ქვემო ქართლში ინფრასტრუქტურული პროექტებზე 55 მლნ ლარი დაიხარჯება

ქვემო ქართლში ინფრასტრუქტურული პროექტებზე 55 მლნ ლარი დაიხარჯება

access_time2019-05-15 10:49:18

საქართველოს ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა, მთავრობის ადმინისტრაციაში რეგიონების მიმართულების ხელმძღვანელ სოზარ სუბართან და ადგილობრივი თვითმმართველობის წარმომადგენლებთან ერთად მარნეულის მუნიციპალიტეტში რამდენიმე ობიექტი დაათვალიერა.

„რეგიონებში განსახორციელებლი პროექტების ფონდიდან, სხვა რეგიონებთან ერთად, წელს გაზრდილი ბიუჯეტით ფინანსდება პროექტები ქვემო ქართლშიც. აქ დაახლოებით 55 მლნ ლარია გამოყოფილი, საიდანაც დიდი წილი საგზაო პროექტებზე მოდის. ამას გარდა, მუნიციპალური განვითარების ფონდის მეშვეობითაც ბევრ მნიშვნელოვან პროექტს ვაკეთებთ, მათ შორისაა მარნეულში უეფას მეორე კატეგორიის საფეხბურთო სტადიონის მშენებლობა, რომელსაც ევროპის საინვესტიციო ბანკი აფინანსებს. მუნიციპალიტეტში ასევე 10 ახალი სკოლის და 2 საბავშვო ბაღის მშენებლობაა დაგეგმილი. აქტიური დინამიკაა მდინარე დებედაზე, სადაც ნაპირსამაგრი სამუშაოების დასკვნითი ეტაპია. ეს პროექტი მნიშვნელოვანია სტიქიის პრევენციის და მოსახლების სავარგულების დაცვის თვალსაზრისით. ამას გარდა, მარნეულში, ყველასთვის ცნობილ მონუმენტთნ „კიდევაც დაიზრდებიან“ ამფითეატრი, საბავშვო ინფრასტრუქტურა და დასასვენებელი სივრცე მოეწყობა, რაც ამ ადგილს ადგილობრივებისა და სტუმრებისთვის უფრო მიმზიდველს გახდის,“ - აღნიშნა მაია ცქიტიშვილმა.

ვიცე-პრემიერის თქმით, რეგიონებში ხშირი გასვლა მნიშვნელოვანია როგორც პროექტების მონიტორინგის, ისე მოსახლეობასთან დიალოგის თვალსაზრისით, რაც ცენტრალურ ხელისუფლებას ადგილზე არსებული საჭიროებების გაგებასა და ბიუჯეტების უკეთ დაგეგმვაში ეხმარება.

მაია ცქიტიშვილმა დღესვე გაერთიანებული წყალმომარაგების კომპანიის პროექტი დაათვალიერა. მარნეულის წყალმომარაგებისა და წყალარინების სისტემების მშენებლობას აზიის განვითარების ბანკი აფინანსებს, რაც ათწლეულების განმავლობაში არსებულ პრობლემას გადაჭრის, სოფელ ულაშლოში კი სასმელი წყლის ქსელის მოწყობა გრძელდება და აგვისტოში, პროექტის დასრულების შემდეგ, 241 ოჯახი იქნება სასმელი წყლით უზრუნველყოფილი.

აქტიურად მიმდინარეობს მარნეულის მუნიციპალიტეტში, აღმამედლო-კასუმლო-ულაშლოს გზის რეაბილიტაცია. პროექტი ივლისის ბოლოს დასრულდება.





ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ

ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ
access_time2020-06-06 21:27:10
„გვექნება ძალიან გამჭვირვალე, მკაფიო კრიტერიუმები და პირველ რიგში იმ ქვეყნებიდან დავიწყებთ ტურისტების მიღებას, რომლებიც ამ კრიტერიუმებს უპასუხებენ“, - ამის შესახებ ეკონომიკის მინისტრმა ნათია თურნავამ „ქრონიკაში“...

იაპონია საქართველოს სამედიცინო დანადგარებით დაეხმარება

იაპონია საქართველოს სამედიცინო დანადგარებით დაეხმარება
access_time2020-06-06 17:31:53
დღეს იაპონიის მთავრობამ მიიღო გადაწყვეტილება საქართველოს აღმოუჩინოს მხარდაჭერა სამედიცინო დანადგარებით. დეტალები დაზუსტდება ორმხრივი შეთანხმების შედეგად. ამჟამად მიმდინარეობს სამუშაო პროცესი იაპონიისა და საქართველოს მთავრობებს შორის რათა დროულად მოეწეროს ხელი ორმხრივ შეთანხმებას. საქართველოს მოსახლეობა გაერთიანებულია ახალი კორონავირუსის საფრთხის წინაშე და შედეგიც შთამბეჭდავია. იაპონიის მთავრობამ გადაწყვიტა საქართველოს აღმოუჩინოს სამედიცინო მხარდაჭერა მსოფლიოში ახალი კორონა ვირუსის...

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ
access_time2020-06-06 16:00:33
...

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია
access_time2020-06-06 13:00:27
ლიბერთი აგრძელებს ზრუნვას სოციალური პასუხისმგებლობის...

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც
access_time2020-06-06 13:38:15
დაბალბიუჯეტიანი ავიაკომპანია Wizz Air ქუთაისის აეროპორტიდან ფრენებს ამცირებს. საუბარია 19 მარშრუტზე, მათ შორის შარლერუას და ეინდჰოვენის მიმართულებაზე. დაბალბიუჯეტიანი გადამზიდველის ოპერირების გეგმები აღმოსავლეთ ევროპის სხვა ბაზირების აეროპორტებთან...


მსგავსი სიახლეები

up