მაია ზავრაშვილმა ჰიდროგეოლოგიისა და საინჟინრო გეოლოგიის განახლებული ლაბორატორიის გახსნაში მიიღო მონაწილეობა

მაია ზავრაშვილმა ჰიდროგეოლოგიისა და საინჟინრო გეოლოგიის განახლებული ლაბორატორიის გახსნაში მიიღო მონაწილეობა

access_time2019-11-12 14:00:49

საქართველოს ტექნიკურ უნივერსიტეტში ჰიდროგეოლოგიისა და საინჟინრო გეოლოგიის განახლებული ლაბორატორია და სასარგებლო წიაღისეულის აღდგენილი მუზეუმი გაიხსნა.ღონისძიებას ეკონომიკისა და მდგრადი განვითარების სამინისტროს სსიპ წიაღის ეროვნული სააგენტოს ხელმძღვანელი მაია ზავრაშვილი დაესწრო.


როგორც ღონისძიებაზე ითქვა, ლაბორატორიის განახლებაში უნივერსიტეტის გარდა, კერძო სექტორმაც მიიღო მონაწილეობა. რაც შეეხება მუზეუმს, ის საქართველოში ერთ-ერთი ძველია და სასწავლებელში გასული საუკუნის 20-იანი წლებიდან გამოყენებითი გეოლოგიის კათედრის გახსნის შემდეგ ფუნქციონირებს. მუზეუმი წლების მანძილზე აქტიურად გამოიყენებოდა სტუდენტების სასწავლო პროცესში, თუმცა, ბოლო ათწლეულებია, მისი სათანადო აღდგენა ვერ ხერხდებოდა. მუზეუმში წარმოდგენილია საქართველოს სასარგებლო წიაღისეული. გარდა ამისა, მუზეუმში დაცულია სასწავლო-სამეცნიერო ნიმუშებიც, რომელიც განკუთვნილია სტუდენტებისთვის გარკვეული ცდების ჩასატარებლად.


უნივერსიტეტის პროფესორ-მასწავლებლებისა და სტუდენტების წინაშე გამოსვლისას, მაია ზავრაშვილმა საქართველოში სამთო საქმის განვითარებასა და აღნიშნული სექტორის რეფორმის შესახებ გაამახვილა ყურადღება. მისი თქმით, წიაღის სექტორს საქართველოს ეკონომიკის განვითარებაში უდიდესი მნიშვნელობა აქვს და ქვეყნის ექსპორტის თითქმის მესამედი სამთო მოპოვებაზე მოდის.



„საქართველო საკმაოდ მდიდარია სასარგებლო წიაღისეულით, თუმცა მათი დიდი ნაწილის ათვისება ვერ ხერხდება. წიაღის რეფორმის მთავარი ამოცანაა, დარგში საერთაშორისო სახელის მქონე ინვესტორების მოზიდვა და ქვეყნის პოტენციალის უფრო მეტად ათვისება. ამავე დროს, ჩვენი ყურადღება უნდა იყოს მიმართული წიაღის გადამამუშავებელი წარმოებების ამოქმედებაზე, რათა ჩვენ სასარგებლო წიაღისეულის მქონე ქვეყნიდან განვითარებული გადამამუშავებელი სექტორის მქონე სახელმწიფო გავხდეთ. ჩვენ ამის სრული პოტენციალი გვაქვს," - განაცხადა მაია ზავრაშვილმა.


გახსნის ღონისძიებას ასევე დაესწრნენ გარემოს დაცვისა და სოფლის მეურნეობის სამინისტროს გარემოს ეროვნული სააგენტოს ხელმძღვანელი ანდრო ასლანიშვილი, საქართველოს ტექნიკური უნივერსიტეტის რექტორის მოადგილე მეცნიერების დარგში, პროფესორი ზურაბ გასიტაშვილი, სტუ-ის სამთო-გეოლოგიური ფაკულტეტის დეკანი ანზორ აბშილავა, სტუ-ის გამოყენებითი გეოლოგიის დეპარტამენტის ხელმძღვანელი, პროფესორი ნოდარ ფოფორაძე, აგრეთვე კერძო სექტორის წარმომადგენლები.


„კომერსანტი“





საპენსიო სააგენტოში ლევან სურგულაძის გადადგომის შესახებ ინფორმაციას არ ადასტურებენ

საპენსიო სააგენტოში ლევან სურგულაძის გადადგომის შესახებ  ინფორმაციას არ ადასტურებენ
access_time2019-12-07 20:32:24
საპენსიო სააგენტოში არ ადასტურებენ მედიაში გავრცელებულ ინფორმაციას ლევან სურგულაძის გადადგომის შესახებ ინფორმაციას. როგორც კომერსანტს უწყებაში განუცხადეს,  საპენსიო სააგენტოს დირექტორი ლევან სურგულაძე განმარტებას სავარაუდოდ ორშაბათს გააკეთებს. კურიერის ინფორმაციით, საპენსიო სააგენტოს ხელმძღვანელი თანამდებობას ტოვებს. ლევან სურგულაძეს განცხადება გადადგომის შესახებ უკვე დაწერილი აქვს და ოფიციალურად ამის თაობაზე მალე საჯაროდ...

Washington Post: დონალდ ტრამპის მოსამსახურეები არალეგალი იმიგრანტები იყვნენ

Washington Post: დონალდ ტრამპის მოსამსახურეები არალეგალი იმიგრანტები იყვნენ
access_time2019-12-07 20:00:18
  აშშ-ს დღევანდელი პრეზიდენტი დონალდ ტრამპი ცნობილია თავისი ანტიმიგრანტული განცხადებებით, თუმცა, როგორც ამბობს მისი ოჯახის 2 ყოფილი მოსამსახურე, ტრამპის სახლში და მისი კომპანიის გოლფ-კლუბებში ძირითადად მუშაობდნენ სწორედ არალეგალი-მიგრანტები,   ერთ-ერთი მათ შორის არის კოსტა-რიკელი  სანდრა დიასი.   ტრამპის სახლში შესვლის წინ მას უნდა დაეცვა რამდენიმე წესი - პირველი რიგში, ის უნდა ყოფილიყო უჩინარი. ტრამპის პირადი მოსამსახურე...

ალექსანდრ ლუკაშენკო - ბელორუსია არ შექმნის ერთიან პარლამენტს რუსეთთან

ალექსანდრ ლუკაშენკო - ბელორუსია არ შექმნის ერთიან პარლამენტს რუსეთთან
access_time2019-12-07 16:00:09
  „ბელორუსია არასდროს არ შევა რუსეთის შემადგენლობაში და არ შექმნის ერთიან პარლამენტს. ჩვენ ამას არასდროს არ განვიხილავდით. დაიმახსოვრეთ - მე არ ვარ ბიჭუნა, რომელიც იყო პრეზიდენტი 3-4-5 წელი, და მე არ მსურს ხაზი გადავუსვა ყველაფერს, რასაც მივაღწიეთ ერთად - სუვერენულ დამოუკიდებელ სახელწიფოს. ჩვენ მას არ გადავაგდებთ და არ ვაჩუქებთ არავის. ჩემ დროს ეს არ მოხდება. ეს ჩვენი ქვეყანაა, დამოუკიდებელი და სუვერენული. ამით უნდა ვიამაყოთ“,  - განაცხადა ბელორუსიის პრეზიდენტმა...

მომავალ წელს 3000 IT სპეციალისტის გადამზადება იგეგმება

მომავალ წელს 3000 IT სპეციალისტის გადამზადება იგეგმება
access_time2019-12-07 14:00:30
ინოვაციებისა და ტექნოლოგიების სააგენტოს (GITA) ხელმძღვანელის ავთანდილ კასრაძის თქმით, მსოფლიო ბანკის მხარდაჭერით 3000 IT სპეციალისტი გადამზადდება. ავთანდილ კასრაძემ, რადიო კომერსანტის გადაცემაში „მთავარი ფაქტორი“ სტარტაპის სტატუსის მინიჭების სამართლებრივ ასპექტებზეც ისაუბრა.  „მომავალ წელს ვგეგმავთ 3 ათასი IT სპეციალისტის გადამზადებას. როცა ცოდნის ექსპორტზე ევსაუბრობთ, ხაზი უნდა გავუსვათ იმას,რომ საინფორმაციო ტექნოლოგიები არის ის მთავარი მიმართულება, რომლითაც შეგვიძლია რომ...

ვერ დავუშვებთ ანაკლიის პორტის პროექტის მეტად დაგვიანებას

ვერ დავუშვებთ ანაკლიის პორტის პროექტის მეტად დაგვიანებას
access_time2019-12-07 10:00:55
„ვფიქრობ, ყველაზე სწორი იქნება, განსაკუთრებით ამ ეტაპზე, როდესაც ვადა იწურება, ერთმანეთისგან გავმიჯნოთ პროექტი და კონკრეტული ინვესტორის პრობლემა" - ამის შესახებ ნათია თურნავამ ჟურნალისტებს ანაკლიის პორტის პროექტთან დაკავშირებით დასმული კითხვის პასუხად განუცხადა. ინფორმაციას ეკონომიკის სამინისტრო ავრცელებს. მინისტრის შეფასებით, ანაკლიის ღრმაწყლოვანი პორტი არის სტრატეგიული პროექტი და მნიშვნელოვანია ჩვენი ქვეყნისთვის. „ისედაც ძალიან დაგვიანდა - ორი წელი,...


მსგავსი სიახლეები

up