ძალიან სამწუხაროა, რომ მედიასივრცე მთლიანადაა გაჯერებული პარტიებს შორის ყოველდღიური კინკლაობით - დილიდან, სპეკულაციური ნარატივის დაწყებით და საღამომდე, ამაზე პასუხების გაცემით, ამის მოსმენით და საზოგადოებისთვის გადაცემით, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძე​მ პარლამენტში გამართულ ბრიფინგზე განაცხადა.

მისივე განცხადებით, მსგავსი საინფორმაციო ფონის გამო, მეორეხარისხოვანი ხდება ის უამრავი პროექტი, რომელიც ქვეყანაში მიმდინარეობს.

„ეს პროექტები, რეალურად, ყოველდღიური საქმიანობის საგანია. კი ბატონო, ჩვენ პოლიტიკოსები ვართ და პარლამენტში ვართ, ყველა სპეკულაციასა და ტყუილს პასუხს გავცემთ, მაგრამ არ უნდა დაგვავიწყდეს ის უამრავი საქმე, რასაც ყოველდღიურ რეჟიმში ადგილობრივი მუნიციპალიტეტები აკეთებენ და მთავრობის შესაბამისი წარმომადგენლები ახორციელებენ. ამ ქვეყანაში ყველაზე მთავარი საკითხია დეოკუპაცია, ვაქცინაცია, სიღარიბის, უმუშევრობის დაძლევა და აღმოფხვრა - განსაკუთრებით, იმ ფონზე, როცა პანდემიამ ძალიან დაგვაზარალა“, - აღნიშნა მამუკა მდინარაძემ.

imedinews.ge