მარჯვენასაჭიანი მანქანები 2 კვირაში 15%-ით გაძვირდა

მარჯვენასაჭიანი მანქანები 2 კვირაში 15%-ით გაძვირდა

access_time2017-01-20 12:30:39


მანქანების გაძვირებამ ავტობაზარი უკვე შესამჩნევად დააზარალა. ზოგიერთმა კომპანიამ და კერძო დილერმა, რომლებიც საქართველოში ავტმობილების იმპორტს ეწეოდნენ, საქმიანობა შეწყვიტა. ნაწილი კი იმ მანქანების გაზრდილ ფასად გაყიდვას აპირებს, რომლებიც შეკვეთილი აქვთ და ჩამოსვლას ელოდებიან. როგორც გაზეთი „რეზონანსი" წერს, ამასობაში წლის დასაწყისიდან მოყოლებული უკვე რეგისტრირებული მარჯვენასაჭიანი მანქანები 10-15%-ით გაძვირდა.

 

უკვე დარეგისტრირებული მარჯვენასაჭიანი ავტომობილების ღირებულება ერთ-ორ თვეში კიდევ უფრო მოიმატებს და მათი მფლობელები შეეცდებიან მეტი მოგებით გაყიდონ. როდესაც ბაზარზე დეფიციტია, გაძვირება ლოგიკურია, თუმცა გამორიცხული არ არის, სოციალურად მძიმე მდგომარეობაში მყოფმა მოსახლეობამ მაღალი ფასის გადახდა ვერ მოახერხოს.

 

2017 წლის იანვრიდან მარჯვენასაჭიან მანქანებზე აქციზის განაკვეთი გასამმაგდა. ამ კატეგორიის მანქანების თვითღირებულებაში აქციზის კომპონენტი, მაგალითისთვის, თუ ადრე 1000 ლარი იყო, ახლა უკვე 3000 ლარამდე გაიზარდა. გადასახადი გაძვირდა იმდენად, რომ მარჯვენასაჭიანი მანქანის შემოყვანა საბოლოოდ კარგავს აზრს. დიდი ალბათობით, მთავრობა ასე აგვარებს მარჯვენასაჭიანების იმპორტის პრობლემას, რითაც მოჭარბებული იმპორტის საკითხიც მოგვარდება.

 

ავტოდილერები, რომლებსაც წლებია საქართველოში იაპონიიდან მანქანები ჩამოჰყავთ, საქმიანობას წყვეტენ. გიორგი ცერცვაძე ერთ-ერთი მათგანია, რომელიც განბაჟების გაძვირების შემდეგ ავტომობილების ჩამოყვანას აღარ აპირებს. როგორც მან "რეზონანსს" განუცხადა, უკვე რეგისტრირებული მანქანების ძვირად გაყიდვას აპირებს, ხოლო მათი სრულად რეალიზაციის შემდეგ საქმიანობის შეწყვეტას.

 

"4 წელია მე და ჩემს ძმას საერთო ბიზნესი გვქონდა, მანქანები ჩამოგვყავდა იაპონიიდან. საკმაოდ მომგებიანი იყო ჩვენი ერთობლივი წამოწყება. მთავრობის დადგენილებით აქციზის გაძვირება, რასაკვირველია, ავტომობილის შეძენის ხარჯსაც აძვირებს და საერთო ჯამში, საავტომობილო ბიზნესზე უარყოფითად მოქმედებს. ახალ წლამდე მოვასწარით და დღესდღეობით 25 მანქანა გვყავს რეგისტრირებული, რომელიც ჩვენი სახსრებით განვაბაჟეთ. ამისთვის ბანკიდან კრედიტიც კი ავიღეთ. ამ 25 მანქანას აუცილებლად მომატებული ფასით გავყიდით, რადგან საბანკო ვალდებულების დაფარვის გარდა, ჩვენც დაგვრჩეს ცოტა მეტი მოგება.

 


ხანდახან იმასაც ვფიქრობ, როგორ გავყიდი მანქანას, რომელიც რამდენიმე თვის წინათ 3000 დოლარი ღირდა, 6000 დოლარად? ძალიან რთულ მდგომარეობაში ვართ. ხალხში ფული არ ტრიალებს, თუმცა სხვა გამოსავალი არც ჩვენ გვაქვს და მანქანების გაძვირება აუცილებლად მოგვიწევს", - განუცხადა "რეზონანსს" ცერცვაძემ.

 

მარჯვენასაჭიანების კიდევ უფრო გაძვირებას ელოდება თემურ კაცაძეც, რომელიც საკუთარი ავტომობილის გაყიდვას მხოლოდ მას შემდეგ აპირებს, როდესაც მათი ფასი კიდევ უფრო მოიმატებს.

 

"მარჯვენასაჭიანი მანქანის გაყიდვა მას შემდეგ გადავწყვიტე, რაც მეორე მანქანა (მარცხენასაჭიანი შევიძინე).
დღეს იაპონური ავტომობილები 10-15%-ით გაძვირებულია. იმ მანქანების ღირებულება, რომლებიც უკვე გასაბაჟებელია, რასაკვირველია, მაღალია, თუმცა არც განბაჟებულს ადევს ნაკლები ფასი. სწორედ ამის გამო ჩემი მანქანის გაყიდვა გადავწყვიტე, თუმცა ჯერ არ ვჩქარობ, რადგან ველოდები კიდევ როდის მოიმატებს ფასი, რაც გარდაუვალია. ამის შემდეგ კი გავყიდი", - განუცხადა "რეზონანსს" კაცაძემ.

 

ავტომობილების გაძვირებას მყიდველები სკეპტიკურად უყურებენ. ნიკა ტალიაშვილი "რეზონანსთან" საუბრისას აცხადებს, რომ მანქანის ყიდვას ფინანსებიდან გამომდინარე ვეღარ ახერხებს. სამომავლოდ მათი კიდევ უფრო გაძვირება მოსახლეობას რთულ მდგომარეობაში ჩააგდებს, რადგან უმრავლესობა საჭიროებისთვისაც კი ვეღარ მოახერხებს მანქანის შეძენას.

 

"არ ვარ მომხრე, რომ უსაშველოდ გაზარდონ გადასახადი ავტომობილებზე, ბაზარს ამით რეალური მყიდველი დააკლდება. ხალხი მანქანას საჭიროებიდან გამომდინარე ყიდულობს. რეგულაციების შემდეგ მათი იმპორტიც და რეალიზაციაც შემცირდება და ავტომობილი მოსახლეობის დიდი ნაწილისთვის ფუფუნების საგანი გახდება. მაგალითად, მე ნამდვილად მჭირდება მანქანა, რომლის შეძენას ვეღარ ვახერხებ. სანამ გაძვირდებოდა, იმდენი თანხა არ მქონდა, რომ მეყიდა, რასაც ახლა ძალიან ვნანობ. ჯობდა თანხის ის ნაწილი, რაც მაკლდებოდა, კრედიტის მეშვეობით დამემატებინა, მაგრამ ასეთი სისწრაფით ავტომობილების გაძვირებას ვერ წარმოვიდგენდი", - აღნიშნა "რეზონანსთან" საუბრისას ტალიაშვილმა.

 

2016 წლის მონაცემებით, საქართველოში აქტიური სტატუსით რეგისტრირებული 1 136 961 ავტომანქანაა. შინაგან საქმეთა სამინისტროს საინფორმაციო-ანალიტიკური დეპარტამენტის ცნობით, 2016 წლის 31 დეკემბრის მდგომარეობით, საქართველოში "აქტიური" სტატუსით რეგისტრირებული იყო 1 136 961 ერთეული ავტომანქანა (მსუბუქი/სამგზავრო/სატვირთო/სპეციალიზებული).

 

2016 წელს, 2015 წელთან შედარებით, საქართველოში ავტომობილების რაოდენობამ 8%-ით მოიმატა. 2015 წელს აღნიშნული მაჩვენებელი 1 053 181 იყო. რაც შეეხება დედაქალაქს, თბილისში 2016 წელს, რეგისტრირებული ავტომობილების რაოდენობამ 419 193 შეადგინა, რაც 2015 წლის მაჩვენებელს 7%-ით აღემატება. 2015 წელს დედაქალაქში 389 756 ავტომობილი აღირიცხებოდა. 2016 წელს ქვეყანაში შემოვიდა 83 780 მანქანა, აქედან დაახლოებით 40 000-მდე მარჯვენასაჭიანი იყო.

 

 




დღის Top 10 საინტერესო ამბავი

დღის Top 10 საინტერესო ამბავი
access_time2020-08-06 21:00:03
დღის Top 10 საინტერესო ამბავი: 1.მაია სიდამონიძე: უახლოესი ორი წლის განმავლობაში ტურიზმის სექტორი ჩვეულ რიტმს ვერ დაუბრუნდება ეკონომიკისა და მდგრადი განვითარების მინისტრის ნათია თურნავას ინფორმაციით, საქართველოში უცხოელი ტურისტები გამოჩნდნენ. როგორც მინისტრმა განაცხადა, საქართველოში შემოსული ავიარეისების ¾-ს სწორედ ქვეყნის...

პირველად ბოლო 6 წელში რკინიგზას სატვირთო გადაზიდვით შემოსავალი გაეზარდა

პირველად ბოლო 6 წელში რკინიგზას სატვირთო გადაზიდვით შემოსავალი გაეზარდა
access_time2020-08-06 17:40:00
პირველად ბოლო 6 წლის განმავლობაში საქართველოს რკინიგზას ტვირთის გადაზიდვით მიღებული შემოსავალი გაეზარდა. სატვირთო გადაზიდვები სახელმწიფო კომპანიის შემოსავლის ყველაზე დიდ ნაწილს აგენერირებს. 2019 წელს რკინიგზამ ამ გზით 109.4 მლნ დოლარი მიიღო, რაც წლიურად 14%-ით გაზრდილი მაჩვენებელია. შემოსავლის ზრდაზე დადებითი გავლენა იქონია როგორც მშრალი, ასევე თხევადი ტვირთების გადაზიდვებმა. ჯამში რკინიგზამ გასულ წელს 174.2 მლნ დოლარის შემოსავალი...

AIRBALTIC-მა თბილისის მიმართულებით რეგულარული ფრენები განაახლა

AIRBALTIC-მა თბილისის მიმართულებით რეგულარული ფრენები განაახლა
access_time2020-08-06 16:00:25
6 აგვისტოს, ლატვიურმა ავიაკომპანია airBaltic თბილისის მიმართულებით რეგულარული ფრენები განაახლა. ინფორმაციას თბილისისა და ბათუმის საერთაშორისო აეროპორტების ოპერატორი კომპანია TAV Georgia ავრცელებს. რიგიდან თბილისში 126 მგზავრი ჩამოფრინდა, ხოლო თბილისიდან რიგის მიმართულებით 141 მგზავრი გაფრინდა. აეროპორტში მოსულ მგზავრებს, ტავის ბრენდირებული პირბადეები დაურიგდათ. 20 აგვისტომდე ფრენები კვირაში ერთი სიხშირით შესრულდება:✔️ რიგა - თბილისი | ყოველ...

პირველი ბრენდირებული ქართული ქვევრის ლუდი ამერიკისა და იაპონიის ბაზარზე

პირველი ბრენდირებული ქართული ქვევრის ლუდი ამერიკისა და იაპონიის ბაზარზე
access_time2020-08-06 16:30:15
ქვევრის ლუდის გამოჩენამ არამარტო ქართულ, არამედ საერთაშორისო ბაზარზე დიდი დაინტერესება გამოიწვია. როგორია დამზადების ტექნოლოგია, როგორ ხვდება ლუდი ქვევრში, რამდენად მაღალია მომხმარებლების დაინტერესება და რა პოზიცია უჭირავს ქვევრის ლუდს საერთაშორისო ბაზარზე – ამ დეტალების გასარკვევად „კომერსანტი“ მწარმოებელი კომპანიის Gotsa Wines-ის მფლობელს ბექა გოცაძეს დაუკავშირდა. „როგორც მეღვინეობაში მთავარი არის ყურძენი და ვენახი, ისე ლუდში მთავარია ალაოდა...

Die Welt: ამერიკა ეკონომიკურ კატასტროფას განიცდის

Die Welt: ამერიკა ეკონომიკურ კატასტროფას განიცდის
access_time2020-08-06 19:50:38
ბოლო თვეებში ამერიკა ეკონომიკურ კატასტროფას განიცდის, 5 წლიანი უწყვეტი ზრდის შედეგები მე-2 კვარტალში დაინგრა, როდესაც ქვეყნის მშპ, ინვესტიციების და შიდა მოხმარების ვარდნის გამო 9,5%-ით დაეცა. 2020 წლის მე-2 კვარტალი ეკონომიკური თვალსაზრისით, ბოლო 75 წლის მანძილზე ყველაზე საშინელი იყო. ამის კარგი მაგალითია ნიუ-იორკი, სადაც მარტის დასაწყისიდან 2800 საწარმო დაიხურა, ხოლო 240 000 მცირე ოჯახური კომპანიიდან (ყავახანები, სილამაზის სალონები, პატარა...


მსგავსი სიახლეები

up