ბენზინი დაახლოებით 5 თეთრით გაძვირდება

ბენზინი დაახლოებით 5 თეთრით გაძვირდება

access_time2022-01-24 10:00:21

საქართველოს ნავთობპროდუქტების ბაზარზე საწვავის გაძვირებას ელიან. დაახლოებით 10 დღეში ფასები დაკორექტირდება და ბენზინი  დაახლოებით 5 თეთრით გაძვირდება. ამის შესახებ ,,კომერსანტთან“ ნავთობპროდუქტების იმპორტიორთა კავშირის ხელმძღვანელმა ვანო მთვრალაშვილმა განაცხადა.



მისი თქმით, ამ ეტაპზე იმპორტი  შედარებით პასიურია, რაც ფასის სტაბილურობის შესაძლებლობას იძლევა. თუმცა მომავალ პერიოდში, დაახლოებით 10 დღეში, ან უფრო ადრე, როცა ახალი პარტიები შემოვა, ფასები დაკორექტირდება ზრდის მიმართულებით.



„ადგილობრივ ბაზარზე ვითარება ჯერჯერობით სტაბილურია. მიუხედავად იმისა, რომ გლობალურ ბაზრებზე ფასები მატულობს როგორც ნავთობზე, ასევე პლატსის მიხედვითაც, მიმდინარე ეტაპზე ფასი არ შეცვლილა და სტაბილურობას ინარჩუნებს. მეტიც, 2021 წლის ბოლოს საწვავი საშუალოდ 10 თეთრით გაიაფდა. რაც შეეხება უახლოესი დროის პერსპექტივას, ვითარება რთულია იქიდან გამომდინარე, რომ ნავთობის ფასები იზრდება. მიმდინარე ეტაპზე ის არის 2014 წლის ყველაზე მაღალ მაჩვენებელზე. მათ შორის პლატსის მიხედვით, 1 ტონა ბენზინის ღირებულება 830 დოლარია, ასევე უფრო მეტად და დიდი მოცულობით გაზრდილია დიზელის ფასიც. აქედან გამომდინარე, წინაასახალწლო პერიოდი არააქტიურია მომხმარებლის მხრივ, კლიმატური პირობებიდან გამომდინარეც, იმპორტი მაღალი ინტენსივობით ვერ ხორციელდება და ამ გარემოებებმა მეტნაკლებად აქტიური გარემო შექმნა. მომავალ პერიოდში აქტიურად განახორციელებენ კომპანიები იმპორტს და საწვავი, მათ შორის, ბენზინი, გაძვირდება დაახლოებით 5 თეთრის ფარგლებში, ცვლილებას 10 დღეში ან უფრო ადრეც არ გამოვრიცხავთ“, - აცხადებს ვანო მთვრალაშვილი ,,კომერსანტთან“.




ცნობისთის,  2022 წლის 20 იანვრის ვაჭრობის შედეგებით, ლონდონში Inter Continental Exchange Futures Europe-ზე (ICE Futures Europe)-Brent მარკის ნავთობის ფასმა  88.38 (- 0.06)  დოლარი/ბარელზე შეადგინა.



ნიუ-იორკში York Mercantile Exchange-ზე (NYMEX) - Light Sweet მარკის ნავთობის ფასმა შეადგინა  86.90 (-  0,06)  დოლარი/ბარელზე.



ამ დროისთვის ბენზინგასამართ სადგურებზე 1ლ. ,,რეგულარი“ 3.04 ლარად იყიდება, ,,პრემიუმის“ ფასი 3.18 ლარია, ხოლო დიზელის ღირებულება 2.94 ლარს შეადგენს.



მარი ჩიტაია

 






დავით ნარმანია - ამ ეტაპზე, რუსეთიდან ელექტროენერგიას პრაქტიკულად არ ვიღებთ

დავით ნარმანია - ამ ეტაპზე, რუსეთიდან ელექტროენერგიას პრაქტიკულად არ ვიღებთ
access_time2022-07-06 15:00:00
ჩვენ ამ ეტაპზე, რუსეთიდან ელექტროენერგიას პრაქტიკულად არ ვიღებთ, ვინაიდან ბოლო თვეების განმავლობაში კარგი გამომუშავება გვაქვს და პირიქით, ელექტროენერგია თურქეთში ექსპორტზე გადიოდა, - ამის შესახებ საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარემ, დავით ნარმანიამ განაცხადა. მისი თქმით, ელექტროენერგიის ექსპორტი ძირითადად, მაის-ივნისის პერიოდში...

საპროცენტო განაკვეთები გაიზარდა - რომელი სესხები უფრო გაძვირდა?

საპროცენტო განაკვეთები გაიზარდა - რომელი სესხები უფრო გაძვირდა?
access_time2022-07-06 16:00:00
2022 წლის მაისში, გაცვლითი კურსის ეფექტის გამორიცხვით, სესხები წლიურად 18.1%-ით გაიზარდა და 43.1 მლრდ ლარი შეადგინა. ამის შესახებ ეროვნული ბანკის მიმოხილვაშია აღნიშნული. სებ-ის ინფორმაციით, სესხების ზრდა მეტწილად ლარით დაკრედიტების ზრდამ განაპირობა. ლარით დაკრედიტება წლიურად 21.8%-ით გაიზარდა და მთლიანი სესხების ზრდაში 9.9 პპ წვლილი...

„ვენდისში“ კრიპტოვალუტით გადახდა უკვე შესაძლებელია

„ვენდისში“ კრიპტოვალუტით გადახდა უკვე შესაძლებელია
access_time2022-07-06 12:55:27
„ვენდის“ საქართველოს წარმომადგენლობა ერთგულ მომხმარებელს უკვე კრიპტოვალუტით გადახდის შესაძლებლობას აძლევს. ამერიკული რესტორნების ქსელში ჭავჭავაძის გამზირზე მდებარე „ვენდის“ რესტორანი პირველი ობიექტია, სადაც კრიპტომფლობელები ნებისმიერ მენიუს 5 ტიპის კრიპტოვალუტით შეიძენენ. უახლოეს დროში გადახდა კრიპტო ელექტრონული საფულედან „ვენდისა“ და „დანკინის“ სრულ ქსელში იქნება შესაძლებელი ეროვნული ვალუტის ექვივალენტი საუკეთესო კურსით. ამერიკული რესტორნების ქსელი „ვენდი“ პირველი საცალო ქსელია...

წელს, 9600 ლარიანი ხელფასი 96%-ით მეტ დასაქმებულს აქვს

წელს, 9600 ლარიანი ხელფასი 96%-ით მეტ დასაქმებულს აქვს
access_time2022-07-06 14:00:39
2022 წლის მაისში იმ ადამიანების რაოდენობა, რომლებიც იღებდნენ თვიურ ხელფასს, 2021 წლის შესაბამის პერიოდთან შედარებით, 5%-ით, ხოლო 2020 წლის შესაბამის პერიოდთან შედარებით, 14.6%-ით არის გაზრდილი, ამის შესახებ აღნიშნულია PMC კვლევითი ცენტრის კვლევაში – 2022 წლის ივნისის დასაქმების თრექერი. კვლევის მიხედვით, 2022 წლის მაისში იმ ადამიანების რაოდენობა, რომლებიც იღებდნენ 0-დან 600 ლარამდე თვიურ ხელფასს, 24.3%-ს შეადგენდა, რაც 2021 წლის შესაბამის პერიოდთან...

ივნისში ტურისტული ვიზიტების 64,1% აღდგა

ივნისში ტურისტული ვიზიტების 64,1% აღდგა
access_time2022-07-06 13:00:00
ტურიზმის ეროვნული ადმინისტრაცია ივნისის თვის სტატისტიკურ მონაცემებს აქვეყნებს. ტურიზმის ადმინისტრაციის ინფორმაციით, მიმდინარე წლის ივნისში საქართველოში 445,894 საერთაშორისო მოგზაურის ვიზიტი განხორციელდა, ზრდა 2021 წლის ივნისის თვესთან შედარებით + 185.5% -ს შეადგენს, საერთაშორისო მოგზაურების აღდგენის კოეფიციენტი 2019 წლის მონაცემებთან შედარებით 51% პროცენტს...


მსგავსი სიახლეები

up