მამუკა ბახტაძე - მომავალი წელი იქნება ისტორიული და საქართველო მთლიანად აღმოფხვრის იმ სავაჭრო დეფიციტს, რომელიც წლების განმავლობაში,   სოფლის მეურნეობის  დარგში გვქონდა

მამუკა ბახტაძე - მომავალი წელი იქნება ისტორიული და საქართველო მთლიანად აღმოფხვრის იმ სავაჭრო დეფიციტს, რომელიც წლების განმავლობაში, სოფლის მეურნეობის დარგში გვქონდა

access_time2019-08-16 20:15:11

ეს ტენდენციები, რაც გვაქვს, მე მაძლევს იმედს, რომ მომავალი წელი იქნება ისტორიული და საქართველო მთლიანად აღმოფხვრის იმ სავაჭრო დეფიციტს, რომელიც წლების განმავლობაში,   სოფლის მეურნეობით პროდუქციის დარგში გვქონდა, - ამის შესახებ საქართველოს პრემიერ-მინისტრმა მამუკა ბახტაძემ სამეგრელოში სტუმრობისას ჟურნალისტებთან საუბრის დროს განაცხადა.

 

 

 

მთავრობის მეთაურის განცხადებით, დღევანდელი დღე არის მაგალითი იმისა, რომ საქართველოში სოფლის მეურნეობას აქვს პერსპექტივა.

 

 

 

„დღევანდელი დღე არის მაგალითი იმისა, რომ იმ პოლიტიკას, რომელიც ჩვენ გვაქვს სოფლის მეურნეობის განვითარების თვალსაზრისით, ალტერნატივა არ აქვს. მე კარგად მახსოვს ჩვენი ოპონენტების უსაფუძვლო კრიტიკა, რომ ინვესტიციები ამ დარგში იყო უსაფუძვლო და რომ სოფლის მეურნეობას თურმე საქართველოში პერსპექტივა არ ჰქონდა. დღევანდელი დღე არის მაგალითი იმისა, რომ საქართველოში სოფლის მეურნეობას აქვს პერსპექტივა. ჩვენ როდესაც დავიწყეთ რეფორმები, 900 მილიონ დოლარზე მეტი დეფიციტი გვქონდა მარტო სოფლის მეურნეობით პროდუქციის ვაჭრობაში. ჩვენ შევძელით და ის შევამცირეთ სამჯერ. რომ არა ეს გამოწვევა, რომელიც გვქონდა აზიური ფაროსანას სახით, ჩვენ წელსვე შევძლებდით ამ დეფიციტის სრულად აღმოფხვრას, - განაცხადა მამუკა ბახტაძემ.


 

 

 

 

პრემიერ-მინისტრმა ამერიკელ პარტნიორებსა და აზიური ფაროსანას წიმააღმდეგ ბრძოლის პროგრამაში ჩართულ ყველა პირს მადლობა გადაუხადა.

 

 

 

„მე მსურს განსაკუთრებული მადლობა გადავუხადო ჩვენს ამერიკელ პარტნიორებს. მათი მხარდაჭერის გარეშე შეუძლებელი იქნებოდა ამ შედეგის მიღწევა. მათი ფინანსური და ტექნიკური დახმარება, მათი მეცნიერების ჩართულობა ამ პროცესში იყო ძალიან მნიშვნელოვანი. ამავე დროს, მინდა მადლობა გადავუხადო სოფლის მეურნეობის სამინისტროს თანამშრომლებს. მათ მართლაც 24-საათიან რეჟიმში შეძლეს შეუძლებელი. განსაკუთრებული მადლობა ჩვენს ფერმერებს. ეს პროექტი იყო ძალიან კარგი მაგალითი იმისა, რომ როდესაც არის სრული კონსოლიდაცია და ერთსულოვნება, არ არსებობს გამოწვევა, რომლის დაძლევაც ვერ შევძლოთ, - განაცხადა მამუკა ბახტაძემ.

 

 

მთავრობის მეთაურმა ფერმერებს წარმატებები უსურვა და აღნიშნა, რომ თხილის მოსავლის ჩაბარების პროცესი წარმატებით მიმდინარეობს.





27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია
access_time2020-11-27 18:00:38
ცვლილებები საქართველოს საგასახადო კოდექსში - რას მოიცავს დღგ-ს რეფორმა და რამდენად გამარტივდება პროცედურები. რადიო კომერსანტის გადაცემაში „ჩემი აუდიტორი“ „გრანთ თორნთონის“ პარტნიორი პაატა შურღაია საუბრობს. „კარგი და მნიშვნელოვანი სიახლეა, ორი წელია უკვე გვესმის დღგ-ს ავტომატურად დაბრუნების რეჟიმის შესახებ. წინა ნაწილში საუბარი იყო ნაწილობრივი დაბრუნების შესახებ, ახლა კი სრულ დაბრუნებაზეა საუბარი. წესით მთლიანად დეფინიცია - დამატებითი...

ლევან დავითაშვილი - პურზე ფასი არ გაიზრდება

ლევან დავითაშვილი - პურზე ფასი არ გაიზრდება
access_time2020-11-27 14:45:22
საქართველოს მთავრობამ მიიღო გადაწყვეტილება პირველი ხარისხის ხორბლის ფქვილის სუბსიდირების შესახებ იმგვარად, რომ ჩვენ შევინარჩუნოთ ის ფასები, რომელიც პურის გაძვირებას თავიდან აგვაცილებს, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა უწყებათაშორისი საკოორდინაციო საბჭოს სხდომის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა. მინისტრის განმარტებით, პროგრამა მომავალი კვირიდან ამოქმედდება და 4 თვის განმავლობაში, 31...


მსგავსი სიახლეები

up