წელს რეკორდული წელი გვაქვს. ახალი გზის 19 კილომეტრიანი მონაკვეთი გავხსენით. ასევე დამატებით ორი ზოლი ქუთაისის შემოვლით გზაზე და ჯაპანა-ლანჩხუთის 14-კილომეტრიანი გზის მონაკვეთი, რომელიც დამატებითი კომფორტის ზონაა. ასევე ზაფხული ბოლოს ვგეგმავთ გავხსნათ ხაშურის შემოვლითი გზა, - ამის შესახებ, ტელეკომპანია „იმედის“ გადაცემა „შაბათის ქრონიკაში“ ვიცე-პრემიერმა და ინფრასტრუქტურის მინისტრმა მაია ცქიტიშვილმა განაცხადა.
მისი თქმით, ერთ წელიწადში საქართველოში რეკორდული მოცულობის გზა აშენდა. „2012 წლამდე სულ აშენდა 68 კილომეტრის მოცულობის ახალი გზა. ჩვენ მსოლოდ ერთ წელიწადში 70 კილომეტრი შევმატეთ საერთაშორისო ავტომაგისტრალების ნაწილს. 2022 წლისთვის ჩვენ პრაქტიკულად გვექნება დასრულებული ყველა მაგისტრალი აღმოსავლეთ-დასავლეთის ნაწილში. დარჩება მხოლოდ წითელი ხიდის მონაკვეთი და ბათუმიდან სარფამდე გზა, რომელის მშენებლობაც სავარაუდოდ 2023 წელს დასრულდება“, - განაცხადა ცქიტიშვილმა.