მაია ცქიტიშვილი: ჩვენთვის არ არსებობს დახურული ტენდერები და დახურული ინფორმაცია

მაია ცქიტიშვილი: ჩვენთვის არ არსებობს დახურული ტენდერები და დახურული ინფორმაცია

access_time2018-09-25 18:30:57

საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი სამშენებლო კომპანიების წარმომადგენლებს შეხვდა.


მინისტრი კომპანიების წარომადგენლებს მინისტრის პირველი მოადგილესთან, საავტომობილო გზების დეპარტამენტის თავმჯდომარესთან ირაკლი ქარსელაძესთან ერთად ხვდება და მათ დაგეგმილ პროექტებზე გამოსაცხადებელ ტენდერებთან დაკავშირებით ინფორმაციას წინასწარ აწვდიან.


ცქიტიშვილმა აღნიშნა, რომ წინასწარ მიწოდებული ინფორმაცია საშუალებას აძლევს კომპანიებს უკეთ მოემზადონ და დაგეგმონ თავიანთი საქმიანობა.



,,ასეთი ფორმატის შეხვედრები არის უკვე პრაქტიკა, რომელიც სამინისტროში დავნერგეთ. ჩვენ წინასწარ ვაწვდით კომპანიებს ინფორმაციას იმ ტენდერების თაობაზე, რომლის გამოცხადებასაც ვგეგმავთ. ამჯერად, ეს შეხვედრა საგზაო დეპარტამენტის მიერ არის ინიცირებული, თუმცა, სამინისტროს სისტემაში შემავალი სხვა საქვეუწყებოებიც იგივე პრაქტიკას მისდევენ. წინასწარ მიწვდილი ინფორმაცია საშუალებას აძლევს კომპანიებს უკეთ მოემზადონ და დაგეგმონ თავიანთი საქმიანობა. ტენდერები გახდება უფრო კონკურენტუნარიანი და რაც კიდევ უფრო მნიშვნელოვანია, ჩვენ უზრუნველვყოფთ თანაბარ წვდომას ყველა დაინტერესებული პირისთვის. ჩვენთვის არ არსებობს დახურული ტენდერები, დახურული ინფორმაცია, გვინდა რომ ეს პროცესი კიდევ უფრო გამჭვირვალე გავხადოთ და უზრუნველვყოთ უფრო აქტიური ჩართულობა ჩვენი კომპანიების მხრიდან“, – განაცხადა მაია ცქიტიშვილმა.


მან ასევე გამოყო რამდენიმე მსხვილი პროექტი, რომლებზეც ტენდერი უნდა გამოცხადდეს.


,,ამ პაკეტში, რომელსაც ჩვენ კომპანიებს ვთავაზობთ არის, დაახლოებით, 186 მილიონი ლარის ღირებულების სამუშაოები, ეს საორიენტაციო თანხაა, რომელიც იმედი გვაქვს, რომ ტენდერის შედეგად დაიკლებს. გამოვყოფდი რამდენიმე საკმაოდ საინტერესო ტენდერს: ეს არის ბარისახო-შატილის დამაკავშირებელი 55 კმ-იანი გზა და საჩხერე-ონის დამაკავშირებელი გზის 2 ლოტი, რომლის საერთო სიგრძე 8.5 კმ-ია. ამ მიმართულებებით, საგზაო ინფრასტრუქტურის მოწესრიგება უზრუნველყოფს ადგილობრივი მოსახლეობისა და ტურისტებისთვის კომფორტულ გადაადგილებას და რეგიონების განვითარებას. ასევე, რეაბილიტირდება ოკაცეს კანიონთან მისასვლელი- გორდი-ძეძილეთის დამაკავშირებელი გზა. რეაბილიტაცია ჩაუტარდება ისეთ მონაკვეთებსაც, სადაც აქამდე ასფალტის საფარი არასდროს ყოფილა“,-განაცხადა მაია ცქიტიშვილმა.







საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს

საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს
access_time2019-02-23 20:00:56
საპენსიო სააგენტო საინფორმაციო და სარეკლამო მომსახურებაში 2019 წელს 913 938 ლარის დახარჯვას გეგმავს. შესყიდვების სააგენტოსგან ის ამ მომსახურების ტენდერის გარეშე, პირდაპირი წესით შესყიდვის ნებართვას...

რუსული საფრთხე ქართულ ეკონომიკაში

რუსული საფრთხე ქართულ ეკონომიკაში
access_time2019-02-23 18:00:24
ამ დღეებში სხვადასხვა სახელმწიფო უწყებამ გამოაქვეყნა სტატისტიკური მონაცემები, რომლებიც ერთი შეხედვით გასახარია. კერძოდ,  ნეგატიური პროგნოზების და ღორის გრიპის მიუხედავად, 2019 წლის იანვარში საქართველოში ტურისტების რაოდენობა კვლავ გაიზარდა - ამჯერად 18%-ით 2018 წლის იანვართან შედარებით. გარდა ამისა, აღმოჩნდა, რომ 2018 წელს არნახულად გაიზარდა სასოფლო-სამეურნეო პროდუქციის   ექსპორტი, რომელმაც მიაღწია 935 მლნ. დოლარს. ამ პროდუქციის...

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა
access_time2019-02-23 16:00:07
მარიანა კოტოვას ბლოგი...

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები
access_time2019-02-23 14:00:34
მამუკა ხაზარაძე „თიბისი ბანკის“ სამეთვალყურეო საბჭოს თავმჯდომარის თანამდებობას ტოვებს, მაგრამ აქციების გაყიდვას არ გეგმავს და ბანკის აქციონერად რჩება - ამის შესახებ „თიბისი ბანკში“...

როგორი იქნება განათლებისა და მეცნიერების 23-მილიონიანი ქალაქი დიდ დიღომში

როგორი იქნება განათლებისა და მეცნიერების 23-მილიონიანი ქალაქი დიდ დიღომში
access_time2019-02-23 12:00:54
საქართველოს განათლების, მეცნიერები, კულტურისა და სპორტის მინისტრის, მიხეილ ბატიაშვილის ინიციატივით, თბილისში, დიდი დიღმის ტერიტორიაზე საგანმანათლებლო კომპლექსი - "ახალი განათლებისა და მეცნიერების ქალაქი“ აშენდება. განათლების სამინისტროს განცხადებით, "ახალი ქალაქი უზარმაზარ საგანმანათლებლო სივრცეს გააერთიანებს და განათლების რეფორმის განხორციელებისა და მისი მიღწევების გაზიარების ჰაბი...


მსგავსი სიახლეები

up