მამუკა ბახტაძე - სხვადასხვა ძალების განცხადებები, თითქოს საქართველო გაქრა დასავლური ქვეყნების პოლიტიკური დღის წესრიგიდან, არის სრული უპასუხისმგებლობა და ტყუილი

მამუკა ბახტაძე - სხვადასხვა ძალების განცხადებები, თითქოს საქართველო გაქრა დასავლური ქვეყნების პოლიტიკური დღის წესრიგიდან, არის სრული უპასუხისმგებლობა და ტყუილი

access_time2019-03-28 14:53:49

სხვადასხვა უპასუხისმგებლო ძალების განცხადებები, თითქოს საქართველო გაქრა დასავლური ქვეყნების პოლიტიკური დღის წესრიგიდან, არის სრული უპასუხისმგებლობა და ტყუილი", - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყების წინ გამართულ ბრიფინგზე განაცხადა.

 

მთავრობის მეთაურმა მედიას გააცნო გასული დღეების განმავლობაში მიმდინარე აქტივობები, რომელიც საქართველოს ევროკავშირთან და ნატოსთან დაახლოებას უკავშირდება.

 

„საქართველოს სტუმრობდა ჩვენი ქვეყნის ძალიან კარგი მეგობარი, ნატოს გენერალური მდივანი იენს სტოლტენბერგი და მისი ვიზიტი გახლდათ კიდევ ერთი დასტური იმისა, რომ ნატო მხარს უჭერს საქართველოს, ჩვენი ერის მისწრაფებებს, რეფორმათა პაკეტს, რომელიც დაგვეხმარება ჩვენ ალიანსში გაწევრიანების გზაზე და გვერდში უდგას ჩვენს ქვეყანას ამ პროცესში. გენერალურმა მდივანმა დადებითად შეაფასა საქართველოს ნატოში გაწევრიანების პროცესის მიმდინარეობა და ხაზი გაესვა იმ პროგრესს, რაც გვაქვს ევროატლანტიკური ინტეგრაციის გზაზე. ამის პარალელურად ჩვენ მოვისმინეთ ტყუილი და ახალი "ფეიქ ნიუსები" უპასუხისმგებლო პოლიტიკური ძალებისგან, თითქოს საქართველო არ ფიქსირდება დასავლეთის პოლიტიკურ დღეს წესრიგში და თითქოს ჩვენ გავქრით რადარებიდან. მე არ ვაპირებ გავაკეთო ამ განცხადების სერიოზული შეფასება. მინდა, საზოგადოებას მივაწოდო რამდენიმე დღის ქრონოლოგია. საქართველო მასპინძლობს საერთაშორისო სწავლებებს და ეს არის პირველი შემთხვევა ნატოს პრაქტიკაში, რომ ნატოს არაწევრ ქვეყანას მიეცა უფლება, უხელმძღვანელოს ასეთ სწავლებებს და ის იყოს ხელმძღვანელი დაგეგმვის პროცესიდან მის აღსრულებამდე. პარალელურად, საქართველოს ეწვია ნატოს სამხედრო კომიტეტი და ეს არის კომიტეტის რიგით მესამე ვიზიტი ჩრდილოატლანტიკურ ალიანსთან საქართველოს ძლიერი და მზარდი თანამშრომლობის გზაზე", - განაცხადა მამუკა ბახტაძემ.

 

პრემიერ-მინისტრის თქმით, ძლიერი გზავნილები გაკეთდა საქართველოს მისამართით ბრიუსელშიც, სადაც საგარეო საქმეთა მინისტრის მონაწილეობით  ნატო-საქართველოს კომისიის ერთობლივი სხდომა გაიმართა.


 

„ჩვენ მოვისმინეთ ძალიან ძლიერი გზავნილები და ამავე დროს დავგეგმეთ ახალი ნაბიჯები, რომ კოორდინაცია კიდევ უფრო ავამაღლოთ. მათ შორის განხილული იყო ის ერთობლივი ნაბიჯები, რომელიც უნდა გადაიდგას შავი ზღვის უსაფრთხოების კონცეფციაში. მომავალ კვირას ვაშინგტონში დაგეგმილია ასევე ნატოს საგარეო საქმეთა მინისტერიალი, სადაც განხილვის ერთ-ერთი თემა იქნება შავი ზღვა, შავი ზღვის აუზი და საუბარი იქნება საქართველოზე, მის ადგილზე და როლზე ნატოსთან პარტნიორობაში", - განაცხადა მამუკა ბახტაძემ. 

 

მთავრობის მეთაური ევროკავშირთან უვიზო მიმოსვლის ორი წლისთავსაც გამოეხმაურა და ის საქართველოს ისტორიული გამარჯვებად შეაფასა.

 

პრემიერის განცხადებით, დღეს სტრასბურგში ევროკავშირ-საქართველოს ასოცირების საპარლამენტო კომიტეტის სხდომა გაიმართება, სადაც საქართველოს მიმართ მნიშვნელოვანი შეფასებები გაკეთდება. მთავრობის მეთაურმა მადლობა გადაუხადა ასევე ამერიკის შეერთებული შტატების სახელმწიფო დეპარტამენტს, აშშ-ის სახელმწიფო მდივნის მიერ კონგრესში გაკეთებული ძლიერი გზავნილებისათვის.

 

„მე ჩამოვთვალე რამდენიმე დღის ქრონოლოგია, რომელიც ეხებოდა ჩვენს საგარეო პოლიტიკას და საერთაშორისო მისწრაფებებს. ამის მიუხედავად, ჩვენ ვუყურებთ იმას, თუ როგორ მოქმედებს სიცრუის მანქანა, ე.წ. "ფეიქ ნიუსები". რაზეც მე ვისაუბრე, ეს არის ჩვენი ეროვნული ინტერესები, რომელიც ყველაფერზე, ნებისმიერ პარტიულ ინტერესზე მაღლა დგას. დარწმუნებული ვარ, საზოგადოება ჯანსაღად შეაფასებს ასეთი უპასუხისმგებლო ძალების განცხადებებს, რომლებიც ერთის მხრივ, ამბობენ, რომ ერთგულნი არიან ჩვენი საერთაშორისო მისწრაფებების, რომ გავხდეთ ნატოს და ევროკავშირის სრულფასოვანი წევრები და ამასთან ერთად აკეთებენ ასეთ ურთიერთგამომრიცხავ განცხადებებს, თითქოს საქართველო გაქრა დასავლური ქვეყნების პოლიტიკური დღის წესრიგიდან. ეს არის სრული უპასუხისმგებლობა და ტყუილი. საქართველოსა და ნატოს შორის ურთიერთობა არასდროს ყოფილა ასეთ მაღალ დონეზე. საქართველო ევროპულ ოჯახთან არასოდეს ყოფილა ასე ახლოს და საქართველოსა და ამერიკის შეერთებულ შტატებს შორის ურთიერთობა არასოდეს ყოფილა ასეთ მაღალ ნიშნულზე. ეს არის კონკრეტული ფაქტები და ამას ყველა უნდა შეეგუოს", - განაცხადა მამუკა ბახტაძემ.





ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი

ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი
access_time2021-06-19 17:55:10
საქართველოს საავიაციო ბაზარს ახალი მიმართულება – აბუ – დაბი ემატება. არაბთაგაერთიანებული საემიროების დაბალბიუჯეტიანი ავიაკომპანია Air Arabia Abu Dhabi , 1-ლი ივლისიდანზაფხულის სანავიგაციო სეზონის ბოლომდე (28 ოქტომბერი), კვირაში 3 სიხშირით პირდაპირ რეისებსაბუ-დაბი – თბილისი – აბუ-დაბი მიმართულებით შეასრულებს. Air Arabia Abu...

დღის Top 10 საინტერესო ამბავი

დღის Top 10 საინტერესო ამბავი
access_time2021-06-18 21:00:37
დღის Top 10 საინტერესო ამბავი:     1. ბოლო 10 წელიწადში აშენებული ჰესების წილი გენერაციაში 19%-ს აჭარბებს     ენგურჰესის გამომუშავება რეაბილიტაციის შემდეგ, მაისში, გასული წლის ანალოგიურ პერიოდთან შედარებით, 98%-ით გაიზარდა და 404 მლნ კვტ/სთ-ს მიაღწია. ძირითადად მის ხარჯზე, 24%-ით 1.221...

18 ივნისი - რეგიონში ქართული ლარი და თურქული ლირა გაუფასურდა

18 ივნისი - რეგიონში ქართული ლარი და თურქული ლირა გაუფასურდა
access_time2021-06-18 18:00:43
18 ივნისის ვაჭრობის შედეგად სებ–ის მიერ დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 9 პუნქტით გამყარდა. შედარებისთვის, დაახლოებით 110 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 18 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.1681 ლარი გახდა (ეს კურსი 19 ივნისს შევა ძალაში). 18 ივნისს მოქმედი...

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი
access_time2021-06-19 16:00:40
კომპანია „ჭკვიანი თხილი“ მცირე ქართული საწარმოა, რომელიც ადგილობრივი ნედლეულისგან 5 სახეობის თხილის პასტას აწარმოებს. არაქისის, თხილის, ნუშის, პეკანის ნიგვზისა და გოგრის თესლისგან დამზადებული პასტების ონლაინ-გაყიდვები გასულ წელს, დაახლოებით, 800% -მდე გაიზარდა. ინფორმაციას პორტალი EastFruit ავრცელებს. კომპანიის მთავარი სარეალიზაციო ხაზი სწორედ ინტერნეტ-არხებია.   პასტების დასამზადებლად მხოლოდ ადგილობრივ პროდუქციას იყენებენ: არაქისი და ნუში კახეთიდანაა, თხილი -...

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა
access_time2021-06-19 15:00:49
“ეროვნული ბანკის მიერ გაცემულ ამ პასუხში ვკითხულობთ, რომ რეფინანსირების სესხების მოცულობით ლარის კურსის მერყეობების ახსნა არასწორია, ცენტრალურ ბანკში მაგალითად აპრილის თვის მონაცემები მოჰყავთ, სადაც აღნიშნულია, რომ 2021 წლის 31 მარტს (რაც 1-ლი აპრილის ოფიციალურ კურსში აისახა) საშუალო საბაზრო გაცვლითი კურსი დაახლოებით 3.45 იყო, თუმცა 31 მარტს დაახლოებით მილიარდ 200 მილიონის რეფინანსირების სესხი იყო გაცემული. შემდეგ 1-ლი აპრილიდან რეფინანსირების სესხებმა ზრდა დაიწყო და 15 აპრილს 3 მილიარდამდე...


მსგავსი სიახლეები

up