მაია ცქიტიშვილი - ტენდერებში იმარჯვებს კომპანია, რომელიც გვთავაზობს ფასისა და ხარისხის საუკეთესო კომბინაციას

მაია ცქიტიშვილი - ტენდერებში იმარჯვებს კომპანია, რომელიც გვთავაზობს ფასისა და ხარისხის საუკეთესო კომბინაციას

access_time2020-12-17 23:58:00

ქართულ კომპანიებს, სამწუხაროდ, დიდი პროექტების განხორციელების გამოცდილება ჯერ არ აქვთ, როცა საუბრი ეხება რამდენიმე ასეული მილიონი ლარის ღირებულების სამუშაოს, ჩვენ უნდა გვქონდეს გარანტია, რომ პროექტი შესრულდება დადგენილ ვადაში და კარგი ხარისხით, - ამის შესახებ რეგიონული განვითარების და ინფრასტრუქტურის მინისტრის მოვალეობის შემსრულებელმა მაია ცქიტიშვილმა განაცხადა. ინფორმაციას რეგიონული განვითარების და ინფრასტრუქტურის სამინისტრო ავრცელებს.



მაია ცქიტიშვილის თქმითვე, უსაფუძვლოა პრეტენზიები იმის შესახებ თუ რატომ ვერ მონაწილეობენ ქართული კომპანიები მასშტაბურ პროექტებში.



„ბევრ და მათ შორის მასშტაბურ პროექტში სწორედ ქართული კომპანიები მონაწილეობენ, მაგალითად - ქუთაისის შემოვლითი გზის ჩქაროსნული მაგისტრალის მშენებლობაში, რომელიც ბიუჯეტიდან ფინანსდება. რაც შეეხება რიკოთის მონაკვეთს, ამ პროექტებში ინვესტიციას საერთაშორისო საფინანსო ინსტიტუტები დებენ და ტენდერებიც მათ მიერ დადგენილი წესების შესაბამისად ტარდება,“ - აღნიშნა მაია ცქიტიშვილმა.



მინისტრის მ/შ-ის განცხადებით, ტენდერების კონკრეტულ კომპანიებზე მორგების შესახებ სპეკულაციები ხშირად პოლიტიკურად მოტივირებული ბრალდებებია, ხოლო თუკი ასეთი კონკრეტული მაგალითი არსებობს, ყველა ვალდებულია რეაგირებისთვის შესაბამის ორგანოებს მიმართოს.




მაია ცქიტიშვილმა დღესვე უპასუხა საქართველოში პოლონეთის ელჩის კრიტიკას საგზაო ინფრასტრუქტურის მშენებლობისთვის ჩინური კომპანიების შერჩევასთან დაკავშირებით.



„სამწუხაროდ, 2016 წლის შემდეგ არცერთ პოლონურ კომპანიას მონაწილეობაც კი არ მიუღია არც ერთ ტენდერებში. რაც შეეხება სხვა ევროპულ კომპანიებს, ისინი რა თქმა უნდა, მონაწილეობენ ტენდერებში, მაგრამ ყველა საერთაშორისო კონკურსი, როგორც უკვე აღვნიშნე, ხორციელდება დამფინანსებლი ორგანიზაციის წესების შესაბამისად, ევროკავშირი არის ძალიან ბევრი პროექტის დამფინანსებელი საქართველოში, ისევე როგორც მსოფლიო ბანკი, ევროპის განვითარების და რეკონსტრუქციის ბანკი, აზიის განვითარების ბანკი, გერმანიის რეკონსტრუქციის განვითარების ბანკი და მრავალი სხვა ჩვენი პარტნიორი, თუმცა არც ერთ მათგანს არ აქვს განსაზღვრული, რომ მაინცდამაინც ევროკავშირის ან ამა თუ იმ ქვეყნის კომპანიმ უნდა მიიღოს ან არ მიიღოს მონაწილეობა ტენდერში. პირიქით, სატენდერო პირობებით არის დაცული კონკურენცია და გამჭვირვალე პროცესში იმარჯვებს კომპანია, რომელიც გვთავაზობს საუკეთესო კომბინაციას ფასისა და ხარისხის. ასევე, დონორების სავალდებულო პირობაა კომპანიების სათანადო გამოცდილება და ფინანსური შესაძლებლობა,“ - თქვა მაია ცქიტიშვილმა.



მისივე თქმით, ინფრასტრუქტურის სამინისტროს დიდი სურვილია, რომ სამშენებლო ტენდერებში მიიღონ მონაწილეობა და გაიმარჯვონ ძლიერმა ევროპულმა კომპანიებმა, რასაც ღია კონკურენციის პირობებში, ეს კომპანიები ხშირად ვერ ახერხებენ, თუმცა სასიხარულოა, რომ ევროპული კომპანიები იმარჯვებენ სამუშაოების ზედამხედველი კომპანიების ტენდერებში და თანამშრომლობა ამ მიმართულებით სასარგებლოა.







2020 წელს თურქეთის გარდა, საქართველო და სხვა ყველა მეზობელი ქვეყანა რეცესიაში იყო

2020 წელს თურქეთის გარდა, საქართველო და სხვა ყველა მეზობელი ქვეყანა რეცესიაში იყო
access_time2021-03-03 11:32:45
გასული წელი მთელი მსოფლიოსთვის და მათ შორის, საქართველოს მეზობელი ქვეყნებისთვის მნიშვნელოვანი ეკონომიკური გამოწვევებით იყო სავსე.   პანდემიის პირობებში გლობალურად არსებული მოთხოვნისა და მიწოდების შოკების შედეგად ეკონომიკური აქტივობა მსოფლიოში შენელდა. რა თქმა უნდა, ეკონომიკის შენელებამ კვალი ჩვენს რეგიონსაც დაატყო. როგორც ოფიციალური სტატისტიკა გვიჩვენებს, 2020 წელს თურქეთის გარდა, საქართველო და სხვა ყველა მეზობელი ქვეყანა რეცესიაში იყო.   2020 წელს...

ლოპოტას დამფუძნებელი გოგა მაისურაძე გარდაიცვალა

ლოპოტას დამფუძნებელი გოგა მაისურაძე გარდაიცვალა
access_time2021-03-03 10:35:05
დღეს ლოპოტა რიზორთის დამფუძნებელი გოგა მაისურაძე გარდაიცვალა. როგორც ცნობილია, ბიზნესმენი მძიმე დაავადებას დიდი ხანი ებრძოდა. კომერსანტი სამძიმარს უცხადებს გარდაცვლილის ოჯახს

დღის Top 10 საინტერესო ამბავი

დღის Top 10 საინტერესო ამბავი
access_time2021-03-02 21:00:39
დღის Top 10 საინტერესო ამბავი: 1.გაზრდილი საპროცენტო განაკვეთები და შემცირებული სესხების მოცულობა - საბანკო სექტორის იანვრის თვე 2021 წელი ქართულმა საბანკო სექტორმა მოგებით დაიწყო, რომლის მოცულობა 113.36 მლნ ლარს შეადგენს. თუმცა წინა წლის დეკემბერთან შედარებით შემცირებულია საპროცენტო შემოსავლები და...

მერაბ ჟორდანია ვენის „აუსტრიას“ პრეზიდენტი ხდება

მერაბ ჟორდანია ვენის „აუსტრიას“ პრეზიდენტი ხდება
access_time2021-03-02 17:20:09
მერაბ ჟორდანია ტიტულოვანი ავსტრიული კლუბის - ვენის "აუსტრიას" პრეზიდენტი იქნება. ამის შესახებ ადგილობრივი საიტები იტყობინებიან. საინტერესოა წერილი, რომელიც wien.orf.at-მა გამოაქვეყნა: მწვანე შუქი პარტნიორობისთვის "ვენის "აუსტრიას" ფინანსურ მომავალთან დაკავშირებით სიტუაციას წესით მალე უნდა მოეფინოს ნათელი. ახალი პარტნიორი ჯერ ოფიციალურად არ წარუდგენიათ, მაგრამ კლუბში ამბობენ, რომ მოლაპარაკება პოზიტიური შედეგით...

Bloomberg: პანდემიის დროს სურსათზე ფასების ზრდა სერიოზულ პრობლემად იქცა

Bloomberg: პანდემიის დროს სურსათზე ფასების ზრდა სერიოზულ პრობლემად იქცა
access_time2021-03-02 20:00:43
ბოლო თვეებში სასურსათო პროდუქტების ფასმა მაქსიმუმს მიაღწია და ექსპერტების აზრით, ვითარება ძვირი სურსათის ახალი „სუპერციკლისკენ“ მიდის. ეს მასობრივი უმუშევრობის და შემოსავლების კატასტროფული ვარდნის ფონზე ხდება. მომხმარებლებზე ზეგაგვლენას ზრდადი ინფლაციაც ახდენს. Bloomberg-მა გაანალიზა მდგომარეობა 5 ქვეყანაში, სადაც ფასების ზრდამ და ინფლაციამ განსაკუთრებით დიდ მასშტაბებს მიაღწია. ბრაზილია ეს არის ლათინური...


მსგავსი სიახლეები

up