მამუკა ხაზარაძე - ბრიუსელიდან ერთ-ერთი მნიშვნელოვანი გზავნილი იყო, რომ კრიზისის განმუხტვისთვის ხელისუფლებას მეტი პასუხისმგებლობა ეკისრება

მამუკა ხაზარაძე - ბრიუსელიდან ერთ-ერთი მნიშვნელოვანი გზავნილი იყო, რომ კრიზისის განმუხტვისთვის ხელისუფლებას მეტი პასუხისმგებლობა ეკისრება

access_time2021-03-17 00:10:00

ბრიუსელიდან ერთ-ერთი მნიშვნელოვანი გზავნილი იყო, რომ ხელისუფლებას მეტი პასუხისმგებლობა ეკისრება, რათა კრიზისი განმუხტოს, – განაცხადა „ლელო საქართველოსთვის“ ლიდერმა, მამუკა ხაზარაძემ ბრიუსელში საქართველო-ევროკავშირის ასოცირების საბჭოს მეექვსე შეხვედრის შემდეგ გაკეთებული განცხადებების შეფასებისას.

მისი თქმით, პოლიტიკური კრიზისი სახეზეა და „ეს ყველამ დააფიქსირა ტრიბუნიდან“.

„არაფერი განსაკუთრებული არ მომხდარა, მოლაპარაკები გაგრძელდება. ბატონი დანიელსონი არის თბილისში, პოლიტიკური კრიზისი სახეზეა და ეს ყველამ დააფიქსირა ტრიბუნიდან. სწორედ ამის განსამუხტავად ვართ მობილიზებული ყველა. ერთ-ერთი მნიშვნელოვანი გზავნილი იყო, რომ მეტი პასუხისმგებლობა ეკისრება ხელისუფლებას, რომ ეს კრიზისი განმუხტოს.

სამართლიანი არჩევნები ქვეყანაში არ ჩატარებულა და ამას თქვენ ვერც ერთ დოკუმენტში ვერ ნახავთ. პრობლემა პრობლემად რჩება, ქვეყანაში არის პოლიტიკური კრიზისი. თვითონ ლოგიკა, რომ ჩვენ ამ ექვს პუნქტში ერთ-ერთ ძირითად საკითხად ვიხილავთ საარჩევნო კომისებისა და ცესკო-ს ცვლილებას, იმაზე მიუთითებს, რომ ჩვენ არ გვაქვს მექანიზმი და სისტემა, რომელიც სამართლიან არჩევნებს ჩაატარებს. ამიტომაც, ეს არის ერთ-ერთი ძირითადი და პრინციპული საკითხი, რომლის ცვლილებასაც უნდა შევეცადოთ“, – განაცხადა ხაზარაძემ.

„ლელოს“ ლიდერმა ბრიუსელში საქართველოს მთავრობის მეთაურის მიერ გაკეთებულ განცხადებასაც გამოეხმაურა იმის შესახებ, რომ შემდეგი საპარლამენტო არჩევნები საქართველოში 2024 წელს ჩატარდება.


„ღარიბაშვილმა თქვა სტანდარტული პასუხი, რაც წერია კონსტიტუციაში, რომ არჩევნები ჩატარდება 2024-ში. ბუნებრივია, ჯერ არაფერზე შევთანხმებულვართ და როცა შევთანხმდით ეს თარიღიც შეიცვლება.

ჩვენ ძალიან ახლოს ვართ შეთანხმებასთან. ის თავდასხმები და მაგიდის აყირავება, რომელიც უკვე მერამდენედ ვნახეთ „ქართული ოცნების“ წარმომადგენლების, განსაკუთრებით ბატონი კობახიძის მხრიდან, რომელმაც გუშინწინ პრაქტიკულად დაამთავრა ბატონი დანიელსონის ვიზიტი, ასეთი რამეები უნდა შეწყდეს და ყველა მხარემ და განსაკუთრებით ხელისუფლებამ უნდა იზრუნოს, რომ ხელშეკრულება დაიდოს. ქვეყანას სჭირდება გადატვირთვა, ახალი საკანონმდებლო ცვლილება, ახალი სასამართლო, უზარმაზარი რაოდენობის რეფორმა, რომ დავიწყოთ ახალი ცხოვრება. ეს გაფიჩინება და რაღაც მესიჯების გამოშვება, დროს აკარგვინებს ჩვენს ქვეყანას. ამიტომ, მე მგონი, პასუხისმგებლობით უნდა მოვეკიდოთ შექმნილ სიტუაციას და რაც შეიძლება სწრაფად გამოვიდეთ ამ მდგომარეობოდან.

ჩვენ გავაგრძელებთ ჯიუტად შრომას და მოლაპარაკების პროცესს. „ლელო“ საკმაოდ სერიოზულ სამუშაოს ასრულებს ამ მოლაპარაკებაში. ჩვენ გვინდა, ეს კონფლიქტი დამთავრდეს ჩვენი ქვეყნის საკეთილდღეოდ, სახელმწიფოებრივად, მომავალზე ორიენტაციით და ამისთვის გავაკეთებთ ყველაფერს“, – განაცხადა ხაზარაძემ.

1tv.ge




სებ–მა მონეტარული პოლიტიკის განაკვეთი 0.5%–ით 10%–მდე გაზარდა

სებ–მა მონეტარული პოლიტიკის განაკვეთი 0.5%–ით 10%–მდე გაზარდა
access_time2021-08-04 12:22:42
საქართველოს ეროვნული ბანკის (სებ) მონეტარული პოლიტიკის კომიტეტმა 4 აგვისტოს სხდომაზე რეფინანსირების განაკვეთის 0.5 პროცენტული პუნქტით გაზრდის გადაწყვეტილება მიიღო. მონეტარული პოლიტიკის განაკვეთი 10.0 პროცენტით განისაზღვრა. ამის შესახებ ინფორმაციას ეროვნული ბანკი ავრცელებს. სებ–ის ცნობით, ბოლო პერიოდში ინფლაცია გლობალური გამოწვევაა და ივლისის თვის ფასების ზრდის მონაცემმა არაერთ ქვეყანაში პროგნოზირებულს გადააჭარბა. საქართველოშიც ივლისის...

ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

როგორ აპატარავებს ინფლაცია ხელფასს

როგორ აპატარავებს ინფლაცია ხელფასს
access_time2021-08-04 13:00:55
ინფლაციის განაკვეთმა ივლისში ბოლო 10 წლის რეკორდი მოხსნა და 11.9%-ს მიაღწია. პირველადი მოხმარების თითქმის ყველა პროდუქტზე, გასული წლის ანალოგიურ პერიოდთან შედარებით, ფასების ორნიშნა პროცენტული ზრდა დაფიქსირდა, რაც იმას ნიშნავს, რომ ის ადამიანები, რომელთა შემოსავალიც ლარში უცვლელად შენარჩუნდა, რეალურად გაღარიბდნენ. 2021 წლის ივლისის 1000 ლარი მსყიდველუნარიანობით გასული წლის ივლისის 895 ლარს გაუტოლდა. საბაზრო ეკონომიკის პირობებში რაიმე ნივთსა თუ მომსახურებას აბსოლუტური...

თემურ ჭყონია: გახარიას ბიზნესწრეებში ცუდი რეპუტაცია არ ჰქონია

თემურ ჭყონია: გახარიას ბიზნესწრეებში ცუდი რეპუტაცია არ ჰქონია
access_time2021-08-04 12:00:55
თემურ ჭყონია „ქართული ოცნების“ ლიდერის ირაკლი კობახიძის მიერ გიორგი გახარიას მეტსახელის („ბოლი“. რედ.) გასაჯაროებასთან დაკავშირებით ამბობს, რომ გუნდის შიგნით რა ხდება არ იცის, ხოლო გარეთ - ბიზნესმენთა წრეში, გახარიას ცუდი რეპუტაცია არ ჰქონდა.   „ნორმალური ბიზნეს-ომბუდსმენი იყო, არ მახსენდება შემთხვევები, ვინმეს რამე შეპირებოდა და არ შეესრულებინა. შეიძლება იყო ასეთი ფაქტები, მაგრამ ჩემთვის უცნობია. როგორც წესი, ბიზნესომბუდსმენი ხელისუფლების მიერ ინიშნება, მაგრამ მისი...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...


მსგავსი სიახლეები

up