მაიკლ ჯორდანმა საათების სტარტაპ WatchBox-ში ინვესტიცია განახორციელა

მაიკლ ჯორდანმა საათების სტარტაპ WatchBox-ში ინვესტიცია განახორციელა

access_time2021-11-25 22:30:00

NBA-ს ხუთგზის ყველაზე ძვირად ღირებულმა მოთამაშე მაიკლ ჯორდანმა მდიდრული საათების ყიდვა-გაყიდვისა და გაცვლის პლატფორმა WatchBox-ის სტარტაპში ინვესტიცია განახორციელა.



„NBA-ს ჩემპიონის ექვსი ბეჭდის მქონე ჯორდანს საათებიც ჰყვარებია,“ - იუწყება CNBC.



სტარტაპ WatchBox-მა განაცხადა, რომ მან ბოლო საინვესტიციო რაუნდში 165 მლნ დოლარი შეაგროვა. ფილადელფიის ფარგლებს გარეთ ბაზირებულმა WatchBox-მა, რომელიც 2017 წელს დაარსდა, დღემდე 260 მლნ დოლარი გამოიმუშავა. მიუხედავად იმისა, რომ კომპანიამ მისი უახლესი შეფასების მაჩვენებელი არ გაამჟღავნა, ამ საკითხის მცოდნე ადამიანებმა CNBC-ის განუცხადეს, რომ სტარტაპი მილიარდ დოლარს უახლოვდება.



WatchBox-ის აღმასრულებელმა დირექტორმა, ჯასტინ რეისმა CNBC-ისთან ინტერვიუში განაცხადა, რომ მიმდინარე წელს კომპანიის სუფთა შემოსავალმა 300 მლნ დოლარს მიაღწია და მომავალში შესაძლოა, აქციების პირველად განთავსებას (Initial Public Offering-IPO) მიმართოს.



WatchBox-ს უკვე 150 მლნ დოლარის ინვენტარი აქვს. კომპანია გამყიდველებისგან ძვირად ღირებულ საათებს ყიდულობს და შემდეგ ვაჭრობს ანუ ახდენს პროდუქციის ავთენტიფიკაციას და მათ კოლექციონერებსა და სხვა მყიდველებზე ყიდის, რა დროსაც ტრანზაქციის საკომისიოსაც იღებს.




„ჩვენ მომხმარებელთა კონსულტანტებიც გვყავს, ვისთან ერთადაც შეგიძლიათ, თქვენი საათების პორტფოლიო მართოთ,” - აცხადებს ჯასტინ რეისი.



CNBC-ის მონაცემებით, ძვირადღირებული საათების მეორადი ბაზარი ყვავის, რადგან ტოპ მწარმოებლები, როგორიც არის Rolex და Richard Mille, კოლექციებზე დეფიციტის წარმოქმნის ასაცილებლად, მიწოდების გაზრდას თავს არიდებენ. ეს მდიდრული საათების კომპანიებს საშუალებას აძლევს, მეორად ბაზარზე თავიანთი ღირებულება შეინარჩუნონ, მითუმეტეს, გაზრდილი მოთხოვნის ფონზე.



Morgan Stanley-ის მონაცემებით, Rolex-მა გასულ წელს 810 000 საათი გაყიდა, Patek-მა კი - 53 000, Audemars-მა - 40 000 საათი, ხოლო Richard Mille-მა მხოლოდ 4300.



საკონსულტაციო ფირმა McKinsey-ის შეფასებით, საკუთრებაში არსებული საათების ხელახლა გაყიდვებმა 2019 წელს 18 მლრ დოლარს მიაღწია, რაც 2025 წლისთვის შესაძლოა, 32 მლრდ დოლარამდე გაიზარდოს. ფირმის პროგნოზით, 2025 წლისთვის საკუთრებაში არსებული საათების გაყიდვები ახალი საათების საცალო ბაზრის დაახლოებით ნახევარს შეადგენს, დღეს კი მას ბაზრის ერთი მესამედი უკავია.



ჯასტინ რეისის თქმით, WatchBox ბაზარზე, შემოსავლის თვალსაზრისით, ყველაზე დიდი პლატფორმაა და კომპანიის მთლიანმა შემოსავალმა შექმნის დღიდან მილიარდ დოლარს გადააჭარბა.



WatchBox მიზიდული თანხით ციფრულ პლატფორმას გააფართოვებს, ასევე, ნიუ-იორკში, ლოს ანჯელესში, მაიამიში, ჰიუსტონსა და დალასში კოლექციონერებისთვის სალონებს გახსნის. WatchBox-ის საერთაშორისო წარმომადგენლობა მოიცავს დუბაის, ჰონგ კონგსა და შვეიცარიას. ჯასტინ რეისის თქმით, კომპანიას სურს, მომდევნო სამი წლის განმავლობაში მსოფლიოს 40 ბაზარზე გავიდეს.



„მაიკლ ჯორდანთან ასოცირება WatchBox-ის ბრენდს სხვა პლატფორმებთან კონკურენციის გაწევაში დაეხმარება,“ - აცხადებს ჯასტინ რეისი.



58 წლის ჯორდანი მსოფლიოში ერთ-ერთი უმდიდრესი სპორტსმენია, რომლის ქონებაც Forbes-მა 1,6 მლრდ დოლარით შეაფასა.


bpn.ge






სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით!

სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით!
access_time2021-12-07 09:55:26
სილქფესტი 7 დეკემბერს ულიმიტო პირობებს...

„დიდგორელის“ მონაწილეთა პირველი კონფერენცია

„დიდგორელის“  მონაწილეთა პირველი კონფერენცია
access_time2021-12-06 17:50:47
საქართველოს პარლამენტის ეროვნულ ბიბლიოთეკაში, საგანმანათლებლო პროექტ  „დიდგორელის“ ორგანიზებითა და  არემჯის მხარდაჭერით,  ოკუპირებულ აფხაზეთში არსებული კულტურული მემკვიდრეობის ძეგლების შესახებ მოსწავლეთა კონფერენცია გაიმართა. მოსწავლეთა კონფერენციაში მონაწილეობა თბილისის, ზუგდიდის, მესტიის, მარნეულის ახალციხის, გარდაბნის და თეთრიწყაროს სკოლების ოცამდე მოსწავლემ მიიღო. მოსწავლეებმა, პროექტ ,,დიდგორელის’’ ავტორებთან და...

ლარის კურსი ყველა ძირითად ვალუტებთან მიმართებით გამყარდა

ლარის კურსი ყველა ძირითად ვალუტებთან მიმართებით გამყარდა
access_time2021-12-06 18:00:16
6 დეკემბრის ვაჭრობის შედეგად ლარი აშშ დოლართან მიმართებაში 2.43 თეთრით 3.0967-მდე გამყარდა. Bloomberg-ის პლატფორმაზე დღის ბოლოს კურსმა 3.0900 შეადგინა. საერთაშორისო ვალუტებიდან ლარი ევროსთან 3.09 თეთრით 3.4993-მდე, ბრიტანულ ფუნტთან 4.10 თეთრით 4.1037-მდე, აზერბაიჯანულ მანათთან 1.60 თეთრით 1.8215-მდე, ლარი თურქულ ლირასთან 0.44 თეთრით 0.2247-მდე, 1000 სომხურ დრამთან 5.06 თეთრით 6.2921-მდე, ხოლო 100 რუსულ რუბლთან 4.26 თეთრით...

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება
access_time2021-12-06 18:30:16
ინფექციური კლინიკა ახალ შენობაში, დიდი ალბათობით, არც წელს გადავა. ამის შესახებ jandacva.ge-ს  „ავერსში“ განუცხადეს, რომელსაც ის ტერიტორია ეკუთვნის, სადაც ინფექციური საავადმყოფოა განთავსებული. „ავერსი ფარმას“ დირექტორის ირაკლი ფურცელაძის განცხადებით,  ახალ შენობაში, რომელიც ინფექციურ საავადმყოფოს სახელმწიფომ 2020 წლის მაისში შეუძინა და რომელიც თეთრი კარკასის მდგომარეობაშია, „კარიც კი არავის შეუღია“ და იქ ამ ხნის განმავლობაში არანაირი...

საქართველო 12,5%, ევროზონა 4,9%, აზია 2,2% - ინფლაციის ანტირეკორდი მსოფლიოში

საქართველო 12,5%, ევროზონა 4,9%, აზია 2,2% - ინფლაციის ანტირეკორდი მსოფლიოში
access_time2021-12-07 10:00:58
„ინფლაცია არ არის მხოლოდ საქართველოს გამოწვევა, ეს არის მსოფლიოს უმრავლესი ქვეყნების გამოწვევა. აშშ-ში 6.2% ინფლაცია, გერმანიაშიც ბოლო 30 წლის განმავლობაში ძალიან მაღალი ინფლაციაა და ნუ წარმოვაჩენთ ამას როგორც მხოლოდ საქართველოს პრობლემას, ეს არის გლობალური პრობლემა, რომელიც პანდემიამ და მასთან დაკავშირებულმა მოვლენებმა მოიტანა“, - ამის შესახებ საქართველოს ეროვნული ბანკის (სებ) პრეზიდენტმა კობა გვენეტაძემ განაცხადა. საქართველოს კანონმდებლობით ინფლაციაზე...


მსგავსი სიახლეები

up