მაია ცქიტიშვილი- თანმიმდევრული და გააზრებული პოლიტიკის შედეგია,  რომ  დღესგვაქვს 100 შემთხვევა და არა ასობით ან ათასობით

- ჩვენ თანმიმდევრულად და გეგმაზომიერად ვიღებდით სხვადასხვა ტიპის შეზღუდვას და ის ყოველთვის იყო მიმართული, პირველ რიგში, ვირუსის გავრცელების პრევენციისთვის და ამასთან, არ იყო ჩვენთვის ყველაზე სასურველი გამოსავალი.  ყოველთვის ვცდილობდით, რომ ფრთხილად დაწინდახედულად შემოგვეტანა ესა თუ ის შეზღუდვა   ვირუსის გავრცელების რისკების შესამცირებლად-ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა.

მან ასევე აღნიშნა, რომ იმ შემთხვევაში თუ   საფრთხეები გაიზრდებოდა და შეიცვლებოდა ეპიდემიოლოგიური სიტუაცია საზოგადოება გაფრთხილებული იყოზომების გამკაცრების შესახებ.

,, მიუხედავად იმისა რომ ჩვენ ბევრ ქვეყანასთან შედარებით ჯერ კიდევ არ გვაქვს მძიმე სტატისტიკა, 100 შემთხვევა საქართველოსთვის არ არის ცოტა. გარდა ამისა, ჩვენ გვაქვს სამი შემთხვევა,  რომლის პირველწყრო არ არის დადგენილი  და  სამივე ამ შემთხვევაში არის საკმაოდ მაღალი კონტაქტების რისკი უშუალოდ პაციენტების მხრიდან.თავისთავად ეს ფაქტი ნიშნავს უკვე იმას რომ საზოგადოებაში არის შიდა გავრცელების მაღალი რისკი და რომ  შემთხვევების რაოდენობამ შეიძლება იმატოს ბევრად უფრო მაღალი სიჩქარით“-აღნიშნა მაია ცქიტიშვილმა.

მან კიდევ ერთხელ გაუსვა ხაზი, რომ  ყველა ის ნაბიჯი რომელიც გადაიდგა არის კონსულტაციების შედეგი ეპიდემიოლოგებთან და  ჯანდაცვის სპეციალისტებთან და აღნიშნა, რომ მნიშვნელოვანია მივიღოთ ზომები იმაზე ადრე ვიდრე ეს შეიძლება თვალსაჩინოდ გამოჩნდეს.

,,ძალიან ბევრ ქვყანაში, სადაც გეომეტრიული პროგრესიით იზრდება შემთხვევების რაოდენობა მკაცრი კარანტინი არის უკვე არა პრევენციული ღონისძიება, არამედ იმის გამოძახილი რაც იქ ხდება.გააზრებული,  თანმიმდევრული და წინდახედული პოლიტიკის შედეგია ის რომ ჩვენ დღეს,  მაშინ როდესაც  პირველი შემთხვევის დაფიქსირებიდან თვეზე მეტია გასული გვაქვს 100 შემთხვევა დაარა ასობით ან ათასობით“-აღნიშნა მაია ცქიტიშვილმა.

ინფორმაციას ინფრასტრუქტურის სამისნიტროს პრესსამსახური ავრცელებს