მამუკა ხაზარაძე - მოვუწოდებ ხელისუფლებას, გამოუშვან პოლიტიკური პატიმრები, სასწრაფოდ დანიშნონ რიგგარეშე არჩევნები და დაე, ქართველმა ხალხმა გააკეთოს არჩევანი

მამუკა ხაზარაძე - მოვუწოდებ ხელისუფლებას, გამოუშვან პოლიტიკური პატიმრები, სასწრაფოდ დანიშნონ რიგგარეშე არჩევნები და დაე, ქართველმა ხალხმა გააკეთოს არჩევანი

access_time2021-02-23 16:00:00

„მოგიწოდებთ ყველას განურჩევლად პარტიული კუთვნილებისა, დღეს ჩვენ, მთელი საქართველო უნდა გავერთიანდეთ დემოკრატიის და თავისუფლების გადასარჩენად,- ამის შესახებ „ლელოს” ლიდერმა, მამუკა ხაზარაძემ მთავრობის ადმინისტრაციასთან გამართულ აქციაზე სიტყვით გამოსვლისას განაცხადა.

მისი თქმით, დღეს საქართველო კრიტიკულ მომენტში იმყოფება.

„ბოლო წლებია ვუყურებთ, როგორ მიდის ჩვენი ქვეყნის დემოკრატიული ინსტიტუციების მოგუდვა. სასამართლოს, პროკურატურის, თავისუფალი სიტყვის ჯიბეში ჩადება. დღეს გავრილოვის თემაზე აპატიმრებენ ოპოზიციური პარტიის ლიდერს 40 ათასი ლარის გამო, როცა ამ შენობაში ბიუჯეტიდან მილიონებს იპარავენ და ამას შეცდომას ეძახიან. ჩვენ გვიან გამოვფხიზლდით, მაგრამ თუ გამოვფხიზლდით, უკან დახევა არ იქნება არც ერთი ნაბიჯით, იმიტომ, რომ შეიძლება გავიღვიძოთ საბჭოთა კავშირში.

მინდა მივმართო „ოცნების” მხარდამჭერებს, ნუ მიყვებით ინერციას და არგუმენტი იმისა, რომ 9 წლის წინაც ასე იყო, ჩემთვის აღარ მუშაობს. მინდა ვიყურო მომავალში, მინდა ჩემს შვილებთან, ჩვენს შვილებთან ერთად ახალი და ძლიერი საქართველო ავაშენო. მე მინდა ამ ქვეყნის გაერთიანება თქვენთან ერთად, მშენებლობა, ეკონომიკის აღორძინება, აფხაზეთის დაბრუნება და ყველაფრის, რაც წაგვართვეს, ჩვენი ემიგრანტების დაბრუნება და წარსულში მაყურებელი ადამიანი, ქართველი კაცი, რომელიც ვერ გადალახავს იმ ამპარტავნებას, რომ მელაპარაკოს 18 წლის წინანდელი ამბებით, წინ ვერ წავა”,- განაცხადა ხაზარაძემ.

მისივე თქმით, დემოკრატია ნიშნავს იმას, ქართველმა ხალხმა სწორი არჩევანი უნდა გააკეთოს.

„დაგვემართა ის, რომ გადავყევით “ფეისბუქზე” და კლავიატურაზე რაღაცების აკრეფას, ტელევიზორის ყურებას და ველოდებით, რომ კიდევ ვიღაცა მოვა და ის დაალაგებს სიტუაციას: არავინ არ მოვა. დემოკრატიული სისტემა ნიშნავს, რომ თითოეული თქვენგანი უნდა იყოს ამ ქვეყნის პატრონი, ქუჩა იქნება ეს, სოფელი თუ ქალაქი. ეს მოძრაობა უნდა მივიყვანოთ ბოლომდე, გამარჯვებამდე.


დღეს ჩვენთან არის მთელი ცივილური მსოფლიოს ყველა ცივილური ადამიანი. გამოსავალი არის ერთი, მოვუწოდებ ხელისუფლებას, გამოუშვან პოლიტიკური პატიმრები, სასწრაფოდ დანიშნონ რიგგარეშე არჩევნები და დაე, ქართველმა ხალხმა გააკეთოს არჩევანი. ეს არის ერთადერთი სწორი გამოსავალი. თუ ამას არ მივაღწიეთ დროზე, ქვეყანაში ტანკები მონაგონი იქნება. 20% კი არ იქნება ოკუპირებული, მენტალურად გვექნება საქართველო დაკარგული!.- განაცხადა ხაზარაძემ.


IPN.GE







დღის TOP 10 საინტერესო ამბავი

დღის TOP 10 საინტერესო ამბავი
access_time2021-05-05 21:00:52
დღის Top 10 საინტერესო ამბავი: 1. განვითარების სტრატეგიის არარსებობა, შეუსრულებელი ხელშეკრულებები და გაუმჭვირვალე ხარჯი - როგორ მუშაობს „მთის კურორტების კომპანია“ კომპანიის განვითარების სტრატეგიის არარსებობა, შეუსრულებელი...

საყოველთაო ვაქცინაციის დასრულებას 45 მლრდ. დოლარი დასჭირდება

საყოველთაო ვაქცინაციის დასრულებას 45 მლრდ. დოლარი დასჭირდება
access_time2021-05-05 20:00:45
დედამიწის მთლიანი ზრდასრული მოსახლეობის კორონავირუსისგან აცრას 45 მლრდ. დოლარი დასჭირდება - განაცხადა ჯანდაცვის მსოფლიო ორგანიზაციის ხელმძღვანელმა ტედროს გებრეუსმა.   მისი თქმით, ეს თანხა 19 მლრდ. დოლარს დაემატება, რომელიც მიიღო საერთაშორისო პროგრამა ACT Accelerator-მა, რომელიც ორგანიზაციამ მსოფლიოში კორონავირუსთან ბრძოლისთვის შექმნა.   „ჩვენი შეფასებით, 45 მლრდ. დოლარი საკმარისი იქნება იმისთვის რომ ზრდასრული მოსახლეობის დიდი უმრავლესობა აიცრას“-...

East-fruit: ახალქალაქის რაიონში გლეხები 700 ტონა კარტოფილის გადაყრას აპირებენ

East-fruit: ახალქალაქის რაიონში გლეხები  700 ტონა კარტოფილის გადაყრას აპირებენ
access_time2021-05-05 19:00:30
ახალქალაქის რაიონის სოფელ ალასტანში გლეხებს და ფერმერებს თითქმის 700 ტონა კარტოფილი ულპებათ. ადგილობრივი მოსახლეობა აცხადებს, რომ მთავრობის მხრიდან სასწრაფო დახმარებას ელის, წინააღმდეგ შემთხვევაში მზადაა მოსავალი გადაყაროს.   მათი თქმით, კარტოფილის რეალიზებას მასშტაბური იმპორტი ართულებს.   „ამ წელს მოსახლეობას მოსავლის გადაყრა მოუწევს, რადგანაც არც ერთი მყიდველი ჩვენთან ჯერ არ მოსულა. მთავრობა სულ ლაპარაკობს სოფლის მეურნეობის განვითარებაზე, მაგრამ...

5 მაისი - რეგიონში ქართული ლარი და თურქული ლირა გაუფასურდა

5 მაისი - რეგიონში ქართული ლარი და თურქული ლირა გაუფასურდა
access_time2021-05-05 18:00:45
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 5 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 5 მაისის ვაჭრობის შედეგად (რომლის ოფიციალური კურსი 6 მაისისაა) ეროვნული ვალუტა აშშ დოლართან...

როდიდან ამოქმედდება ელექტრონული ლარის საპილოტე ვერსია

როდიდან ამოქმედდება ელექტრონული ლარის საპილოტე ვერსია
access_time2021-05-05 16:05:55
„ციფრული ლარს მოვიაზრებთ ნაღდი ფულის ჩასანაცვლებლად“,- ამის შესახებ რადიო „პალიტრისა“ და „პალიტრანიუსის“ გადაცემაში საქმე ეროვნული ბანკის ვიცე-პრეზიდენტმა პაპუნა ლეჟავამ განაცხადა.   მისი თქმით, ელექტრონული ლარის უპირატესობა იქნება დაბალი საოპერაციო ხარჯი და ამასთან, მომენტალურობა. გარდა ამისა, ციფრული ვალუტის გამოყენებისას არ იქნება საჭირო ანგარიშის ქონა რომელიმე ბანკში და არ საჭიროებს შუამავალს.   როგორც პაპუნა ლეჟავამ განმარტა, ელექტრონული ლარის...


მსგავსი სიახლეები

up