მამა პეტრე - “ამდენი მშიერი და სიღარიბის ზღვარს მიღმა მყოფი ადამიანი საქართველოში არ ყოფილა“

მამა პეტრე - “ამდენი მშიერი და სიღარიბის ზღვარს მიღმა მყოფი ადამიანი საქართველოში არ ყოფილა“

access_time2019-09-18 19:00:41


“მოსახლეობის უმრავლესობა სულს ღაფავს და სიღარიბის ზღვარს მიღმა იმყოფება. ამდენი მშიერი და სიღარიბის ზღვარს მიღმა მყოფი ადამიანი ბოლო წლების განმავლობაში საქართველოში არ ყოფილა,“ — ამბობს “კომერსანტთა“ საუბარში  მამა პეტრე კვარაცხელია. 


მამა პერტე სრულად იზიარებს  NDI -ის კვლევის შედეგებს, რამაც კიდევ ერთხელ დაადასტურა, რომ  ქვეყანაში მძიმე სოციალურ-ეკონომიკურ მდგომარებაა. 



 „სოციალური ფონი, რაც დრო გადის, დღითიდღე მძიმდება. ეს შეიძლება მოსახლეობის თითქმის ყველა ფენას არ ეხობოდეს, მაგრამ, იმდენად დიდია დისბალანსი, ამის არ შემჩნევაც, ალბათ, არასწორი იქნებოდა. მძიმე სოციალური მდგომარეობა  განსაკუთრებით ღიად ჩანს რეგიონებში, სადაც ოჯახის ყველა წევრი ხშირად უმუშევარია. წარმოიდგინეთ მათი მდგომარეობა, როცა ხშირად პურიც კი არ აქვთ საჭმელად.  ეკონომიკურ სიდუხჭირეს თან ერთვის მორალური სიმძიმეები, სულიერი პრობლემები, რამაც შეიძლება ადამიანი თვითმკვლელობამდე მიიყვანოს. ნახეთ როგორ არის გაზრდილი სუიციდის შემთხვევები. ყოველდღიურად სოციალურ ქსელში ვრცელდება განცხადებები, რომ ადამიანები ლუკა-პურს ითხოვენ, თავშესაფარს ითხოვენ. ეს ბუნებრივია, ძალიან მძიმეა იმ ფონზე, როდესაც ჩვენ ქვეყანაში კონკრეტული ადამიანები ძალიან მდიდრდებიან და მათი შემოსავალი ყოველდღიურად კოლოსალურად იზრდება.“

 

 მამა პეტრეს თქმით, მოსახლეობას შორის დისბალანსი იმდენად გაიზარდა, რომ ყრუ კედელი აღიმართა მშიერსა და მაძღარს შორის.


„არ მგონია, რაიმე შეიცვალოს სასიკეთოდ, ქვეყნის მდგოამრეობა და კეთილდღეობა პრაქტიკულად ნულს ქვემოთ არის. მრევლში ხშირად მსმენია, რომ არ გააჩნიათ ელემენტარული გადაადგილების ფინანსური საშუალება, თუნდაც ტაძარში რომ მოვიდნენ. ამ ყველაფერს თავისი ახსნა აქვს და შეიძლება გამოსავალიც არსებობდეს მაგრამ, ამ გამოსავლის ძებნაში არც ერთი მხარე არ არის ჩართული. შეუძლებელია შენ, რომელსაც არაფერი გაკლია, თავს მშვიდად გრძნობდე, როდესაც შენ გვერდით უამრავი ადამიანი გადარჩენისთვის იბრძვის. ეს ყველაფერი არასასურველ შედეგს გამოიღებს მათთვისაც, ვინც ე.წ. განცხრომაში ცხოვრობს. სახარებისეული შეგონება მახსენდება — “აქლემი უფრო ადვილად გაძვრება ნემსის ყუნწში, ვიდრე მდიდარი შევა ცათა სასუფეველში“. უნდა ყველას ახსოვდეს, რომ იმ ქვეყანაზე არაფერი გაგვყვება, ყველაფერი რჩება აქ. აქედან გამომდინარე, ეს დაფიქრებად ღირს.“

 

მამა პეტრე იზიარებს  იმ მოსახლეობის პოზიციას, რომელიც ფიქრობს, რომ ეკონომიკურ პრობლემებზე პასუხისმგებლობა ხელისუფლებას უნდა დაეკისროს. 


„დღეს, როდესაც ქვეყნის წინსვლას და წარმატებას ვზეიმობთ, მე პირადად ვთვლი, რომ 90-იან წლებში დავბრუნდით. პასუხიმგებლობა შექმნილ ვითარებაზე, რა თქმა უნდა, ხელისუფლებას ეკისრება.  ძალიან ბევრმა ოჯახმა სასწავლო პროცესის პირველ დღეს ბავშები სკოლაში ვერ გაუშვა, იმის გამო, რომ არ ჰქონდათ ტანსაცმელი, არ ჰქონდათ ჩანთა. სამწუხაროდ, ასეთი ძალიან ბევრი ოჯახია. ამას აღიარება უნდა, რატომ ხდება ასე იმის ფონზე,  როდესაც ხელისუფლებაში შეიძლება იყოს უმდიდრესი ადამიანი. არავის არავისი  შურს. უბრალოდ ჩვენ შეიძლება ერთმანეთს შევეხიდოთ, სიცოცხლე გავუხანგრძლივოთ და ცხოვრება გავულამაზოთ,  თუნდაც მომავალ თაობას, რადგან მოზარდი, რომელიც სწავლა- განათლების გარეშე დარჩება, დაკომპლექსებული იქნება თავის თანატოლებთან. ზოგიერთის შვილი უცხოეთში იღებს განათლებას, ზოგიერთის კი გაჭირვების გამო საჯარო სკოლასაც ვერ ამთავრებს. ეს ყველაფერი ხელისუფლების კისერზეა, რადგან ისინი იყვნენ ვალდებულები ქვეყანაში ყველაფერი ძირეულად შეეცვალათ. მაგრამ, სამწუხაროდ, შეიცვალა პირიქით, ანუ ისევ უკან ვბრუნდებით 90-იან წლებში. ეკლესიას რისი საშუალებაც გააჩნია ყოველთვის მხარში უდგას უპოვარ ადამიანებს და ამის კლასიკური ნიმუში არის ჩვენი უწმინდესი, რომელიც ყოველთვის დგას გაჭირვებული ადამიანის გვერდით და ყოველთვის ცდილობს მხარში დაუდგეს და ანუგეშოს ისინი. საპატრიარქოს ეპისტოლეშიც ხშირად გაისმის მინიშნებები ქვეყანაში შექმნილ მძიმე მდგომარეობაზე — მთავარია, გამგებმა გაიგოს“,  ამბობს მამა პეტრე კვარაცხელია.



კომერსანტი




ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ

ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ
access_time2020-05-27 18:00:17
2019 წელი ფინკა ბანკისთვის ახალი ინიციატივებისა და შესაძლებლობების წელი იყო. ბანკისთვის მნიშვნელოვანი გამოწვევა 2018 წლის მეორე კვარტალში მაკროეკონომიკური ცვლილებები და ეროვნული ბანკის მიერ გატარებული  ღონისძიებები აღმოჩნდა. მიუხედავად ამ გარემოებებისა, ფინკა ბანკის 2019 წლის წმინდა მოგებამ 6 792 588  ლარი შეადგინა და დადებითი ინდიკატორებით დასრულდა საფინანსო წელი: მოგება კაპიტალზე (ე.წ. უკუგება საშუალო კაპიტალზე) - ROE 13.19%, ხოლო მოგება აქტივებზე (ე.წ. უკუგება აქტივებზე) - ROA...

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“
access_time2020-05-27 20:30:34
გერმანიაში აშშ-ის ელჩის, რიჩარდ გრენელის ინფორმაციით, რუსულ გაზსადენ „ჩრდილოეთის ნაკადი-2“-ის წინააღმდეგ ახალი სანქციების დაწესება იგეგმება. რიჩარდ გრენელის თქმით, ამ ნაბიჯს მხარს რესპუბლიკელები და დემოკრატები უჭერენ. ელჩს არ დაუკონკრეტებია, რა სახის სანქციების განხილვა მიმდინარეობს კონგრესში, თუმცა როგორც გერმანული მედია იუწყება, სავარაუდოდ საუბარია შეზღუდვების დაწესებაზე იმ კომპანიების წინააღმდეგ, რომლებიც ამ გაზსადენით რუსულ ბუნებრივ აირს...

ვინ რა ჰკითხა გიორგი გახარიას

ვინ რა ჰკითხა გიორგი გახარიას
access_time2020-05-27 18:55:44
პარლამენტში ანგარიშის წარსადგენად მისული საქართველოს პრემიერ მინისტრი გიორგი გახარია საკანონმდებლო ორგანოში დეპუტატების კითხვებს ამ დრომდე პასუხობს. „კომერსანტი“ გთავაზობთ იმ კითხვა-პასუხების ნაწილს, რომელიც საკანონმდებლო ორგანოში  დაისვა და მთავრობის მეთაურის მიერ  პასუხებიც გაეცა. ეკონომიკისა და ეკონომიკური პოლიტიკის კომიტეტის...

პრემიერი - 520-ე დადგენილების გადახედვაზე საუბარი დღეს არ მიმდინარეობს

პრემიერი - 520-ე დადგენილების გადახედვაზე საუბარი დღეს არ მიმდინარეობს
access_time2020-05-27 18:09:22
„520-ე დადგენილების გადახედვაზე საუბარი დღეს არ არის, 520-ე დადგენილებაში შეიძლება გარკვეული რაღაც ცვლილებები შევიდეს“, - ამის შესახებ პრემიერ-მინისტრმა გიორგი გახარიამ პარლამენტში „ევროპული საქართველოს“ წევრის ზურაბ ჭიაბერაშვილის კითხვის საპასუხოდ განაცხადა. ქვეყნის მეთაურმა საკუთარ გამოსვლაშ ყურადღება...

27 მაისი - ქართული ლარი გამყარდა, თურქული ლირა და სომხური დრამი გაუფასურდა

27 მაისი - ქართული ლარი გამყარდა, თურქული ლირა და სომხური დრამი გაუფასურდა
access_time2020-05-27 19:30:30
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.     ეროვნული ბანკის მიერ გამოქვეყნებული 27 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ...


მსგავსი სიახლეები

up