უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.

მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი გათავისუფლება თირკმლების დაავადების გამო  2020 წლის თებერვალში მოითხოვა.

1920 წელს ჩარლზ პონცის თაღლითური სქემა ისტორიას კიდევ დიდხანს შემორჩება, მან მალევე დაასრულა „თაღლითური კარიერა“. მედოფი  ჰპირდებოდა კლიენტებს, რომ უზარმაზარ მოგებას მოუტანდა, თუმცა იგი არსებულ კლიენტებს ახალი ინვესტორების თანხებით უხდიდა.  

პონცისგან განსხვავებით, რომელმაც ერთი წლის განმავლობაში განიცადა აღმასვლაც და დაცემაც. მედოფი სფეროს წარმომადგენლებს შორის დიდი პატივისცემით სარგებლობდა. 1990 წელს მედოფი Nasdaq-ის საფონდო ბირჟის აღმასრულებელი დირექტორიც იყო.

ათასობით კლიენტმა მედოფს 19 მილიარდო დოლარი ანდო, რადგან ისინი ყალბი განცხადებებითა და სავაჭრო შეთანხმებებით დაარწმუნა. მათ სჯეროდათ, რომ მათ ანგარიშებზე 65 მილიარდი დოლარი იყო.

თაღლითობის სქემა 2008 წელს გამოვლინდა, როცა საფონდო ბირჟების დაცემამ კლიენტებს აიძულა სხვა რესურსები ეძებნათ - იმაზე მეტი, ვიდრე მედოფს შეეძლო მოეტყუებინა. მისმა შვილებმა ენდრიუ და მარკმა ფედერალურ ბიუროსთან გაამხილეს, რომ მამამ მათი თანდასწრებით დანაშაული აღიარა.

Bloomberg.com

მარიამ მორგოშია