მამუკა მდინარაძე: შეგიძლიათ, გადაახვიოთ თქვენი პარტიული ტელევიზიების სხვადასხვა სიუჟეტები და როგორი მხარდაჭერა აქვს პატრიარქის წინააღმდეგ შეტევას - ნახოთ

მამუკა მდინარაძე: შეგიძლიათ, გადაახვიოთ თქვენი პარტიული ტელევიზიების სხვადასხვა სიუჟეტები და როგორი მხარდაჭერა აქვს პატრიარქის წინააღმდეგ შეტევას - ნახოთ

access_time2019-11-12 14:50:00

უმრავლესობის ლიდერი მამუკა მდინარაძე: „მე ვფიქრობ, რომ მსგავსი გამოსვლებით, ძალიან რბილად ვცდილობ თქმას, ვერ მიაღწევენ მიზანს, ბუნებრივ რეაქციაში რომ აყევით ხალხს, მგონი ეს პირველი შემთხვევა იყო. მთელი დღეა, დღეს ვისმენთ განცხადებებს სხვადასხვა მხრიდან, ვის უყვარს, სამშობლო, მამული, ენა, სარწმუნოება და ასე შემდეგ. სხვათა შორის, ჟურნალისტები მეკითხებოდნენ, ამ დღეების განმავლობაში, ამ მოვლენების უკან. ვუპასუხე და იმავეს გავიმეორებ დღეს: მარცხენა ფლანგის განსაკუთრებით, ქვედა ხაზების გასაგონად:


უკანაც, წინაც და გვერდითაც, დგახართ თქვენ და რატომ: შეგიძლიათ, შეიხედოთ, თქვენ არა, სხვამ, შეიხედოს თქვენი პარტიული აქტივის ფეისბუქ გვერდებზე და როგორი მხარდაჭერა აქვს პატრიარქის წინააღმდეგ კამპანიას - ნახავს. შეგიძლიათ, გადაახვიოთ თქვენი პარტიული ტელევიზიების სხვადასხვა სიუჟეტები და როგორი მხარდაჭერა აქვს პატრიარქის წინააღმდეგ შეტევას - ნახოთ. რაღაზე ვლაპარაკობთ? შეთქმულების თეორიებს დავანებოთ თავი. მე წაგიკითხავთ რამდენიმე წინადადებას და მგონი არ იქნება კარგი მოსასმენი. როდესაც უბინძურესი კამპანია დაიწყო ერთმა ადამიანმა პატრიარქის მიმართ, წინა დღეებში, ერთმა პოლიტიკოსმა, ე.წ. , გააკეთა ასეთი განცხადება: „ეს არის შოკის მომგვრელი, რაც ჩვენ ვიხილეთ. ეკლესიის წიაღში მყოფმა ადამიანებმა ეს ყველაფერი იცოდნენ. ეს ჭორის სახით ყოველთვის არსებობდა, მაგრამ ეს ყველაფერი გამოვიდა გარეთ. მმართველობას რაც შეეხება, არ არსებობს მსოფლიო ისტორიაში გამოცდილება ორმოცწლიანი, შუასაუკუნეობრივი მართვის სტილი მთავრდება ყოველთვის ასე. ეს არის ბოლო ჟამის ნიშნები. მმართველობას ვგულისხმობ. სამწუხაროდ, ეს ყველაფერი ლოგიკური დასასრულია იმისა, რაც აქამდე იყო და როგორც იმართებოდა. მარტორქებით და რაღაც დახურული შუასაკუნეობრივი მეთოდებით საქართველოს საპატრიარქო“.


ვინ დგას ამის უკან? უკან არა, ეს არის თქვენი ერთ-ერთი ლიდერის, გიგი უგულავას განცხადება და მერე ვკამათობთ, უკან და წინ ვინ დგას რაღაც მოვლენების. რაც შეეხება თქვენი კოლეგის მიერ ნახსენებ ფსკერს და სიბნელეს, სად არის, ახლა მე თქვენ აგიხსნით, ვინ გოშიაა და ვინ ვინ არის. თითქოს, ჩვენი კოლეგებიც, რაც არ უნდა სამწუხარო იყოს, ჩვენი გუნდიდან გასულებიც, ეთანხმებიან იმ ტრენდს, რომ აღარ უნდა ვილაპარაკოთ „ნაციონალურ მოძრაობაზე“, აღარ არის მოდაში. მოდაში აღარ არის, თურმე, ნაცებზე როგორ უნდა ილაპარაკო. დღეს რაც არ უნდა მოატყუონ ხალხს, დღეს რაც არ უნდა გააფუჭონ, რაც არ უნდა საბოტაჟის ნიშნები იყოს მათ მოქმედებაში, როგორ უნდა შეეხო, მომავალზე ვილაპარაკოთ. მომავალზე ვლაპარაკობთ და წყალტუბო არ მოსწონთ. მიხეილ სააკაშვილის გამონათქვამი მოწონთ, რომელმაც თქვა, 2008 წელს დავიწყეთ, 2013 წელს უნდა დამთავრებულიყო, ესენი მოვიდნენ და გააჩერესო. წყალტუბოზეა ლაპარაკი. 2012 წელს თურმე წყალტუბოს აღმშენებლობა შეგვიჩერებია.



ეს მოსწონთ. ეს არის სინათლე და ასე უნდა განათდეს ამ ქვეყანაში, მათი მესიჯ-ბოქსით რომ ვისარგებლოთ. და მთავარი, როცა თქვენი ტელევიზიებიდან გველაპარაკებიან მამულზე და სარწმუნოებაზე და ენაზე, ირაკლი სესიაშვილის პათოსი მინდა გავაგრძელო - მამულს რაც შეეხება, 20 % ხომ ჩააბარეთ და მერე „გაუპრავეთ“ ეგრეთ წოდებულად, ვერ „გაუპრავეთ“, მაგრამ ხომ ცადეთ იმ რეზოლუციით, რაზეც დღენიადაგ ვსაუბრობთ ხოლმე. ენაზე აღარ ვსაუბრობ, უხამსობით და ბილწისტყვაობით როგორ გინდათ გააფუჭოთ ყველაფერი, ეს ხომ გასაგებია და ბოლოს - მიადექით ყველაზე წმინდას ბევრი ქართველისთვის და ბევრი მართლმადიდებლისთვის. შეიძლება ვიღაც საერთოდ არ იყოს მორწმუნე და საერთოდ სხვა წარმოდგენები ჰქონდეს რაღაც-რაღაცეებზე, მაგრამ პატივისცემა მაინც ხომ შეიძლება გქონდეს იმ ინსტიტუტის, რომელსაც უდიდესი როლი აქვს ჩვენს ისტორიაში და ქვეყნის განვითარებაში, მინიმუმ, პატივისცემა ხომ შეიძლება გქონდეთ და მიადგნენ რწმენას და პატრიარქის დისკრედიტაცია განიზრახეს. ეს არის თქვენი რეალური სახე და რაც არ უნდა გადააბრალოთ ვიღაცეებს რაღაცეები, ასე დარჩება“-წერს მდინარაძე.


„კომერსანტი“




კომპანიები, რომლებიც კორონავირუსის პანდემიის დროს თითქმის ან სრულიად გაკოტრდნენ

კომპანიები, რომლებიც კორონავირუსის პანდემიის დროს თითქმის ან სრულიად გაკოტრდნენ
access_time2020-07-05 20:00:36
კორონავირუსის პანდემიამ მსოფლიოს მასშტაბით არნახული ეკონომიკური კრიზისი გამოწვია და მასშტაბებიდან გამომდინარე 2008 წლის ეკონომიკურ კრიზისსაც გადააჭარბა. პანდემიის გამო მსოფლიოს...

რა წესები უნდა დაიცვან ტურ-ოპერატორებმა, გიდებმა და მძღოლებმა - განახლებული რეკომენდაციები

რა წესები უნდა დაიცვან ტურ-ოპერატორებმა, გიდებმა და მძღოლებმა - განახლებული რეკომენდაციები
access_time2020-07-05 18:30:55
სამუშაო ადგილებზე ახალი კორონავირუსით გამოწვეული ინფექციის გავრცელების თავიდან აცილების მიზნით, განახლდა და დამტკიცდა ახალი რეკომენდაციები. მათ შორისაა რეკომენდაციები ტურ-ოპერატორებისთვის, გიდებისთვის და...

დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში
access_time2020-07-05 11:30:02
აზარტული თამაშების რეგულირებასთან დაკავშირებით პარლამენტის ვიცე-სპიკერი გია ვოლსკი აცხადებს, თუკი ამ ბიზნესს ჩავკეტავთ, იგი იატაკქვეშ გადაინაცვლებს და გაცილებით უფრო მძიმე მაფიოზური სიტუაცია შეიქმნება. როგორ უნდა ავიცილოთ თავიდან მსგავსი სიტუაცია, რომ...


მსგავსი სიახლეები

up