მალფუჭებად პროდუქტს, რომელიც ლარსის გამშვები პუნქტის გავლით ქვეყნიდან გააქვთ, მწვანე სტატუსი მიენიჭება და სატვირთო მანქანებს რიგში დგომა არ მოუწევთ

მალფუჭებად პროდუქტს, რომელიც ლარსის გამშვები პუნქტის გავლით ქვეყნიდან გააქვთ, მწვანე სტატუსი მიენიჭება და სატვირთო მანქანებს რიგში დგომა არ მოუწევთ

access_time2022-05-21 16:00:38

მალფუჭებად პროდუქტს, რომელიც ლარსის გამშვები პუნქტის გავლით ქვეყნიდან გააქვთ, მწვანე სტატუსი მიენიჭება და სატვირთო მანქანებს რიგში დგომა არ მოუწევთ. ამის შესახებ „ინტერპრესნიუსს“ დისტრიბუტორთა ასოციაციის პრეზიდენტმა, ივა ჭყონიამ განუცხადა.

როგორც ჭყონია აღნიშნავს, გარემოს დაცვისა და სოფლის მეურნეობის სამინისტროს გადაწყვეტილებით, მალფუჭებადი პროდუქტის გამტანმა მძღოლებმა, რომლებსაც სურთ პრიორიტეტული ტვირთის კატეგორიაში მოხვედრა, საპატრულო პოლიციის წარმომადგენლებს ტვირთის დეკლარაციის ნომერი უნდა წარუდგინონ, რის შემდეგაც ისინი გზის გაგრძელებას შეუფერხებლად შეძლებენ.

„ისედაც გართულებულია სიტუაცია, რადგან გარკვეულწილად ჩვენ ვართ ერთ-ერთი სატრანზიტო დერეფანი იმ ომიდან გამომდინარე, რომელსაც რუსეთი უკრაინის მიმართ აწარმოებს. ტვირთების რაოდენობა საკმაოდ არის მოჭარბებული და ამისთვის მომზადებული არავინ იყო. გამტარიანობა რომ უნდა ყოფილიყო დაახლოებით, 500-600 მანქანა დღეში, დაახლოებით, 3000 მანქანაა გაჩერებული. ზოგადად, ეს რთული ვითარებაა და არა მხოლოდ ლარსის საბაჟო გამშვებ პუნქტზე, სხვა პუნქტებზეც ანალოგიური მდგომარეობაა. მიზეზი, თუ რატომ ვერ ვახერხებთ დროულად ტვირთის გადატანას ლარსის საბაჟო პუნქტიდან მეორე მხარეს, ეს არის რუსეთის საბაჟო, რომელიც საკმაოდ ნელა მუშაობს. ჩვენი მხრიდან თუ 600 მანქანა გადადის დღეში, მეორე მხარე დაახლოებით, 300-ის გატარებას ახერხებს. ეს ტრაფიკი ქმნიდა პრობლემას. ამასთან, ჩვენი პრობლემა კიდევ უფრო განსხვავებული იყო, რადგან მალფუჭებადი პროდუქტი - მწვანილი, კარტოფილი, პომიდორი, სალათის ფურცლები და ა.შ. იყო გაჩერებული. ამის გამო, მივმართეთ გარემოს დაცვისა და სოფლის მეურნეობის სამინისტროს, მინისტრ ოთარ შამუგიას, რომლისგანაც მყისიერი რეაგირება იყო. მეორე დღევე შედგა თათბირი თენგიზ კალანდაძის ხელმძღვანელობით, რომელშიც მონაწილეობდნენ საპატრულო პოლიციის ერთ-ერთი ხელმძღვანელი კახა ბუხრაძე და საბაჟოს წარმომადგენლები.

მიღებული გადაწყვეტილებით, ის ავტომობილები, რომლებიც მალფუჭებადი პროდუქტით იყვნენ დატვირთული, პრიორიტეტულ, გამწვანებულ ჯგუფში მოხვდა, დროულად მიიყვანეს ისინი ლარსის გამშვებ პუნქტთან და იქიდან მოხდება მათი გადაყვანა დანიშნულების წერტილამდე შეუფერხებლად. საუბარია, დღის განმავლობაში, დაახლოებით 30-დან 50-მდე სატვირთო ავტომობილზე. თუმცა, ეს პირველი ეტაპია - სოფლის მეურნეობის იმ პროდუქტების 20%, რომელიც უახლოეს პერიოდში, ორ კვირაში, ერთ თვეში დაიწყება, რადგან მოდის ხილის სეზონი და ტემპერატურულ რეჟიმზეც კი ის გარკვეული პერიოდი ძლებს და შემდეგ გაფუჭებას იწყებს. ამით კი პრობლემა შეექმნებოდათ როგორც ექსპორტიორ კომპანიებს, ასევე ადგილობრივ ფერმერებს. აქედან გამომდინარე, მნიშვნელოვანი და დროული იყო ამ გადაწყვეტილების მიღება. იმ ფერმერებს, რომლებიც ინფორმირებულები არ არიან შეუძლიათ მომართონ ჩვენს ასოციაციას, ან გარემოს დაცვისა და სოფლის მეურნეობის სამინისტროს დამატებითი ინფორმაციის მისაღებად; წარმოუდგინონ საპატრულო პოლიციას ტვირთის დეკლარაცია და მოხვდნენ პრიორიტეტულ ჯგუფში“, - განაცხადა ჭყონიამ.


როგორც ჭყონია ამბობს, გადაწყვეტილება, რომელიც სამინისტრომ მიიღო, ყველა გამშვებ პუნქტზე იმოქმედებს. თუმცა, მისივე ინფორმაციით, სამჯერ ნაკლები რაოდენობის ტვირთია გაჩერებული წითელ ხიდზე. ამასთან, ამ მიმართულებით მალფუჭებადი ტვირთი ნაკლებად გადის, ვიდრე ლარსის მიმართულებით.

წყარო: "ინტერპრესნიუსი"




საქართველოს 2022 წლის ეკონომიკური ზრდის პროგნოზის გაზრდას არ გამოვრიცხავთ - IMF

საქართველოს 2022 წლის ეკონომიკური ზრდის პროგნოზის გაზრდას არ გამოვრიცხავთ - IMF
access_time2022-07-07 18:00:00
საერთაშორისო სავალუტო ფონდი (IMF) საქართველოს 2022 წლის ეკონომიკური ზრდის პროგნოზის გაზრდას არ გამორიცხავს. ამის შესახებ ფონდის ახლო აღმოსავლეთის ხელმძღვანელმა ჯიჰად აზურმა გადაცემა „ანალიტიკის“ ეთერში განაცხადა. მისი თქმით, უკრაინაში ომის დაწყების შემდეგ IMF-მა საქართველოს ეკონომიკური პროგნოზი 5.5%-დან 3.2%-მდე შეამცირა, თუმცა ჯიჰად აზური არ გამორიცხავს, რომ ფონდმა...

7 ივლისი - რეგიონში ქართული ლარი, თურქული ლირა და სომხური დრამი გაუფასურდა

7 ივლისი - რეგიონში ქართული ლარი, თურქული ლირა და სომხური დრამი გაუფასურდა
access_time2022-07-07 17:30:45
ეროვნული ბანკის მიერ 7 ივლისის ვაჭრობის შედეგად, ეროვნული ვალუტა აშშ დოლართან მიმართებით 0.81 თეთრით გაუფასურდა, რის შედეგადაც ერთი დოლარის ოფიციალური ღირებულება 2.9119 ლარი გახდა. ქართული ლარის კურსით ვაჭრობა Bloomberg-ზე დილიდან 0.96%-ით გამყარდა და 17:00 საათისთვის 1 დოლარი 2.8850 იყო. თურქული ლირა დოლართან მიმართებით გაუფასურდა და 17.28 შეადგინა. თუმცა Bloomberg-ის სავაჭრო სისტემაში დილიდან თურქული ლირით ვაჭრობა 1.24%-ით გამყარდა, 17:00 საათისთვის 1 დოლარი...

„ძალიან ვწუხვარ, რომ მსოფლიოში საუკეთესო სამსახურს ვტოვებ!“

„ძალიან ვწუხვარ, რომ მსოფლიოში საუკეთესო სამსახურს ვტოვებ!“
access_time2022-07-07 15:44:18
„ძალიან ვწუხვარ, რომ მსოფლიოში საუკეთესო სამსახურს ვტოვებ!“ — ამ სიტყვებით მიმართა ბორის ჯონსონმა მოსახლეობას. მან ბრიტანეთის პრემიერ-მინისტრის თანამდებობიდან გადადგომის შესახებ განცხადება რამდენიმე წუთის გააკეთა. „ნათელია, პარლამენტის „კონსერვატიული პარტიის“ სურვილია, რომ ამ პარტიას უნდა ჰყავდეს ახალი ლიდერი და შესაბამისად, ახალი...

ქართული თაფლის ექსპორტი 85,5%-ით გაიზარდა - სად ვყიდით თაფლს

ქართული თაფლის ექსპორტი 85,5%-ით გაიზარდა - სად ვყიდით თაფლს
access_time2022-07-07 15:00:00
2022 წლის იანვარ-მაისში ქართული თაფლის ექსპორტი 85,5%-ით გაიზარდა. საქსტატის მონაცემებით, წელს 5 თვეში ქვეყნიდან 90,24 ტონა თაფლის ექსპორტი განხორციელდა (340,4 ათასი დოლარის ღირებულების), გასული წლის ანალოგიურ პერიოდში კი უცხოეთში 48,63 ტონა პროდუქტი (151,9 ათასი დოლარის ღირებულების) გავიდა. გთავაზობთ Top-3 ქვეყანას, სადაც საქართველომ წელს ნატურალური თაფლი გაყიდა: ბულგარეთი - 67,42 ტონა (195,1 ათასი დოლარი)საფრანგეთი - 14,40 ტონა (80,94...

არქიმ არქელებისთვის საზეიმო ღონისძიება გამართა

არქიმ არქელებისთვის საზეიმო ღონისძიება გამართა
access_time2022-07-07 12:25:56
არქის დიდი ოჯახის საზეიმო ღონისძიება, მცხეთაში გაიმართა, სადაც სპეციალურად არქელებისთვის სხვადასხვა გასართობი აქტივობა და ვახშამი მოეწყო. საღამოს წამყვანი, არქელების მეგობარი დუტა სხირტლაძე გახლდათ, ხოლო მუსიკალურ გაფორმებაზე დათო გომართელი და ანსამბლი „შვიდკაცა“ ზრუნავდა. არქელების პირველ საზეიმო ღონისძიებას  ექვსი საცხვრებელი სახლის მაცხოვრებელი ესწრებოდა.   “არქიში წლებია, რაც სხვადასხვა დღესასწაულს არქელები ერთ დიდ ოჯახად აღვნიშნავთ. დღევანდელი ღონისძიების...


მსგავსი სიახლეები

up