მარან-მუზეუმ ,,ნუმისის“ შემოსავალი  წელიწადნახევარში თითქმის განულდა

მარან-მუზეუმ ,,ნუმისის“ შემოსავალი წელიწადნახევარში თითქმის განულდა

access_time2021-09-21 14:00:33

პანდემიის პირობებში კულტურულ ტურებზე მოთხოვნა თითქმის აღარ არის. გურჯაანის მუნიციპალიტეტის სოფელ ველისციხეში მდებარე მე-16 საუკუნის მარან-მუზეუმის „ნუმისის“ მფლობელი ნუნუ კარდენახიშვილი ,,კომერსანტთან“ ამბობს, რომ მუზეუმს ყოველდღიურად ათეულობით ვიზიტორი სტუმრობდა, თუმცა, კორონავირუსის გამო, ტურისტების ვიზიტი ჯერ შემცირდა, შემდეგ კი, საერთოდ შეწყდა. ამ ეტაპზე ,,ნუმისი“ძირითადად პოლონელი და უკრაინელი ტურისტების იმედადა, რადგან შიდა ტურები უკვე იშვიათობაა.



,,შარშან საერთოდ არ გვყავდა ტურისტი, წელს მცირე კონტინგენტს მაინც ვმასპინძლობთ. პანდემიამდელ 2019 წელთან შედარებით, 90%-ით შეგვიმცირდა შემოსავალი, სერიოზულ კრიზისს განვიცდით. პანდემიის გამო მოულოდნელად გაჩერდა ყველაფერი და დავრჩით აღებული ვალდებულებების წინაშე, კინაღამ დავკარგეთ მთელი ქონება. რაღაც ნაწილი გავყიდეთ და ამით გავისტუმრეთ ბანკის სესხი, ცხადია, გაყიდულიც გადავაგდეთ, რადგან დღეს არავის არაფერი აინტერესებს. მიმდინარე სეზონზე ძირითადად უკრაინელ და პოლონელ ტურისტებს ვიღებთ, 5 თვეში ერთხელ შეიძლება თითო ამერიკელი, ჩინელი და ფრანგი ტურისტი გვეწვიოს, ისიც, ვინც საქართველოში ცხოვრობს ან ქვეყანასთან რაღაცით არის დაკავშირებული, სხვა კატეგორიის დამთვალიერებლები არ გვყავს. ამ მხრივ შიდა ტურისტების ვიზიტებიც თითქმის გაჩერდა. შეიძლება ეს იმითაც არის გამოწვეული, რომ მიმდინარე სეზონზე მუშაობს ძირითადად სასტუმრო, აუზები და საუნა აქვს, კულტურულ ტურებს ნაკლებად ჰყავს დამთვალიერებელი“, - ამბობს კარდენახიშვილი ,,კომერსანტთან“.



მარან-მუზეუმის მფლობელი აღნიშნავს, რომ სეზონის მიხედვით 9-15 ადამიანი ჰყავდა დასაქმებული და ამ ეტაპზე ნახევარიც ვერ შეინარჩუნა.



ნუნუ კარდენახიშვილის ინფორმაციით, მარან-მუზეუმში გახსნილია მუდმივმოქმედი გამოფენა, რომელშიც დაცულია სხვადასხვა ეპოქის თიხის, მინის, სპილენძის და ხის ჭურჭელი, აგრეთვე სხვა ნივთებიც. ისინი მოგვითხრობენ ქართული მეღვინეობის და ეთნოგრაფიის მრავალსაუკუნოვან ისტორიასა და კულტურაზე. კოლექციაში გამორჩეული ადგილი უკავია ძველი წელთაღრიცხვის III-II საუკუნეში დამზადებულ ღვინის მრავალფეროვან თიხის ჭურჭელს და ქალის სამკაულებს, ყელსაბამებს, ბეჭდებს, XVIII საუკუნის სპილენძის ღვინის ჭურჭელს, ძველ ხალიჩებს, ნოხებს და ავეჯს. ასევე საბჭოთა ნივთებს, მათ შორის პირველ ტელევიზორებს, მუსიკალურ ინსტრუმენტებს და სხვა.




გარემოს დაცვისა და სოფლის მეურნეობის სამინისტრომ 2016 წელს დაიწყო პროგრამა, რომელიც ახალგაზრდა ფერმერებისა და მეწარმეების მხარდაჭერას ითვალისწინებს. პროგრამის ფარგლებში, მხოლოდ კახეთის რეგიონში, ათობით ახალი საოჯახო მარანი აშენდა. დღეს, ეს მარნები ტურისტული დანიშნულების ადგილებია, სადაც სტუმრებს ქართული ტრადიციული მეთოდით დაყენებული ღვინის დაგემოვნების შესაძლებლობა აქვთ.



თუმცა, როგორც ვხედავთ, დღეს ეპიდემიის გამო დარგი სერიოზული გამოწვევის წინაშეა და მთავრობისგან მეტ მხარდაჭერას ელოდება.

 




მარი ჩიტაია





საქართველოში ყველის ძირითადი იმპორტიორი გერმანიაა

საქართველოში ყველის ძირითადი იმპორტიორი გერმანიაა
access_time2021-11-28 21:00:55
საქართველოდან ყველის ექსპორტი 41%-ით გაიზარდა. „საქსტატის“ მონაცემებით, 2021 წლის იანვარ-ოქტომბერში საქართველომ 101.9 ტონა ყველის ექსპორტში $642.6 ათასის შემოსავალი...

მატარებელი ფრთებით - განვითარების რა ეტაპზეა რკინიგზა მსოფლიოში

მატარებელი ფრთებით - განვითარების რა ეტაპზეა რკინიგზა მსოფლიოში
access_time2021-11-28 22:30:05
...

რატომაა აუცილებელი საპორტო სიმძლავრეების გაზრდა საქართველოსთვის

რატომაა აუცილებელი საპორტო სიმძლავრეების გაზრდა საქართველოსთვის
access_time2021-11-29 00:00:11
...

ქართული წვენების ექსპორტი გაიზარდა - შემოსავალი $8 მილიონს აჭარბებს

ქართული წვენების ექსპორტი გაიზარდა - შემოსავალი $8 მილიონს აჭარბებს
access_time2021-11-28 19:00:46
2021 წლის იანვარ-ოქტომბერში გასული წლის შესაბამის პერიოდთან შედარებით, საქართველომ ხილის და ბოსტნეულის წვენების ექსპორტი 22%-ით, 6.7 ათას ტონამდე გაზარდა. „საქსტატის“ მონაცემებით, $6.5 მილიონიდან $8.2 მილიონამდე გაიზარდა ექსპორტიდან მიღებული...

როგორ მუშაობს პროექტი ,,იმუშავე საქართველოდან“

როგორ მუშაობს პროექტი ,,იმუშავე საქართველოდან“
access_time2021-11-28 18:00:19
პროექტ ,,იმუშავე საქართველოდან“ ამოქმედებიდან დღემდე, 3129 უცხოელი დარეგისტრირდა, საიდანაც 501 აპლიკანტს უარი ეთქვა - ამის შესახებ საქართველოს ტურიზმისა და კურორტების ეროვნულ ადმინისტრაციაში განაცხადეს. უწყების ცნობით, ქვეყნაში უკვე შემოსულია 1 117 პირი, რაც პოტენციურად 6 თვის განმავლობაში 14 მლნ...


მსგავსი სიახლეები

up