისტორიულ ფაქტებს არაზუსტად აწვდიდნენ ტურისტებს. პირველ ეტაპზე, ვიწყებთ საანოტაციო და საინფორმაციო დაფების განთავსების ვალდებულების შემოღებას საკანონმდებლო დონეზე, რათა ეროვნული კატეგორიის ძეგლები იყოს დაცული მათი ისტორიისა და ისტორიული ცნობების არამართლზომიერი მიწოდებისგან“, - განაცხადა მარიამ ჯაშმა.


კომიტეტის სხდომა ბორჯომში 13 თებერვალს გაიხსნა და 15 თებერვლამდე გაგრძელდება. კომიტეტის წევრები განათლების, მეცნიერების, კულტურისა და სპორტის სამინისტროს ხელმძღვანელ პირებთან ერთად 2019 წლის სამოქმედო გეგმას დაამტკიცებენ. სხდომის დღის წესრიგშია, აგრეთვე, განათლების, მეცნიერების, კულტურისა და სპორტის სამინისტროსა და მის შემადგენლობაში შემავალი საჯარო სამართლის იურიდიული პირების 2019 წლის სამოქმედო გეგმა და პრიორიტეტული მიმართულებები.


კომიტეტის სხდომა ბორჯომში ეროვნულ-დემოკრატიული ინსტიტუტის (NDI) მხარდაჭერით იმართება.







იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები
access_time2021-06-25 16:30:13
საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა. მისი თქმით, ეკონომიკური სტაბილურობისა და ქვეყნის სიძლიერისთვის რეგიონების განვითარება და ახალი სამუშაო ადგილების შემქნა...

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე
access_time2021-06-25 14:50:47
საქართველოს ბიზნეს ასოციაციაში ტურიზმის კომიტეტის სხდომა გაიმართა, სადაც სექტორში არსებულ მთავარ გამოწვევად კვალიფიციური კადრების გადინება და შედეგად მათი სხვადასხვა ინდუსტრიებში გადანაწილება დასახელდა. ასოციაციის წევრი კომპანიებისა და კომიტეტის...

თინუსის სენდვიჩი თინუსისა და პურის გარეშე – NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს

თინუსის სენდვიჩი თინუსისა და პურის გარეშე –  NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს
access_time2021-06-25 16:00:51
Subway–ს რესტორნების ქსელს ახალი პრობლემა აქვს: The New York Times–ის დამოუკიდებელმა გამოძიებამ ირიბად დაადასტურა, რომ პოპულარულ სენდვიჩში ჩადებული თინუსი არ აღმოჩნდა რეალური თინუსი. გამოძიების შედეგი თანხვედრაშია აშშ–ში მიმდინარე წელს გაკეთებულ კოლექტიურ სარჩელთან. გასულ წელს ირლანდიის სასამართლომ დაადგინა, რომ ამ პროდუქტში არც პურია პური. ამის შესახებ The New York Times წერდა. ამ თემაზე „კომერსანტი“ საქართველოში Subway–ს  წარმომადგენელს გივი ორდენიძეს დაუკავშირდა,...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2021-06-25 13:55:24
დღეიდან თიბისი ფეის ვებგვერდსა და აპლიკაციაში ნებისმიერი სერვისის გადახდას საკომისიოს გარეშე შეძლებთ.   თიბისი ფეი არის პორტალი, სადაც თავმოყრილია 1000-ზე მეტი სერვისი. აქ შესაძლებელია გადაიხადოთ სხვადასხვა ტიპის გადასახადი, ასევე გადარიცხოთ ან მოითხოვოთ თანხა.   www.tbcpay.ge-ს მეშვეობით შეგიძლიათ დაფაროთ კომუნალური გადასახადები, საბანკო და სადაზღვევო თანხები, გადაიხადოთ სწავლის საფასური, შეიძინოთ სასაჩუქრე ბარათები...

ხაზარაძე საშემოსავლო გადასახადის შემცირების ინიციატივით გამოდის

ხაზარაძე საშემოსავლო გადასახადის შემცირების ინიციატივით გამოდის
access_time2021-06-25 13:50:20
ლელოს ლიდერი მამუკა ხაზარაძე პარლამენტის დარგობრივი ეკონომიკის კომიტეტის სხდომაზე საშემოსავლო გადასახადის 15–18%–მდე შემცირების ინიციატივით გამოვიდა. „თუ გვინდა რომ შემოსავალი გავზარდოთ, საშემოსავლო გადასახადი ქვეყანაში უნდა იქნას დაწეული. თუ საშემოსავლო გადასახადს დავწევთ 15-18 პროცედნტამდე, მე გარანტიას გაძლევთ, რომ ქვეყანა მიღებს მშპ–ის საკმაოდ სერიოზულ დანამატს და შეოსავალს ქვეყნის ბიუჯეტში“, - განაცხადა მამუკა ხაზარაძემ. მან „სტრატეგია აღმაშენებლის“ ლიდერის გიორგი...


მსგავსი სიახლეები

up