მამუკა ბახტაძე - 2019 წელს დავოსის ფორუმი არის სრულიად განსხვავებული ჩვენი ქვეყნისთვის, ფაქტობრივად, ყველა საერთაშორისო ორგანიზაცია ერთმნიშვნელოვნად აღნიშნავს საქართველოს წარმატებას

მამუკა ბახტაძე - 2019 წელს დავოსის ფორუმი არის სრულიად განსხვავებული ჩვენი ქვეყნისთვის, ფაქტობრივად, ყველა საერთაშორისო ორგანიზაცია ერთმნიშვნელოვნად აღნიშნავს საქართველოს წარმატებას

access_time2019-01-24 18:04:28

2019 წელს დავოსის ფორუმი არის სრულიად განსხვავებული ჩვენი ქვეყნისთვის, ფაქტობრივად, ყველა საერთაშორისო ორგანიზაცია ერთმნიშვნელოვნად აღნიშნავს საქართველოს წარმატებას, - ამის შესახებ საქართველოს პრემიერ-მინისტრმა მამუკა ბახტაძემ ტელეკომპანია „იმედის" ეთერში, დავოსის ეკონომიკური ფორუმის შეჯამებისას განაცხადა.

მთავრობის მეთაურის თქმით, განსაკუთრებით სასიამოვნოა, რომ უცხოელ პარტნიორებს სწორედ საქართველო მოყავთ სხვა ქვეყნებისთვის იმის მაგალითად, თუ როგორ უნდა მოხდეს ქვეყანაში დემოკრატიული ტრანსფორმაცია და ეკონომიკური რეფორმების გატარება სახელმწიფოს წინაშე მტკივნეული გამოწვევების არსებობის მიუხედავად.

„ჩემთვის განსაკუთრებით სასიხარულო იყო, რომ უფრო მეტი ჩვენი პარტნიორი რწმუნდება, რომ საქართველოს აქვს ყველა წინაპირობა იმისთვის, რომ ჩვენ გავხდეთ რეგიონის ეკონომიკური ცენტრი. ეს არის ძალიან მნიშვნელოვანი გზავნილი, რომელიც ჩვენ კიდევ ერთხელ მივაწოდეთ საერთაშორისო თანამეგობრობას, ყველა ძლიერ ეკონომიკურ კომპანიას და ჩვენ ამაზე მივიღეთ დადებითი უკუკავშირი", - განაცხადა მამუკა ბახტაძემ.


პრემიერ-მინისტრის თქმით, დავოსში გამართული შეხვედრებისას ქართულმა მხარემ უცხოელ პარტნიორებს გააცნო ის რეფორმათა პაკეტი, რომლის განხორციელებასაც საქართველოს მთავრობა უახლოეს პერიოდში გეგმავს.



„ჩვენს პარტნიორებს გავაცანით რეფორმათა პაკეტი, რომლის განხორციელებასაც წლის მეორე ნახევრიდან ვგეგმავთ და რომელიც საშუალებას მოგვცემს, უფრო და უფრო მეტი ინვესტიცია მოვიზიდოთ საქართველოში. ჩვენ გვჭირდება უფრო მეტი სამუშაო ადგილების შექმნა და სწორედ მსგავსი ფორმატები, როგორიც არის დავოსის ეკონომიკური ფორუმი, საშუალებას გვაძლევს მოვიზიდოთ მსგავსი ინვესტიციები", - განაცხადა მამუკა ბახტაძემ.


პრემიერ-მინისტრის თქმით, დავოსის ეკონომიკური ფორუმის ფარგლებში გამართული შეხვედრებიდან გამოიკვეთა, რომ საქართველოში ინვესტიციების განხორციელებით დაინტერესებულები არიან სხვადასხვა პროფილის კომპანიები.


„ჩვენ გვქონდა შეხვედრა ერთ-ერთ წამყვან ენერგეტიკულ კომპანიასთან. საქართველოში ტრადიციულად, პოპულარული იყო ინვესტიციები ჰიდროენერგეტიკულ სექტორში, მაგრამ ჩვენ დღეს უკვე ვსაუბრობთ ყველაზე მსხვილ კომპანიებთან სხვა ალტერნატიულ ენერგეტიკაში ინვესტიციების შესაძლებლობებზე, მათ შორის, როგორიცაა ქარისა და მზის ენერგეტიკა. ამასთან ერთად, ჩვენ ფაქტობრივად მივაღწიეთ შეთანხმებას ძალიან მნიშვნელოვან პროექტებზე, რომელიც ძირითადად ეხება სამომხმარებლო პროდუქციის წარმოებას საქართველოში. ის, რომ შვეიცარიულმა კომპანიამ უკვე მიიღო გადაწყვეტილება და საქართველოში დაიწყებს ყველაზე მაღალი ხარისხის შოკოლადის წარმოებისთვის ინგრედიენტების მიწოდებას", - განაცხადა მამუკა ბახტაძემ.







„თუ ყველაფერს ჩვენ ვაკეთებთ ანაკლიის პორტში, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება - პაატა კვიჟინაძე

„თუ ყველაფერს ჩვენ ვაკეთებთ ანაკლიის პორტში, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება - პაატა კვიჟინაძე
access_time2020-02-29 10:00:09
კონსორციუმს ზღვის აკვატორია მივეცით, გამოვისყიდეთ მიწები, პასუხისმგებლობა გვქონდა რომ რკინიგზა და გზა შეგვეყვანა, საუბარი იყო იმაზე,რომ იქნებ ტვირთების გარანტიაც მოგცეთო. თუ ყველაფერს ჩვენ ვაკეთებთ ანაკლიის პორტთან დაკავშირებით, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება,- განაცხადა რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“, პარლამენტის საფინანსო-საბიუჯეტო კომიტეტის თავმჯდომარის...

„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია

„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია
access_time2020-02-28 17:47:55
„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია.ამის შესახებ „საქართველოს ბანკის“ განცხადებაშია ნათქვამი.  „დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ დადასტურებული კორონავირუსის შემთხვევებს შორის ერთ-ერთი, რომელმაც იტალიაში იმოგზაურა, ჩვენი თანამშრომელია. ის საქართველოში 26 თებერვალს ჩამოფრინდა. მისი ჯანმრთელობის მდგომარეობა დამაკმაყოფილებელია და...

სს ,,საერთაშორისო სადაზღვევო კომპანია კამარა’’ ბაზარზე ოპერირებას „გრინ დაზღვევა საქართველოს“ სახელით გააგრძელებს

სს ,,საერთაშორისო სადაზღვევო კომპანია კამარა’’ ბაზარზე ოპერირებას  „გრინ დაზღვევა საქართველოს“ სახელით გააგრძელებს
access_time2020-02-28 17:18:14
კომპანია „მეტრო ჰოლდინგმა“ და შპს „ახალი საინვესტიციო შესაძლებლობემა “ ,,საერთაშორისო სადაზღვევო კომპანია კამარა“ წლის დასაწყისში იყიდა. თებერვალში დაიწყო კომპანიის რებრენდინგი, შეიცვალა კომპანიის სახელი „გრინ დაზღვევა საქართველო/ GREEN INSURANCE GEORGIA” და სადაზღვეო კომპანია ბაზარზე განახლებული პოზიციონირებით წარსდგება. მიღებული იქნა გადაწყვეტილება საწესდებო კაპიტალის ზრდასთან დაკავშირებით - ,,გრინ დაზღვევა საქართველოს’’ კაპიტალი 10,000,000 ლარამდე გაიზარდა, რაც ხელს უწყობს...

ირანისა და იტალიის მიმართულებით სატვირთო გადაზიდვები შეჩერდა

ირანისა და იტალიის მიმართულებით სატვირთო გადაზიდვები შეჩერდა
access_time2020-02-28 16:33:46
სახმელეთო ტრანსპორტის სააგენტომ ირანისა და იტალიის მიმართულებით საავტომობილო სატვირთო გადაზიდვების ნებართვების გაცემა და გაცემული ნებართვების მოქმედება შეაჩერა.აღნიშნული შეზღუდვების მიზეზად ახალი კორონავირუსის გავრცელების პრევენციული ღონისძიებები სახელდება. „ახალი კორონავირუსის გავრცელების პრევენციული ღონისძიებების ფარგლებში, „სახმელეთო ტრანსპორტის სააგენტო“ გაცნობებთ: 2020 წლის 28 თებერვლიდან შეჩერებულია საერთაშორისო საავტომობილო სამგზავრო გადაყვანისა და საერთაშორისო...

„კორონავირუსისგან თავის დაცვისთვის აუცილებელია ყოველდღიურ რაციონში ჩართული იყოს რძის პროდუქტები, ხილი,ბოსტნეული და ხორცი“-ენდოკრინოლოგი ლაშა უჩავა

„კორონავირუსისგან თავის დაცვისთვის აუცილებელია  ყოველდღიურ რაციონში ჩართული იყოს რძის პროდუქტები, ხილი,ბოსტნეული და ხორცი“-ენდოკრინოლოგი ლაშა უჩავა
access_time2020-02-29 11:00:59
საქართველოში კორონავირუსით დაინფიცირების მეორე შემთხვევა დაფიქსირდა. დღემდე არ არსებობს ვირუსისგან თავის დაცვის კონკრეტული საშუალება და რეკომენდაცია. ვირუსთან გამკლავების ერთ-ერთ მნიშვნელოვან კომპონენტად კი ძლიერი იმუნური სისტემა სახელდება, რომელსაც სწორი კვება, ჯანსაღი ცხოვრების წესი და კიდევ რამოდენიმე სხვა კომპონენტი განაპირობებს. როგორი უნდა იყოს დღის კვების რაციონი, როგორც ბავშვებისთვის ისე მოზარდებისთვის, ასევე საფრთხეები და რისკები,...


მსგავსი სიახლეები

up