მაია ცქიტიშვილი მამუკა ხაზარაძეს დებატებში იწვევს და პროკურატურას მოუწოდებს, „ლელოს“ დამფუძნებლისგან განმარტებები მოითხოვოს

მაია ცქიტიშვილი მამუკა ხაზარაძეს დებატებში იწვევს და პროკურატურას მოუწოდებს, „ლელოს“ დამფუძნებლისგან განმარტებები მოითხოვოს

access_time2019-10-03 20:28:39

მაია ცქიტიშვილი მამუკა ხაზარაძეს დებატებში იწვევს. ამის შესახებ დღეს ვიცე-პრემიერმა ჟურნალისტებს განუცხადა. „მამუკა ხაზარაძემ ერთხელ უკვე თქვა უარი ჩემთან დებატებში დაჯდომაზე, როდესაც საქმე ეხებოდა მნიშვნელოვან პროექტს - ანაკლიის პორტს, თუმცა იმ შემთხვევაში თუ მას არ შერცხვება მას შემდეგ, რაც მან დღეს იკადრა, თვალებში ჩამხედოს და დაჯდეს დებატებში, მე, რა თქმა უნდა, მზად ვარ “ ,- აღნიშნა მაია ცქიტიშვილმა.


რეგიონული განვითარებისა და ინფრასტრუქტურის მინისტრი მამუკა ხაზარაძის იმ განცხადებასაც გამოეხმაურა, რომელშიც „ლელოს“ დამფუძნებელმა „გაჩერებულ“ ქვეყანაზე ისაუბრა.


„ მამუკა ხაზარაძემ დღეს ახსენა რამდენიმე მნიშვნელოვანი საკითხი, პირველ რიგში ისაუბრა გაჩერებულ ქვეყანაზე. მინდა შეგახსენოთ, რომ დღეს ქვეყანაში თითქმის წელიწადია გაჩერებულია ძალიან მნიშვნელოვანი პროექტი - ანაკლიის პორტი და უნდა ახსნას მამუკა ხაზარაძემ, თუ რატომ არის დაგვიანებული უკვე ორ წელიწადზე მეტით ის პროექტი, რომელიც ყველასთის ასეთი დიდი მნიშვნელობისაა და რატომ ვერ მოახერხა მან 3 წლის განმავლობაში ინვესტორების ნდობის მოპოვება, რომ საკუთარ კაპიტალშივე 100 მილიონი დოლარის კაპიტალის მობილიზება მოეხერხებინა“, - თქვა მაია ცქიტიშვილმა.



ვიცე-პრემიერმა ასევე აღნიშნა, რომ გუნდთან ერთად მართავს რამდენიმე მილიარდის ღირებულების 6000 პროექტზე მეტს და ამ პროექტებში 800-ზე მეტი კომპანია და დაახლოებით 25000 ადამიანია დასაქმებული.


„ეს არის ის რიცხვები, რომელსაც, როგორც ჩანს ბატონი მამუკა არ იღებს ყურად და რისი გაგებაც მას არ სურს. რაც შეეხება ტენდერების გამჭვირვალობას და შესაძლო კორუფციას, პირველ რიგში უნდა აღვნიშნო, რომ ამ პერიოდის განმავლობაში ჩვენ დაახლოებით 1000 ტენდერზე მეტი გვაქვს გამოცხადებული, საიდანაც მხოლოდ 90 ტენდერი გასაჩივრდა დავების საბჭოზე და არც ერთი საჩივარი არ დაკმაყოფილებულა. გარდა ამისა, ყველა ტენდერი არის სრულიად გამჭვირვალე და დიახ, ვკითხოთ ბიზნესს რამდენად კონკურენტუნარიანია ეს ტენდერები. მე მოვუწოდებ პროკურატურას მოითხოვოს მამუკა ხაზარაძისგან სრული განმარტებები იმ კორუფციის ფაქტებთან დაკავშირებით, რომელსაც შეიძლება ის ფლობდეს“, - აღნიშნა მაია ცქიტიშვილმა.


მისივე თქმით, ერთხელ და სამუდამოდ უნდა შეწყდეს მსგავს თემებზე ნებისმიერი სახის პოლიტიკური სპეკულაცია.


ინფორმაციას ინფრასტრუქტურის სამინისტრო ავრცელებს.





„ეროვნულ ბანკში და მთავრობაში დაინახეს რეალური პრობლემები რაც რეგულაციებმა გამოიწვია“ - სებ-ი რეგულაციების გამარტივებას გეგმავს

„ეროვნულ ბანკში და მთავრობაში დაინახეს რეალური პრობლემები რაც რეგულაციებმა გამოიწვია“ - სებ-ი რეგულაციების გამარტივებას გეგმავს
access_time2020-01-29 14:45:33
ეროვნული ბანკის პრეზიდენტის კობა გვენეტაძის განცხადებით, მარტიდან შესაძლებელია, საბანკო რეგულაციებში გარკვეული ცვლილებები შევიდეს. როგორც გვენეტაძემ მონეტარული პოლიტიკის კომიტეტის სხდომის შემდეგ ჟურნალისტებს საბანკო რეგულაციების შესაძლო გამარტივების შესახებ განუცხადა, ადასტურებს, რომ გარკვეული ცვლილებები იგეგმება, რომელიც ამჟამად დამუშავების პროცესშია. მისივე თქმით,...

კობა გვენეტაძე: მარტიდან შესაძლებელია, საბანკო რეგულაციებში გარკვეული ცვლილებები შევიდეს

კობა გვენეტაძე: მარტიდან შესაძლებელია, საბანკო რეგულაციებში გარკვეული ცვლილებები შევიდეს
access_time2020-01-29 13:01:05
ეროვნული ბანკის პრეზიდენტის კობა გვენეტაძის განცხადებით, მარტიდან შესაძლებელია, საბანკო რეგულაციებში გარკვეული ცვლილებები შევიდეს. როგორც გვენეტაძემ მონეტარული პოლიტიკის კომიტეტის სხდომის შემდეგ ჟურნალისტებს საბანკო რეგულაციების შესაძლო გამარტივების შესახებ განუცხადა, ადასტურებს, რომ გარკვეული ცვლილებები იგეგმება, რომელიც ამჟამად დამუშავების პროცესშია. „დეტალებს გავდივართ. აქტიურად მიმდინარეობს განხილვები“, - აღნიშნა გვენეტაძემ. მისივე თქმით,...

საქართველოს ეროვნული ბანკი მონეტარული პოლიტიკის განაკვეთს უცვლელად, 9.0 პროცენტზე ტოვებს

საქართველოს ეროვნული ბანკი მონეტარული პოლიტიკის განაკვეთს უცვლელად, 9.0 პროცენტზე ტოვებს
access_time2020-01-29 12:05:55
საქართველოს ეროვნული ბანკის მონეტარული პოლიტიკის კომიტეტმა 2020 წლის 29 იანვრის სხდომაზე რეფინანსირების განაკვეთის უცვლელად დატოვების გადაწყვეტილება მიიღო. მონეტარული პოლიტიკის განაკვეთი 9.0 პროცენტს შეადგენს. დეკემბერში წლიურმა ინფლაციამ 7.0 პროცენტი შეადგინა. 2019 წლის დასაწყისში გამოვლენილ ერთჯერად ფაქტორებთან ერთად, ინფლაციაზე მნიშვნელოვან გავლენას ნომინალური ეფექტური გაცვლითი კურსის გაუფასურება ახდენდა. საპასუხოდ, გასული წლის სექტემბრიდან ეროვნულმა ბანკმა პოლიტიკის...

ჩინეთიდან საქართველოში ყველაზე დიდი რაოდენობით ხორცის იმპორტი ხორციელდება

ჩინეთიდან საქართველოში ყველაზე დიდი რაოდენობით ხორცის იმპორტი ხორციელდება
access_time2020-01-29 12:30:33
საქართველოს ტერიტორიაზე, კორონავირუსის ახალი ტიპის (2019-nCoV) შემოტანის და გავრცელების თავიდან აცილების მიზნით, ჩინეთის სახალხო რესპუბლიკიდან ცოცხალი ცხოველების იმპორტი აიკრძალა. ინფორმაციას საქართველოს გარემოს დაცვისა და სოფლის მეურნეობის სამინისტრო ავრცელებს. „კომერსანტი“ დაინტერესდა ძირითადად რა სახის საქონლის იმპორტი ხორციელდება ჩინეთიდან საქართველოში. „საქსტატის“ მიერ...

კორონავირუსის პრევენციის მიზნით, საქართველომ ჩინეთთან პირდაპირი ავიამიმოსვლა დროებით შეწყვიტა

კორონავირუსის პრევენციის მიზნით, საქართველომ ჩინეთთან პირდაპირი ავიამიმოსვლა დროებით შეწყვიტა
access_time2020-01-29 11:15:37
საქართველოში კორონავირუსის შესაძლო გავრცელების პრევენციული ღონისძიებების ფარგლებში, ჩინეთის სახალხო რესპუბლიკასთან პირდაპირი საჰაერო მიმოსვლა დროებით შეწყდა, – ამის შესახებ ინფორმაციას სამოქალაქო ავიაციის სააგენტო ავრცელებს. უწყების ცნობით, აღნიშნულის შესახებ, უკვე ეცნობა ჩინეთის სახალხო რესპუბლიკის საავიაციო ხელისუფლებას და შესაბამის ავიაკომპანიას. შეზღუდვა მოქმედებს ზამთრის სანავიგაციო სეზონის ბოლომდე – 2020 წლის 29...


მსგავსი სიახლეები

up