მარია ზახაროვა - ჩვენ ვხედავთ, საქართველოს როგორ ტენიან იარაღით, ითრევენ სამხედრო ბლოკებში და ამის მოტივაციად ვაშინგტონსა და ბრიუსელში რაღაც სტაბილურობას ასახელებენ

მარია ზახაროვა - ჩვენ ვხედავთ, საქართველოს როგორ ტენიან იარაღით, ითრევენ სამხედრო ბლოკებში და ამის მოტივაციად ვაშინგტონსა და ბრიუსელში რაღაც სტაბილურობას ასახელებენ

access_time2019-09-13 12:39:40

რუსეთის საგარეო საქმეთა სამინისტრო დასავლეთს სამხრეთ კავკასიაში ვითარების დესტაბილიზაციაში სდებს ბრალს. ამის შესახებ პრესკონფერენციაზე უწყების ოფიციალურმა წარმომადგენელმა, მარია ზახაროვამ განაცხადა.


„თუ კონკრეტულ ფაქტებზე ვისაუბრებთ, ჩვენ ვხედავთ, როგორ ტენიან საქართველოს იარაღით, ითრევენ სამხედრო ბლოკებში და ამის მოტივაციად ვაშინგტონსა და ბრიუსელში ამ სახელმწიფოსა და მთელი რეგიონის რაღაც „სტაბილურობას“ ასახელებენ. მუდმივად საუბრობენ რუსულ ოკუპაციაზე და ა.შ. მსურს შეგასხენოთ, რომ სწორედ აშშ-ის ზეწოლით მიღებულმა 2008 წლის ნატო-ს ბუქარესტის სამიტის გადაწყვეტილება ჩრდილოატლანტიკურ ალიანსში საქართველოს „გარანტირებული“ შესვლის შესახებ მიხეილ სააკაშვილის რეჟიმის მიერ იყო აღქმული, როგორც პირდაპირი სიგნალი სამხრეთ ოსეთის წინააღმდეგ აგრესიისთვის. ამ აგრესიამ, საბოლოო ჯაში, რეგიონში ცვლილებები გამოიწვია, რომლის წინაპირობები და მიზნები დასავლელი ანალიტიკოსებისა და ოფიციალური პირების მიერ ჯიუტად უგულვებელყოფილია“, – განაცხადა მარია ზახაროვამ.



რუსეთის საგარეო საქმეთა სამინისტროს ოფიციალური წარმომადგენლის მტკიცებით, ოკუპირებული აფხაზეთი და ე.წ. სამხრეთ ოსეთი რუსეთის დახმარებით „აძლიერებენ თავიანთ სახელმწიფოებრიობას, დარჩენილი პრობლემების მიუხედავად, წარმატებით ავითარებენ ეკონომიკას, სოციალურ სფეროს, საგარეო ვაჭრობასა და საერთაშორისო კავშირებს“.



„ჯამში, გასული წლების განმავლობაში ქართული აგრესიისა და ეკონომიკური ბლოკადის შედეგად სერიოზულად დაზარალებული აფხაზეთიც და სამხრეთ ოსეთიც, შედგნენ როგორც სუვერენული დამოუკიდებელი სახელმწიფოები. ორივე რესპუბლიკაში მოქმედებს საკანონმდებლო, აღმასრულებელი და სასამართლო ხელისუფლების ორგანოების სისტემა, ვითარდება პოლიტიკური გარემო და დემოკრატიული პროცესები, შენარჩუნებულია ეროვნული კულტურა და თვითმყოფადობა. რჩება ძალიან ბევრი პრობლემა, რომლებიც გვარდება (ზოგიერთი წარმატებით, ზოგიერთის გადაწყვეტილება კი ჯერ მოსაძებნია)“, – განაცხადა ზახაროვამ, რომლის თქმითაც, „სოხუმისა და ცხინვალის საერთაშორისო პოზიციები მყარდება“. ამის ბოლო მაგალითად მან სირიასთან ე.წ. დიპლომატიური ურთიერთობების დამყარება დაასახელა.



რუსეთის საგარეო საქმეთა სამინისტრო დასავლელ პარტნიორებს ოკუპირებული აფხაზეთისა და ცხინვალის რეგიონებში ჩასვლას ურჩევს.



„თუ ჩვენ დასავლელ პარტნიორებს და მათ, ვინც მათ ინფორმაციულად ემსახურება, სურთ, გაიგონ რეალური სიტუაცია ამ სახელმწიფოებში, შესაძლებელია იქ უბრალოდ ჩასვლა. როგორც ამბობენ, სიმართლეს ფასი არ აქვს, თუმცა ამ შემთხვევაში – აქვს. ეს ფასი ექვივალენტურია ბილეთის ფასის, რომელიც შეიძლება შეიძინო, ჩახვიდე სამხრეთ ოსეთსა და აფხაზეთში და უბრალოდ გაესაუბრო ხალხს, რომელიც იქ ცხოვრობს, პირდაპირ ჰკითხო მათ, რას ფიქრობენ ისინი რეგიონში და თავიანთ ქვეყნებში შექმნილ სიტუაციაზე, როგორ აფასებენ ისინი საკუთარ რეალიებს იმის მაგივრად, რომ მთელი ისტორია მათ ნაცვლად მოიგონო“, – განაცხადა ზახაროვამ.



რუსეთის საგარეო უწყების ოფიციალურმა წარმომადგენელმა ასევე ოკუპირებულ აფხაზეთში გამართულ ე.წ. საპრეზიდენტო არჩევნებზე ისაუბრა და აღნიშნა, რომ „ეს არის იმ ფაქტის კიდევ ერთი დადასტურება, რომ აფხაზეთის რესპუბლიკა შედგა როგორც თავისუფალი, დამოუკიდებელი სახელმწიფო, რომელიც ავითარებს ეკონომიკას და სხვა სფეროებს დემოკრატიულ საფუძვლებზე“. მან კიდევ ერთხელ აღნიშნა, რომ დეზინფორმაციის შემცველი მრავალი პუბლიკაციის მიუხედავად, საჭიროა აფხაზეთსა და ე.წ. სამხრეთ ოსეთში ჩასვლა, „თუ გსურთ გაიგოთ, რა ხდება იქ“.



1ტვ





„საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“

 „საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“
access_time2020-05-24 19:00:27
„საკმაოდ პესიმისტური პროგნოზი გვაქვს. ალბათ, რესტორნების დიდი ნაწილი ასეთ რეგულაციებს ვერ გაუძლებს“,- ამის შესახებ საქართველოს რესტორატორთა ასოციაციის პრეზიდენტმა კოტე გაბრიჩიძემ „ბიზნესპრესნიუსთან“ საუბრისას განაცხადა. აღნიშულით ის covid19-თან დაკავშირებით მიღებულ...

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება
access_time2020-05-24 10:00:55
საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება. შესაბამისი გადაწყვეტილება საქართველოს მთავრობის N322 დადგენილებაშია ასახული.  ჩერდება: სარკინიგზო ტრანსპორტით მგზავრთა გადაყვანა, გარდა სამომსახურეო სარკინიგზო მიმოსვლისა, რომლის ფარგლებში სატვირთო გადაზიდვების შეუფერხებლად წარმოების მიზნით ხდება სს „საქართველოს რკინიგზის“ მიერ შემუშავებული გრაფიკით თანამშრომლების გადაადგილება/გადაყვანა საცხოვრებელი...

ქართულ ეთერზეთს უკვე ევროპაშიც ყიდიან

ქართულ ეთერზეთს უკვე ევროპაშიც ყიდიან
access_time2020-05-24 18:00:45
წლების განმავლობაში საქართველოში მრეწველობის ისეთი მნიშვნელოვანი დარგიც განადგურდა, როგორიც ეთერზეთების წარმოებაა, არადა, ევროპის ბაზარზე ამ პროდუქციაზე დიდი მოთხოვნაა. მას იყენებენ პარფიუმერიაში, მედიცინაში, კულინარიასა თუ ქიმიურ მრეწველობაში. თავის დროზე საბჭოთა კავშირი რამდენიმე სახეობის ეთერზეთს სწორედ საქართველოდან გზავნიდა....

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან
access_time2020-05-24 20:00:33
  გასულ კვირას საფრანგეთში იზოლაციის რეჟიმიდან გასვლა დაიწყო - მოქალაქეებს მოხმარების და გადაადგილების გაცილებით მეტი შესაძლებლობები გაუჩნდა.   თუმცა, კვლევების თანახმად, ფრანგები სამომხმარებლო ქცევის შეცვლას და მეტ ფულის დაზოგვას გეგმავენ. პრიორიტეტების იცვლება - ზოგი მეტად ადგილობრივი საქონლის შეძენას, ზოგი ჰიპერმარკეტებში ვაჭრობაზე უარის თქმას, ზოგი ონლაინ-ყიდვების გააქტიურებას, ზოგი - ჯანმრთელობაზე დანახარჯების ზრდას აპირებს.   ეს...

The Telegraph: ზამთარში ევროპას კორონავირუსის უფრო მძიმე ტალღა ელის

The Telegraph: ზამთარში ევროპას კორონავირუსის უფრო მძიმე ტალღა ელის
access_time2020-05-24 16:00:00
  ევროპა კორონავირუსის მეორე, უფრო მძიმე და მომაკვდინებელი ტალღისთვის უნდა მოემზადოს, რადგანაც, პანდემია ჯერ არ დასრულებულა - განაცხადა ჯანდაცვის მსოფლიო ორგანიზაციის დირექტორმა ევროპაში ჰანს კლიუგემ.   მან გააფრთხილა ევროპის ქვეყნები, რომლებიც შეზღუდვებს ხსნიან - „დღეს არა ზეიმის, არამედ მომზადების დროა“.   მისი თქმით კორონავირუსით დაავდების შემთხვევების რაოდენობა ევროპის ქვეყნებში აშკარად შემცირდა, თუმცა, ეს პანდემიის დასრულებას...


მსგავსი სიახლეები

up