მამუკა ხაზარაძე - ოპოზიცია გააგრძელებს მშვიდობიან პროტესტს, ვიდრე არ ჩატარდება სამართლიანი და გამჭვირვალე არჩევნები

მამუკა ხაზარაძე - ოპოზიცია გააგრძელებს მშვიდობიან პროტესტს, ვიდრე არ ჩატარდება სამართლიანი და გამჭვირვალე არჩევნები

access_time2021-02-26 14:20:00

ქვეყანას სჭირდება გადატვირთვა, რომლის ერთადერთი გზა არის რიგგარეშე არჩევნები, – ამის შესახებ „ლელო საქართველოსთვის“ ლიდერმა მამუკა ხაზარაძემ განაცხადა.

მისი თქმით, ოპოზიცია გააგრძელებს მშვიდობიან პროტესტს, ვიდრე ქვეყანაში არ ჩატარდება სამართლიანი და გამჭვირვალე არჩევნები.

„ქვეყანა არის უმძიმეს ეკონომიკურ, პოლიტიკურ, პანდემიურ კრიზისში, უიმედობაში. მთავრობა არის აბსოლუტურად უსუსური და ქვეყანაში სუფევს სრული უსამართლობა. გუშინდელი განცხადებებით კიდევ ერთხელ დადასტურდა, რომ ჩვენ არც სასამართლო გვყავს, არც პროკურატურა და არც მართლმსაჯულება. ამიტომ, მოთხოვნა არის უცვლელი – ქვეყანას სჭირდება გადატვირთვა, რომლის ერთადერთი გზა არის რიგგარეშე არჩევნები. ჩვენ გავაგრძელებთ მშვიდობიან პროტესტს კონსტიტუციურ ფარგლებში, ვიდრე ქვეყანაში არ ჩატარდება სამართლიანი და გამჭვირვალე არჩევნები. ეს იქნება ათვლის წერტილი, საიდანაც დაიწყება სერიოზული რეფორმები, სასამართლო, ეკონომიკური რეფორმები და ქვეყნის წინსვლა. აუცილებელი მოთხოვნაა, ყველა პოლიტიკურად მოტივირებული საქმის შეწყვეტა. ხალხის ხმა არის ყველაზე მნიშვნელოვანი. ეს ქვეყანა ხალხს ეკუთვნის და არა მოკალათებულ ჩინოვნიკებს, რომლებსაც ჰგონიათ, რომ ვიღაცამ აჩუქა ეს ადგილები“, – განაცხადა მამუკა ხაზარაძემ.

მისი თქმით, დიალოგის გამართვა არჩევნების დასრულების პირველივე დღიდან ოპოზიციის მოწოდება იყო.


„დიალოგის მოწოდება არის ჩვენი პოზიცია პირველივე დღიდან, როდესაც არჩევნები დამთავრდა. ოთხი რაუნდი გაიმართა, მეხუთე რაუნდი კი, ხელისუფლების წარმომადგენლებმა ჩააგდეს თავიანთი ქმედებებით. ჩვენ ღია ვართ დიალოგისთვის, რადგან საქმე არ ეხება პარტიებსა ან ძალაუფლებას შორის ბრძოლას, საქმე ეხება ჩვენი ქვეყნის მომავალს. ქვეყანა ასე ვერ განვითარდება, ამიტომ ჩვენ უნდა მივეჩვიოთ ხიდების აშენებას, დიალოგს და საერთო მიზნის გარშემო გაერთიანებას. საერთო მიზანი კიდევ არის ის, რომ ქვეყანა ამოვიყვანოთ ჭაობიდან, ვინც უნდა იყოს – ოცნების მხარე თუ ოპოზიციის, ამას არ აქვს მნიშვნელობა, ყველა ამ ქვეყნის შვილები ვართ. ყველამ უნდა ვნახოთ ძალა, შევთანხმდეთ ევროატლანტიკურ სივრცეში სასწრაფო გაერთიანებაზე, ევროპულ კურსზე, და რაც ყველაზე მთავარია, ქვეყნის ამ ძალიან სერიოზული, სახიფათო მდგომარეობიდან გამოყვანაზე“, – განაცხადა მამუკა ხაზარაძემ.

1tv.ge




ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up