მამუკა ხაზარაძე: ძალიან ბევრი სამინისტრო აბსოლუტურად ზედმეტია

მამუკა ხაზარაძე: ძალიან ბევრი სამინისტრო აბსოლუტურად ზედმეტია

access_time2016-06-21 13:00:00

მთავრობამ გადაწყვეტილებების მიღების სისწრაფეს უნდა გადახედოს – ამის შესახებ ბიზნესმენმა მამუკა ხაზარაძემ ტელეკომპანია „ჯიდიესის“ ეთერში გამოსვლისას განაცხადა. 


მან ისაუბრა იმ პოტენციალზე, რომელიც ქვეყანას სხვადასხვა დარგში აქვს.


“გვაქვს დიდი ინტელექტუალური პოტენციალი. მარტო ამერიკაში, 200-ზე მეტი სერტიფიცირებული ქართველი ექიმი მუშაობს. ამას დავამატოთ გერმანიაში, იტალიასა და სხვა ქვეყნებში მოღვაწე ექიმები და შეიძლება, ჩვენ პაციენტები თურქეთში, ავსტრიასა და ისრაელში გავუშვათ?! ან ყოველწლიურად 18 ათასი ონკოლოგიური ავადმყოფი გვყავდეს? მთავრობამ უნდა თქვას, რომ არ შეიძლება, ჩვენს შვილებს დაბინძურებული ჰაერი ვასუნთქოთ და ძველი მანქანების მეპატრონეებისგან  თუ სხვებისგან როგორი რეაქციაც არ უნდა იყოს, მთავრობამ რადიკალური გადაწყვეტილება უნდა მიიღოს”, - განაცხადა ხაზარაძემ.


მისი თქმით, საქართველოს ირგვლივ ძალიან კონკურენტუნარიანი გარემოა და გულხელდაკრეფილი არავინ არის. ამიტომ, მთავრობამ გადაწყვეტილებების მიღების სისწრაფეს უნდა გადახედოს. 

 

„ჩემი აზრით, ძალიან ბევრი სამინისტრო აბსოლუტურად ზედმეტია და აპარატის შემცირებაა საჭირო. ასეთ პატარა ქვეყანას სწრაფი გადაწყვეტილებების მიმღები ორგანოები სჭირდება. დღევანდელ შეხვედრაზე ყველანი კიდევ ერთხელ შევთანხმდით, რომ ეს ქვეყანა ჩვენია და თუ შენს გარშემო ხალხი ბედნიერი არაა, არაფერს, არც ფულს, არც თანამდებობას ფასი არ აქვს. არ შეიძლება, ჩაკეტილ ეზოში ბედნიერი იყო, თუ შენი სამეზობლო, სანათესაო და მთლიანად ხალხი ბედნიერი არაა”, - განაცხადა მამუკა ხაზარაძემ გუშინ „ქორთიარდ მარიოტში“ გამართულ კონფერენციასთან დაკავშირებით. კონფერენციის სახელწოდება იყო „საქართველოს ეკონომიკა და ბიზნესგარემო - მიღწევები და გამოწვევები.” 

 

ხაზარაძემ საკუთარი კომპანიის პროექტებზეც ისაუბრა.

 

“დაიძრა ის საკითხები, რომლებიც ჩვენმა კომპანიამ დავაყენეთ. ჩვენი ჯგუფი ახორციელებს კოხტა-მიტარბის დიდი საერთაშორისო კურორტის მშენებლობას, რომელიც 2,5 წელიწადში დამთავრდება და, რომელიც ევროპული სტანდარტის და მსოფლიო დონის იქნება.  2 წელიწადში ჩვენი მხარე 100 მილიონის მოცულობის ინვესტიციას განახორციელებს და ცალკეა ინვესტიცია, რომელიც სახელმწიფომ უკვე განახორციელა”, - განაცხადა მამუკა ხაზარაძემ.

 

მისი თქმით, მეორე გრანდიოზული პროექტი არის ანაკლიის პორტის განვითარება.

 

“საუბარი არაა მხოლოდ ღრმაწყლოვანი პორტის მშენებლობაზე , საუბარია დიდ თავისუფალ ეკონომიკურ ზონაზე, ახალი საფინანსო ცენტრის მშენებლობაზე, რომელიც ათასობით ინვესტორს მოიზიდავს. ეს იქნება ქვეყნის ეკონომიკის შემოტრიალება. გარდა ამისა, „თიბისი ბანკი“ ლონდონის საფონდო ბირჟაზე სწორედ ბოლო 2 წლის წინ გავიდა და ქვეყანაში 300 მილიონი დოლარი შემოიტანა. უახლოეს ხანში ამერიკული ჰოსპიტალის მშენებლობას დავიწყებთ, სადაც ამერიკაში მოღვაწე 25 ქართველი ექიმი იმუშავებს”, - განაცხადა ხაზარაძემ.


როგორც მან აღნიშნა, საქართველოს აქვს სერიოზული პოტენციალი, რეგიონის ფინანსური ცენტრი გახდეს, რადგან ჩვენნაირი გამართული და საერთაშორისო სტანდარტების ბანკები რეგიონში არავის არ აქვს.

 

“ჩვენ შეგვიძლია, სატრანსპორტო ინფრასტრუქტურის ჰაბი ვიყოთ და ანაკლიის პროექტი სწორედ ამას ემსახურება, რომ ჩვენ რეალურ კარიბჭედ ვიქცეთ. შავი ზღვისა და კასპიის ზღვის აუზში დიდი კომპანიები პორტებს ყიდულობენ და მიდის გზების გადანაწილება. ჩვენ ამ პროცესს არ უნდა ჩამოვრჩეთ და უახლოეს ხანში განაცხადი უნდა გავაკეთოთ, რომ აზია-ევროპას შორის  უახლოესი დამაკავშირებელი ცენტრი ვართ”, - განაცხადა  “თიბისი ჯგუფის” პრეზიდენტმა.




საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...

ელექტრო სიგარეტების მწარმოებლებს ახალი რეგულაციების დაცვა მოუწევთ

ელექტრო სიგარეტების მწარმოებლებს   ახალი რეგულაციების დაცვა მოუწევთ
access_time2020-02-22 17:00:16
 მშვიდობით, არომატიზირატორებო ტკბილი ბამბის, ხილის ნარევების და კრემ-ბრიულეს გემოთი. ახლო მომავალში, ყველა ეს არომატი, რომელიც ახალისებს ელექტრო სიგარეტების - ვეიპების -  მოხმარებას შტატებში, გავა მოდიდან, ხოლო მწარმოებელ-კომპანიებს  ახალი რეგულაციების დაცვა მოუწევთ.აშშ-ის კვების პროდუქტების და წამლების ხარისხის სანიტარული ზედამხედველობის სამსახურის ბრძანებით, ვეიპების სითხეს უნდა ჰქონდეს  კლასიკური თამბაქოს და მენთოლის გემო, სხვა  ყველაფერი დანარჩენი...

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი
access_time2020-02-22 16:00:15
სვანეთში კრიპტოვალუტის მაინინგის გამო მოსახლეობას ელექტროენერგია შეზღუდვით მიეწოდება. ადგილობრივები პრობლემის მოგვარებას ითხოვენ, თუმცა გამრიცხველიანების წინააღმდეგნი არიან. „ენერგო-პრო ჯორჯიამ“ აღმოაჩინა, რომ შარშან სვანეთში ელექტროენერგიის მოხმარებამ მოულოდნელად მკვეთრად იმატა. კომპანიის ანალიზით, გასული წლის დეკემბერში მესტიის რაიონმა იმდენივე ელექტროენერგია მოიხმარა, რამდენიც ერთად აღებულმა 19 რაიონმა. კომპანიაში განაცხადეს, რომ დენის მოხმარების...

„სქაი ბარი“ პეკინის 3 - სახიფათო ზონა ტურისტებისთვის

„სქაი ბარი“ პეკინის 3 - სახიფათო ზონა ტურისტებისთვის
access_time2020-02-22 14:10:33
ეთნო რალის დამფუძნებელი ალექსანდრე გიორგაძე სოციალურ ქსელში წერს, რომ პეკინის 3 ნომერში განთავსებულ ბარ “სქაიში” მასთან სტუმრად მყოფ ტურისტებს 2 ლუდში 3100 ლარი გადაახდევინეს. „კიდევ ერთი თაღლითური შემთხვევა. 2 ლუდში გადაახდევინეს 3100 ლარი. ამჯერად ჩემს სტუმრებს შეემთხვათ. მესამედ არიან უკვე ჩემთან. ვმეგობრობთ, სიგიჟემდე უყვართ საქართველო. სქემა მარტივი. შევიდნენ ლუდისთვის, მიუჯდა 2 გოგო, სთხოვეს დალევა. ამათ უარი უთხრეს. ცოტა ხანში მოდის შამპანური. ეს გოგონები 5 წუთში...


მსგავსი სიახლეები

up