მამუკა ბახტაძე - ჩვენ გვაქვს ყველანაირი პოტენციალი,  იმისთვის რომ საქართველო  მაღალ ტექნოლოგიური პროდუქციის მწარმოებელი ქვეყანა გავხადოთ

მამუკა ბახტაძე - ჩვენ გვაქვს ყველანაირი პოტენციალი, იმისთვის რომ საქართველო მაღალ ტექნოლოგიური პროდუქციის მწარმოებელი ქვეყანა გავხადოთ

access_time2019-05-23 12:20:24

ღრმად მწამს, ჩვენ გვაქვს ყველანაირი პოტენციალი, საქართველო გავხადოთ მაღალტექნოლოგიური პროდუქციის მწარმოებელი ქვეყანა, - პრემიერის პრესსამსახურის ინფორმაციით, ამის შესახებ საქართველოს პრემიერ-მინისტრმა მამუკა ბახტაძემ ინოვაციების მიმართულებით ახალი 650 000-ლარიანი საგრანტო პროგრამის გამოცხადებაზე სიტყვით გამოსვლისას აღნიშნა.



ახალი პროგრამა საქართველოში სტარტაპების უფრო მეტად წახალისებას ისახავს მიზნად.



პრემიერ-მინისტრმა ღონისძიებაზე მოწვეულ სტუმრებს აღნიშნული მიმართულებით დაგეგმილი სიახლეები გააცნო და განაცხადა, რომ უახლოეს პერიოდში საქართველოს პარლამენტს სტარტაპებთან დაკავშირებით საკანონმდებლო ინიციატივა წარედგინება.



„სტარტაპებთან დაკავშირებით კანონზე მუშაობა უკვე დაწყებულია, მას შემდეგ, რაც განათლების რეფორმა დამტკიცდება საქართველოს პარლამენტში, ჩვენ მეორე დღესვე შევიტანთ სტარტაპების შესახებ კანონს, რაც საშუალებას მოგვცემს, რომ ამ კუთხით არსებული სამართლებრივი სივრცე შევავსოთ. მეორე საკითხი, ეს არის წვდომა ფინანსებზე. ძალიან საინტერესო ინიციატივები მუშავდება ფინანსური ტექნოლოგიების კუთხით. განსაკუთრებული სურვილი მაქვს, სტარტაპერები აქტიურად იყვნენ ჩართული ფინანსური ტექნოლოგიების განვითარებაში, რადგან ეს არის პროდუქტი, რომელსაც მასშტაბირების ძალიან დიდი პოტენციალი აქვს, - განაცხადა მამუკა ბახტაძემ.



პრემიერ-მინისტრმა მაღალი ტექნოლოგიების განვითარების მიმართულებით საქართველოს პოტენციალზე გაამახვილა ყურადღება და აღნიშნა, რომ ქვეყანას აქვს შანსი, მაღალი ტექნოლოგიების სფეროში ერთ-ერთი მნიშვნელოვანი ექსპორტიორი გახდეს.




კიდევ ერთი კანონი, რომელიც პარლამენტში განხილვის პროცესშია, საქართველოში საერთაშორისო კომპანიების არსებობას ეხება. მთავრობის მეთაურმა სტარტაპერებს მიაწოდა ინფორმაცია, რომ კანონპროექტის საფუძველზე უნიკალური საგადასახადო შეღავათები გავრცელდება ყველა იმ კომპანიაზე, რომელიც საქართველოში რეგიონულ ოფისს გახსნის.



„ჩვენ გვჭირდება გიგანტი კომპანიები, დიდი სახელები საქართველოში, რომელიც საშუალებას მოგვცემს, თქვენ მიიღოთ ძალიან მნიშვნელოვანი შეკვეთები, კონტრაქტები და გახდეთ დიდი ეკოსისტემის ნაწილი. უნიკალური საგადასახადო შეღავათები გვაქვს ყველა იმ კომპანიისთვის, რომელიც საქართველოში დააარსებს მთავარ ოფისს, მას აქ ექნება კვლევებისა და განვითარების განყოფილება, შესაბამისად საშუალებას მისცემს ქართულ სტარტაპერებს, უფრო აქტიური მონაწილეობა მიიღონ გლობალურ ეკონომიკაში. ივნისში მე მაქვს „როუდშოუ რამდენიმე მსხვილ ამერიკულ ქალაქში და დარწმუნებული ვარ, წლის ბოლომდე რამდენიმე, მინიმუმ ორი საერთაშორისო დონის მსხვილი აქსელერატორი აუცილებლად გვეყოლება საქართველოში. ეს საშუალებას მოგვცემს, დღეს არსებული ხარვეზები ბოლომდე შევავსოთ, - აღნიშნა პრემიერმა.



მამუკა ბახტაძემ ფინანსებზე წვდომის კუთხით არსებულ სირთულეებზეც გაამახვილა ყურადღება და აღნიშნა, რომ მთავრობა უახლოეს მომავალში წარადგენს ახალ კანონპროექტს საინვესტიციო ფონდების შესახებ, რომელშიც ე.წ ვენჩურული ფონდების მიმართულებასაც მოიცავს და გაზრდის სტარტაპერების წვდომას ე.წ ვენჩურულ კაპიტალზე.



მთავრობის მეთაურმა სიტყვით გამოსვლისას ასევე ისაუბრა განათლების რეფორმის მნიშვნელობაზე და აღნიშნა, რომ ეს ეროვნული იდეა წარმატებული, ერთიანი და ძლიერი საქართველოს გარანტი გახდება.



ახალი 650 000-ლარიანი საგრანტო პროგრამა, რომელიც ინოვაციური პროექტების დაფინანსებას ითვალისწინებს, ტექნოპარკში გამოცხადდა.



პროგრამა ქართულ მიკრო, მცირე და საშუალო საწარმოებს, რომელთაც საკუთარი ინოვაციის განვითარებისა და მსოფლიო დონეზე წარდგენის პოტენციალი აქვთ, ხელს შეუწყობს, ინოვაციური პროდუქტის პოზიციონირება გლობალურ ბაზარზე განახორციელონ.



თანადაფინანსების ინოვაციური გრანტების პროგრამას საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო მსოფლიო ბანკის მხარდაჭერით ახორციელებს. ტექნოპარკში გამართულ ღონისძიებას, საქართველოს ეკონომიკისა და მდგრადი განვითარების მინისტრი, მსოფლიო ბანკის წარმომადგენლები, ექსპერტები და სტარტაპერები დაესწრნენ.








BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას

BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას
access_time2019-10-22 19:30:35
თქვენ გაქვთ კანონი, გაქვთ ინფრასტრუქტურა და ადამიანური კაპიტალი. თუ ამ გზას გაჰყვებით, საქართველო 15 წელიწადში კავკასიის ლიდერი იქნება, - ასე შეაფასა BBC-ის მთავარმა ბიზნეს კორესპონდენტმა ჯო ლაინამმა განვითარების პროცესში საქართველოს მიერ აღებული გეზი. ჯო ლაინამი „აბრეშუმის გზის ფორუმზე“ დასასწრებად თბილისში ჩამოვიდა. ფორუმზე ის ერთ-ერთი პანელის მოდერატორი იყო. დასრულების შემდეგ კი მსოფლიოს ბაზარზე საქართველოს პოზიციონირებისა და განვითარების პერსპექტივის შესახებ...

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ
access_time2019-10-22 17:31:38
კარგი პოლიტიკური კურსი, კარგი რეგულაციები, პირდაპირი ინვესტიციების წახალისებაზე და ქვეყნის პოტენცილაზე ჩინქსინ ჩენი აღნიშნავს. ამბობს, საქართველოში ჩინური კომპანიების ფართო წარმომადგებლობაზე და სურვილზე, მეტი ჩინური კომპანია იყოს წარმოდგენილი, რადგან საქართველოს გზაა ყველა მოკლეა ევროპასა და აზიას შორის. აბრეშუმის გზის ფორუმზე ანაკლიის განვითარების კონსორციუმის გენერალური დირექტორი ანაკლიის პორტის პროექტის ბარიერებზე საუბრობს. ვაპირებთ შეხვედრას...

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი
access_time2019-10-22 16:54:10
„საქართველოში სოკარ ჯორჯია წარმოდგენილია მისი ხელმძღვანელით მაირ მამედოვით, მათ შესანიშნავი პარტნიორობა აქვთ ადგილობრივ ხელისუფლებასთან, სახელისუფლებლო სტრუქტურებთან, - ამის შესახებ აზერბაიჯანის სახელმწიფო ნავთობ კომპანიის (SOCAR) ვიცე-პრეზიდენტმა, იაშარ ლატიფოვმა აბრეშუმის გზის ფორუმზე სიტყვით გამოსვლისას აღნიშნა. თემატურ პანელზე - „ენერგეტიკის ხვალინდელი დღე - განვითარების ტენდენციები, უსაფრთხოება და მდგრადობა აბრეშუმის გზის ენერგეტიკული სარტყელის ფარგლებსა და ფარგლებს გარეთ,...

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“
access_time2019-10-22 15:30:11
„თუ ბიძინა ივანიშვილი პატიობს შეცდომას, ჩვენ რა პრობლემა გვაქვს.  დღეს ასე იტყვის, ხვალ ისე, მთავარია ის იყოს კმაყოფილი.“ - ასე აფასებს მაია ცქიტიშვილის „შეცდომას“ FDI-ს მაჩვენებლებთან დაკავშირებით ექსპერტი გია ხუხაშვილი. ვიცე-პრემიერმა მაია ცქიტიშვილმა „აბრეშუმის გზის ფორუმზე“ განაცხადა, რომ 2018 წელს საქართველომ “ერთ-ერთი ყველაზე დიდი მოცულობის პირდაპირი უცხოური ინვესტიცია (FDI) მიიღო”, თუმცა ეს განცხადება სიმართლეს არ შეესაბამებოდა, რადგანაც 2018...

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“
access_time2019-10-22 14:51:39
„ანაკლიის პორტის პროექტის დაწყება ზედმეტად დაგვიანდა, დიდი იმედი გვაქვს, მომავალი წლიდან ამ პროექტს უკვე დავძრავთ“, – ამის შესახებ საქართველოს ეკონომიკისა და მდგრადი განვითარების მინისტრმა, ნათია თურნავამ განაცხადა.მისი თქმით, ანაკლიის ღრმაწყლოვანი პორტი ეს არის ერთ-ერთი მნიშვნელოვანი სტრატეგიული პროექტი, რომელიც საქართველოს მთავრობის ყველა პრეზენტაციაში მნიშვნელოვან ადგილს იკავებს. „როდესაც ვსაუბრობთ იმაზე, როგორ უნდა გამოვიყენოთ უკეთ შავი ზღვის შესაძლებლობები...


მსგავსი სიახლეები

up